यहोसु 11:12 - Sunuwar Bible

¹² मिनु यहोसुमी मेकेर ङा पिप नेल्‍ल आन सहर ग्राशा, पिप नेल्‍ल आन कली साइक्‍तु। मिनु परमप्रभु यावे आ गेय पाइब मोसामी देंशो खोदेंशो पा नेल्‍ल आन कली खतम पोक्‍तु।

यहोसु 11:12 ပူးပေါင်းရင်းမြစ်များ

ब्‍यवस्‍था 7:2

मिनु परमप्रभु यावे, इन परमप्रभुमी मेको आन कली इन गुइमी जिम्‍मा गेप्‍तु हना, गे मेको नेल्‍ल आन कली साइक्‍चा माल्‍नीनी। मेकोपुकी नु कबल मपने। मिनु शिशी यो मपने।

ब्‍यवस्‍था 9:3

परमप्रभु यावे, इन परमप्रभु इन ङोंइङोंइती शोक्‍शा लाइब, दे तुइक्‍चा माल्‍नीनी। मेको नेल्‍ल ग्रु दाक्‍ब मी खोदेंशो बाक्‍ब। मिनु मेको आन कली मी खोदेंशो पा दाक्‍ब। मेकोमी इन कली जिम्‍मा गेब। मिनु परमप्रभु यावेमी देंशो खोदेंशो पा, गे मेको आन कली खेरशा रीब पा साइक्‍नीनी। ब्‍यवस्‍था ४२४

यहोसु 10:20

मिनु यहोसु नु इस्राएलीपुकीमी मेको आन कली खतम सेल्‍‍तेक्‍म। का निक्‍शी चहिं प्रोक्‍शा, गारो पाइश्‍शो सहर आगा ओव़तेक्‍म।

यहोसु 10:28

मिनु मेको नाक्‍ती यहोसुमी माकेदा आंम के सेल्‍तु। मेको सहर ङा मुर नेल्‍ल आन कली नु मेकेर ङा पिप कली तरवारमी साइक्‍तु। मेकोमी मेकेर ङा मुर नेल्‍ल आन कली खतम पोक्‍तु। सुइ कली यो मप्रोन। मेकोमी यरीको ङा पिप कली पशो बुदी माकेदा ङा पिप कली यो पाइक्‍‍तु।

यहोसु 10:30

मिनु परमप्रभु यावेमी मेक ङा मुर नु पिप कली यो यहोसु नु इस्राएली आन गुइमी गेप्‍तु। मेकोपुकीमी लिब्‍ना ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। यरीको ङा पिप कली पशो खोदेंशो मेकेर ङा पिप कली यो पाम्‍तेक्‍म।

यहोसु 10:32

परमप्रभु यावेमी लाकीश कली यो इस्राएली आन गुइमी गेप्‍तु। मिनु मेको आ दीसा नाक्‍ती यहोसुमी लाकीश आंम के सेल्‍तु। मिनु मेकेर ङा मुर नेल्‍ल आन कली लिब्‍ना कली पशो खोदेंशो पाप्‍तु। नेल्‍ल आन कली तरवारमी साइक्‍तु।

यहोसु 10:35

मेको नाक्‍ती मेकोपुकीमी एग्‍लोन कली ग्रातेक्‍म। मिनु मेकेर ङा मुर नेल्‍ल आन कली तरवारमी साइक्‍तेक्‍म। लाकीश कली दोदेंशो पामे, एग्‍लोन कली यो मोदेंशो पाम्‍तेक्‍म।

यहोसु 10:37

मिनु मेकोपुकीमी हेब्रोन सहर कली ग्राशा, मेको सहर ङा पिप नु आ एर ओंथ गाउं ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। मेकोपुकीमी एग्‍लोन कली पशो खोदेंशो पा, नेल्‍ल मुर आन कली खतम पोक्‍तेक्‍म।

यहोसु 11:13

मिनु इस्राएलीपुकीमी अरु डांडाम बाक्‍शो सहर आन कली मक्रोदेम। यहोसुमी हासोर सहर कली ला क्रोइक्‍तु।

यहोसु 11:15

दोपा परमप्रभु यावेमी आ गेय पाइब मोसा कली अरेशो बाक्‍मे, मोपा मोसामी यहोसु कली अरेशो बाक्‍माक्‍त। मिनु यहोसुमी मोदेंशोन पाप्‍तु। परमप्रभु यावेमी मोसा कली अरेशो लोव़ यहोसुमी का सम्‍म यो मप्रोन। नेल्‍ल रिम्‍शो पा टिप्‍तु।

यहोसु 13:6

मिनु लेबानोन रे मिस्रेपोत-माइम सम्‍म पहाड ङा मुर नेल्‍ल नु सीदोनी आन रागी लीशो बाक्‍नी‍म। गो मेको मुर नेल्‍ल आन कली इस्राएली आन ङोंइती रे ग्रुंइनुङमी। गोम इ कली अरेशो खोदेंशो पा मेको रागी इस्राएली आन कली योक्‍शा गेवो। मेको रागी आंम के सेल्‍चा कली योक्‍शा गेमी।

यहोसु 21:44

मिनु परमप्रभु यावेमी इस्राएली आन किकी पिपी आन कली कसम जशो खोदेंशो पा नेल्‍ल रे पा नाइक्‍चा गेप्‍तु। मेको आन जोरी सत्रु नेल्‍ल मेको नु ब्रुम्‍तेक्‍म। परमप्रभु यावेमी मेको आन जोरी सत्रु इस्राएली नेल्‍ल आन गुइमी गेप्‍तु। ब्‍यवस्‍था १२:९-१०

यहोसु 8:31

परमप्रभु यावे आ गेय पाइब मोसामी इस्राएली आन कली देंशो खोदेंशो पा नु मोसामी अरेशो लोव़ ब्रेक्‍शा किताबम ब्रेक्‍शो खोदेंशो, मक्‍योरशो, फलामम मथिपाइश्‍शो फुल्‍लु खुप्‍शा, चढ़ेतीक का सेल्‍तेक्‍म। मेकेर परमप्रभु यावे कली चोशा चढ़ेतीके नु दुशा बाक्‍चा आ पर्बम चढ़ेतीके चढ़ेम्‍तेक्‍म। प्रस्‍थान २०:२५; प्रस्‍थान २४:१-८

यहोसु 8:8

परमप्रभु यावेमी आ देंशो खोदेंशो पा, सहर इन गुइमी गेवा नोले, मेको कली मी सुइक्‍तीन” दे मेको आन कली देंत।

यहोसु 9:24

मिनु मेकोपुकीमी यहोसु कली “परमप्रभु यावे, इ परमप्रभुमी आ गेय पाइब मोसा कली ‘रागी नेल्‍ल इन के दुम्‍ब। एको रागी ङा मुर नेल्‍ल सतीन’ दे अरेशो तुइश्‍शो नकी। मोपतीके गो इन कली तशा शुश हिंतीके, आंइ कली प्रोंइचा कली जोल पाइतक।