यहोसु 11:16 - Sunuwar Bible

¹⁶ मोपा यहोसुमी मेको रागी नेल्‍ल आंम के सेल्‍तु। तेको तेको रागी आंम के सेल्‍तु देंशा हना, पहाड, नेगेब नेल्‍ल, गोशेन नेल्‍ल नु दिंम ङा रागी, अराबाह रागी नु इस्राएल ङा ठेयब डांडा नु आ दिंम, यहोसु १०:४१

यहोसु 11:16 ပူးပေါင်းရင်းမြစ်များ

भजन संग्रह 105:44

मिनु परमप्रभुमी रागी रागी ङा मुर आन रागी नु आन शोंप मेको आन कली गेमी बाक्‍त।

भजन संग्रह 78:55

रागी रागी ङा मुर आन कली मेको आन ङोंइती रे खेरतु। मिनु इस्राएली आन कली मेको रागी योक्‍शा, गेम्‍तीमी। मिनु इस्राएल आ थर थर ङा मुर आन कली आन ताम्‍बुमी बाक्‍चा गेम्‍तीमी।

इजीकीएल 17:23

गो मेको इस्राएल ङा लाइश्‍शो पहाड मेर ख्रुम्‍नुङ। मिनु मेकोम शुश राशी दाप्‍पाइश्‍शा फल सिप्‍पाइश्‍शा, थम दारशो लेबानोन ङा लाइश्‍शो रवा का दुम्‍ब। मिनु नेल्‍ल खाल ङा चिक्‍ब आ राशीम बाक्‍नीम। मिनु मेकेर ठेयब चिक्‍बपुकीम ग्‍योव़ सेल्‍शा, मेको आ वांकुम बाक्‍नीम। इजीकीएल २०:४०; १सामुएल २:७०८

इजीकीएल 36:8

तन्‍न गे इस्राएल ङा डांडापुकी, गेपुकीम चहिं इन राशी ङोन सम्‍म हाम्‍शा, आं मुर इस्राएली आन कली फल सिप्‍पाइक्‍नीनी। मारदे हना मेकोपुकी रीब पा आन खिं लेत्‍नीम।

ब्‍यवस्‍था 1:7

मुल गे गाक्‍चा गोने। कनानी आन रागी लने। एमोरी आन पहाड नु दिंमम लने। मेको आ नेक्‍था ङा अराबाह माइक्‍तीके यो लने। मेको पहाड बाक्‍ब। मेको शेफेलाह, नेगेब नु समुन्‍द्र आ नेक्‍था ङा कनानी आन रागी बाक्‍ब। गे लेबानोन नु युफ्रेटीस माइश्‍शो ठेयब खोला सम्‍म लने’ देंत।

यहोसु 10:40

मोपा यहोसुमी पहाड नेल्‍ल, नेगेब रागी, पच्‍छिम नेल्‍ल ङा आइक्‍च पहाड नु आइक्‍च डांडा ङा देम्‍सीलो ग्रात। पिप नेल्‍ल आन कली साइक्‍तु। का कली यो मप्रोन। मेको ब्रोंइशो नेल्‍ल आन कली खतम सेल्‍तु। परमप्रभु यावे, इस्राएली आन परमप्रभुमी दोदेंशो अरेवा, मोदेंशो पाप्‍तु। ब्‍यवस्‍था २०:१६-१८

यहोसु 10:41

मिनु यहोसुमी कादेश-बारनेआ, गाजा नु गोशेन रे लाइश्‍शा गिबोन सम्‍म नेल्‍ल ग्रात। यहोसु ११:१६

यहोसु 11:15

दोपा परमप्रभु यावेमी आ गेय पाइब मोसा कली अरेशो बाक्‍मे, मोपा मोसामी यहोसु कली अरेशो बाक्‍माक्‍त। मिनु यहोसुमी मोदेंशोन पाप्‍तु। परमप्रभु यावेमी मोसा कली अरेशो लोव़ यहोसुमी का सम्‍म यो मप्रोन। नेल्‍ल रिम्‍शो पा टिप्‍तु।

यहोसु 11:2

उत्तर ङा पहाडम बाक्‍ब पिपपुकी नु किन्‍नेरोथ ङा दक्‍खिन ङा पिप, अराबाह ङा पहाडम बाक्‍ब आन पिप नु पच्‍छिमम नाफथ-डोर डांडा गे बाक्‍ब आन पिप, किन्‍नेरोथ किन्‍नेरेथ यो बाक्‍ब।

यहोसु 11:21

मिनु मेना यहोसुमी हेब्रोन, देबीर, आनाब नु यहूदा आन पहाड नु इस्राएली आन पहाड रागीमी बाक्‍ब अनाकीम ङा मुर आन कली खतम सेल्‍तु। यहोसुमी मेको आन कली नु आन सहर नेल्‍ल खतम सेल्‍तु। यहोसु १४:६-१५; ब्‍यवस्‍था ९:२

यहोसु 12:8

पहाड रागी, पच्‍छिम ङा आइक्‍च डांडापुकी, अराबाह रागी, पहाड ङा देम्‍सीलो, गोरशो रागी नु नेगेब बाक्‍तेक्‍म। मेकेर तेको जात ङा मुर बाक्‍तेक्‍म देंशा हना, हित्ती, एमोरी, कनानी, परिज्‍जी, हिव्‍वी नु यबुसीपुकी बाक्‍तेक्‍म। मिनु ब्रुइब पिप तेको तेको सहर ङा बाक्‍तेक्‍म देंशा हना, यहोसु ११:३

यहोसु 9:1

मिनु यर्दन आइक्‍ची हांबु पहाड नु दिंममी, ठेयब समुन्‍द्र आ नेक्‍था नु लेबानोन गे बाक्‍ब हित्ती, एमोरी, कनानी, परिज्‍जी, हिव्‍वी नु यबुसी आन पिपपुकीमी एको लोव़ नेंशा,