यहोसु 10:7 - Sunuwar Bible

⁷ मिनु यहोसुमी आ लडाइ पाइब नेल्‍ल आन कली लाइश्‍शा, गिल्‍गाल रे लत। मिनु आ नेल्‍ल क्‍येङा बोल्‍यो लडाइ पाइबपुकी यो मेको नु लाम्‍तेक्‍म।

यहोसु 10:7 ပူးပေါင်းရင်းမြစ်များ

यसैया 8:12

मुरपुकीम अरु आन पर्बम ख्रुइश्‍शा मरिम्‍शो गेय पाइनीम। गे मोदेंशो मपने। मेको मार तशा हिंनीमी, गे मेको तशा महिनीन। इन थुं ग्‍येत्‍थ लुक्‍च मपपतीन।

यसैया 8:14

परमप्रभु इन कली नेल्‍ल क्‍येङा ङोंइती ङा मिम्‍तीके दुम्‍ल। तन्‍न इस्राएल आ खिं निक्‍शी ङा मुर आन कली दाइल पाइक्‍तीके नु लां तेक्‍तीके फुल्‍लु दुम्‍ब। मेको यरूसलेम ङा मुर आन कली रेप्‍पाइक्‍ब ब्‍वारद दुम्‍ब। रोमी ९:३३

यहोसु 10:6

मिनु गिबोन ङा मुरपुकीमी गिल्‍गाल सहरम बाक्‍शो यहोसु कली “मुल, गे इन गेय पाइब, गो आंइ कली मप्रेंदीन। गे रीब पा जाक्‍कीन। आंइ कली वारच पा प्रोनीन। मारदे हना पहाड रागीम बाक्‍ब एमोरी आन पिप नेल्‍ल गो नु लडाइ पचा कली खुम्‍सीशो बाक्‍नीम” दे लोव़ सोइक्‍ताक्‍म।

यहोसु 8:1

मिनु परमप्रभु यावेमी यहोसु कली “महिनो। इ थुं लुक्‍च मलल। मुल लडाइ पाइब नेल्‍ल लाइश्‍शा, ऐ सहर कली लडाइ तोवो। मारदे हना गो ऐ सहर ङा पिप, मेकेर ङा मुरपुकी, सहर नु रागी इ कली गेता।

यहोसु 8:3

मिनु यहोसु नु लडाइ पाइब नेल्‍ल ऐ सहर कली लडाइ तोथ, लाम्‍तेक्‍म। यहोसुमी ३० हजार लडाइ पाइब मुर आन कली योव़शा, नाक्‍दो सोइक्‍ताक्‍व।