यहोसु 11:2 - Sunuwar Bible

² उत्तर ङा पहाडम बाक्‍ब पिपपुकी नु किन्‍नेरोथ ङा दक्‍खिन ङा पिप, अराबाह ङा पहाडम बाक्‍ब आन पिप नु पच्‍छिमम नाफथ-डोर डांडा गे बाक्‍ब आन पिप, किन्‍नेरोथ किन्‍नेरेथ यो बाक्‍ब।

यहोसु 11:2 ပူးပေါင်းရင်းမြစ်များ

१ राजा 15:20

मिनु बेन-हादादमी पिप आसा आ देंशो बिस्‍से बाक्‍त। मिनु मेकोमी आ लडाइ पाइब आन ठेयब मुर आन कली इस्राएल ङा सहर नु लडाइ पथ सोइक्‍ता बाक्‍त। मिनु मेकोपुकीम इयोन, दान, आबेल-बेथ-माकाह किन्‍नेरोथ नेल्‍ल नु नाप्‍ताली आ रागी नेल्‍ल ग्रामा बाक्‍त। २राजा १५:२९

१ राजा 4:11

बेन-अबीनादाब नाफाथ-डोर ङा ठेयब मुर बाक्‍माक्‍त। बेन-अबीनादाबम सोलोमन आ तमी थाफाथ कली ग्‍युंबे पशो बाक्‍माक्‍त। १सामुएल १६:८

गन्‍ती 34:11

मिनु शेफाम रे उइ ब्रुप्‍शा ऐन ङा पूर्ब गे ङा रिब्‍ला सम्‍म जाक्‍दीत्‍चा माल्‍ब। मिनु नोले मेको सांद ब्रुप्‍शा, किन्‍नेरेथ समुन्‍द्र आ पूर्ब ङा शुंइच सम्‍म जाक्‍दीत्‍चा माल्‍ब।

लूका 1:39

मिनु नोले मरीयम यहूदीया रागी ङा पहाडी सहर कामी बाक्‍शो एलीशीबा कली ग्रुम्‍थ लमाक्‍त।

लूका 5:1

मिनु काबु येसुमी गेनेसरेथ समुन्‍द्र आ नेक्‍था जाक्‍दीश्‍शा, मुर आन कली परमप्रभु यावे आ लोव़ शेंदीमी बाक्‍त। मुरपुकीमी येसु कली डी डा चूमे बाक्‍त।

यहोसु 10:40

मोपा यहोसुमी पहाड नेल्‍ल, नेगेब रागी, पच्‍छिम नेल्‍ल ङा आइक्‍च पहाड नु आइक्‍च डांडा ङा देम्‍सीलो ग्रात। पिप नेल्‍ल आन कली साइक्‍तु। का कली यो मप्रोन। मेको ब्रोंइशो नेल्‍ल आन कली खतम सेल्‍तु। परमप्रभु यावे, इस्राएली आन परमप्रभुमी दोदेंशो अरेवा, मोदेंशो पाप्‍तु। ब्‍यवस्‍था २०:१६-१८

यहोसु 10:6

मिनु गिबोन ङा मुरपुकीमी गिल्‍गाल सहरम बाक्‍शो यहोसु कली “मुल, गे इन गेय पाइब, गो आंइ कली मप्रेंदीन। गे रीब पा जाक्‍कीन। आंइ कली वारच पा प्रोनीन। मारदे हना पहाड रागीम बाक्‍ब एमोरी आन पिप नेल्‍ल गो नु लडाइ पचा कली खुम्‍सीशो बाक्‍नीम” दे लोव़ सोइक्‍ताक्‍म।

यहोसु 11:16

मोपा यहोसुमी मेको रागी नेल्‍ल आंम के सेल्‍तु। तेको तेको रागी आंम के सेल्‍तु देंशा हना, पहाड, नेगेब नेल्‍ल, गोशेन नेल्‍ल नु दिंम ङा रागी, अराबाह रागी नु इस्राएल ङा ठेयब डांडा नु आ दिंम, यहोसु १०:४१

यहोसु 11:21

मिनु मेना यहोसुमी हेब्रोन, देबीर, आनाब नु यहूदा आन पहाड नु इस्राएली आन पहाड रागीमी बाक्‍ब अनाकीम ङा मुर आन कली खतम सेल्‍तु। यहोसुमी मेको आन कली नु आन सहर नेल्‍ल खतम सेल्‍तु। यहोसु १४:६-१५; ब्‍यवस्‍था ९:२

यहोसु 12:23

नाफाथ-डोरम बाक्‍शो डोर डांडा ङा पिप, गिल्‍गालम बाक्‍शो गोयीम ङा पिप, ग्रीक लोव़म गिल्‍गाल कली गालील यो देंब। उत्‍पत्ती १४:१९

यहोसु 12:3

मिनु पूर्ब गे किन्‍नेरोथ माइश्‍शो समुन्‍द्र रे अराबाह दिंम नु अराबाह हिक्‍सी समुन्‍द्र, बेथ-येशीमोथ नु दक्‍खिन गे पिस्‍गा डांडा आधी रागी सम्‍म यो सासन पशो बाक्‍माक्‍त।

यहोसु 13:27

मिनु हेश्‍बोन ङा पिप सीहोन आ लीशो राज्‍य नेल्‍ल, दिंम बेथ-हाराम, बेथ-निम्रा, सुक्‍कोथ, साफोन, यर्दन नु आ सुर मेको आ सांद बाक्‍त। मेको आन कली यर्दन ङा पूर्ब गे किन्‍नेरेथ समुन्‍द्र आ दक्‍खिन उइ सम्‍म गेशो बाक्‍त।

यहोसु 17:11

इस्‍साकार नु आशेर आस रागी आस दातेमी मनस्‍से आ सहर नु गाउं का निक्‍शी यो बाक्‍तेक्‍म। मेको तेको तेको बाक्‍तेक्‍म देंशा हना, बेथ-शेआन, इब्‍लाम नु आ एर ओंथ, एन-डोर, तानाक, मेगीददो नु एर ओंथ ङा गाउंपुकी बाक्‍तेक्‍म। मेको कली डांडा सां यो देंनीम। न्‍यायाधीस १:२७-२८

न्‍यायाधीस 1:27

मनस्‍से आ थर ङा मुरपुकीमी बेथ-शेआन, तानाक, डोर, इब्‍लाम नु मेगीददो ङा मुर आन कली नु मेकेर ङा गाउं ङा मुर आन कली मखेरमे बाक्‍त। मारदे हना कनानीपुकीमी मेकेर बाक्‍चा थुं पामे बाक्‍त। यहोसु १७:११-१३