यहोसु 11:9 - Sunuwar Bible

⁹ मिनु यहोसुमी परमप्रभु यावेमी देंशो खोदेंशो पा, मेको आन शारा आन ठेयब नारी ख्रोइश्‍शा, मेको आन बग्‍गीपुकी मीम क्रोइक्‍तु।

यहोसु 11:9 ပူးပေါင်းရင်းမြစ်များ

उत्पत्ती 49:6

आं थुं इस ख्रुइश्‍शा अरेशोम गेनायो मबिस्‍सेक्‍ल, आं नें इस ग्रुम्‍तीकेमी गेनायो मदेंमल। थुं का मदुमीसे। मारदे हना इस चुरतीकेमी मुर साइक्‍तीसी। महिंब दुम्‍शा, ब्‍यफ कली गाक्‍ने मचाप्‍ब सेल्‍तीसी।

२ सामुएल 8:4

दाऊदम मेको रे हजार का ७ सहे शारा ङोइक्‍बपुकी नु २० हजार जना खोइलीम गाक्‍ब लडाइ पाइब आन कली ग्‍याइक्‍तीमी बाक्‍त। मिनु दाऊदम बग्‍गी कीब शारा आन नारी ख्रोदा बाक्‍त। मिनु आंम कली सहे का शारा बग्‍गी कीचा कली वोदा बाक्‍त। यहोसु ११:९

भजन संग्रह 46:10

मेकोमी “सिक्‍सी पा बाक्‍कीन। गो परमप्रभु नङ, दे तुइक्‍तीन। गो रागी रागी ङा मुर आन दातेमी ठेयब दुम्‍नुङ। गो रागी नेल्‍लेमी नेल्‍ल क्‍येङा ठेयब दुम्‍नुङ” देंत।

नहुम 2:13

मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ बग्‍गी चोशा गेनन। मिनु गुप्‍स आ चाइक्‍ब खोदेंशो इ तमी तौ तरवारमी साइक्‍चा पुंइसीनीम। इ रोइश्‍शो, इ साइश्‍शो रागी रे ग्रुंइनुङ। मिनु इ लोव़ कुरब मुर आन सेंदा मनेंसीब” देंशो बाक्‍ब।

यहोसु 11:6

मिनु परमप्रभु यावेमी यहोसु कली “मेको आन कली तशा महिनीन। मारदे हना दीसा गो मेको आन कली साइश्‍शा, गे इस्राएली इन गुइमी गेनुङ। गे मेको आन शारा आन ठेयब नारी ख्रोइश्‍शा, आन बग्‍गी आन कली मीम क्रोतो” देंत।