यहोसु 12:5 - Sunuwar Bible

⁵ हेरमोन डांडा, साल्‍का, बाशान नेल्‍ल, गेशुरी आन सांद नु माकाथ आ मुर आन सांद सम्‍म नु आधा गिलाद रे लाइश्‍शा, हेश्‍बोन ङा पिप सीहोन आ सांद सम्‍म सासन पाइबाक्‍माक्‍त।

यहोसु 12:5 ပူးပေါင်းရင်းမြစ်များ

२ सामुएल 13:37

तन्‍न अब्‍सालोम प्रोक्‍शा गेशुर ङा पिप अम्‍मीहुद आ तौ तल्‍मै आ बाक्‍तीक लशा बाक्‍माक्‍त। दाऊद आ तौ आ पर्बम शुश नाक्‍त सम्‍म रोंका पवा बाक्‍त।

२ सामुएल 15:8

मारदे हना गो, इन गेय पाइबम अराम ङा गेशुरम बाक्‍ङानु, कबल का पाता। गो मार कबल पाता देंशा हना, ‘परमप्रभु यावे, गे आं कली थमा पा यरूसलेमम लेश्‍शा चाक्‍ती हना, गो हेब्रोनम परमप्रभु यावे, इन कली ठेयब सेल्‍नुङ’ दे कबल पाता” देंमाक्‍त। उत्‍पत्ती २८:२०-२१; २सामुएल १३:३७-३८

२ सामुएल 23:34

माकाह सहर ङा अहास्‍बाइ आ तौ एली-फेलेत, गिलो ङा अहीथोफेल आ तौ एलीआम,

२ सामुएल 3:3

मेको आ माइला तौ किलेआब बाक्‍माक्‍त। मेको आ ममा कारमेल ङा बेक्‍शो नाबाल आ मीश अबीगेल बाक्‍माक्‍त। मेको आ साइला तौ अब्‍सालोम बाक्‍माक्‍त। मेको आ ममा गेशुर ङा पिप तल्‍मै आ तमी माकाह बाक्‍माक्‍त। २सामुएल १५:१

२ राजा 25:23

मिनु लडाइ पाइब आन ठेयब मुर नेल्‍ल नु मेको आन मुरपुकीम बेबीलोन ङा पिपम गेदाल्‍याह कली सासन पाइब सेल्‍शो लोव़ नेन्‍मे बाक्‍त। मिनु मेको नेल्‍ल गेदाल्‍याह आ बाक्‍तीके मिस्‍पा सहरम जाक्‍मा बाक्‍त। मेको नेथन्‍याह आ तौ इश्‍माएल, कारेआह आ तौ योहानान, नेतोफाह सहर ङा तन्‍हुमेथ आ तौ सेरायाह, माकाथी आ तौ याजन्‍याह नु मेको आन मुरपुकी जाक्‍मा बाक्‍त।

१ इतिहास 5:11

गाद आ मुरपुकी रूबेन आ मुर आन नेक्‍था बाशान रागीम साल्‍का सम्‍म बाक्‍शो बाक्‍मा बाक्‍त।

येरमीया 40:8

मिनु मेको नेल्‍ल मिस्‍पा सहरम गेदाल्‍याह आ बाक्‍तीकेम लाम्‍‍तेक्‍म। नेथन्‍याह आ तौ इश्‍माएल, कारेआह आ तौ योहानान नु योनाथन, तन्‍हुमेथ आ तौ सेरायाह, नेतोफाह आ मुर एफाइ आ तौपुकी, माकाथी आ तौ येजन्‍याह नु मेको आन मुर नेल्‍ल लाम्‍‍तेक्‍म। येरमीया ४१:१,११

ब्‍यवस्‍था 3:14

मनस्‍से आ युइ याइरमी अरगोब ङा रागी नेल्‍ल, गेशुरी नु माकाथी आन सांद सम्‍म लाइक्‍तु। मेको बाशान कली आ नें हव्‍वोथ-याइर वोइक्‍तु। मेको मुल सम्‍म बाक्‍ब।

यहोसु 11:3

पूर्ब नु पच्‍छिम ङा कनानी आन पिप नु एमोरी आन पिप, हित्ती आन पिप, परिज्‍जी आन पिप, पहाड रागीम बाक्‍ब यबुसी आन पिप नु रागी ङा हेरमोन डांडा आइदी मिस्‍पा रागी गे बाक्‍ब हिव्‍वी आन पिप, नेल्‍ल आन कली ब्रेश्‍शा सोइक्‍ताक्‍व।

यहोसु 12:1

मिनु इस्राएलीपुकीमी यर्दन ङा पूर्ब, अरनोन खोला रे हेरमोन डांडा सम्‍म नु पूर्ब ङा अराबाह दिंम नेल्‍ल आंम के सेल्‍तेक्‍म। मेको ब्रुशो पिप सु सु बाक्‍तेक्‍म देंशा हना,

यहोसु 13:11

गिलाद रागी नु गेशुरी नु माकाथी आन रागी नु हेरमोन नेल्‍ल नु बाशान नेल्‍ल रे लाइश्‍शा साल्‍का सम्‍म गेशो बाक्‍त। ब्‍यवस्‍था ३:१४; २सामुएल ३:३; २सामुएल १५:८

१ सामुएल 27:8

दाऊद नु मेको आ मुरपुकी लडाइ पथ ग्रूमानु, गेशुरी, गिरजी अमालेकी आन मारेइ मारेइ रोइक्‍बाक्‍मा बाक्‍त। मारदे हना मेकोपुकी तेलाम रे शुर सम्‍म नु इजीप्‍त सम्‍म बाक्‍बाक्‍मा बाक्‍त।