यहोसु 10:6 - Sunuwar Bible

⁶ मिनु गिबोन ङा मुरपुकीमी गिल्‍गाल सहरम बाक्‍शो यहोसु कली “मुल, गे इन गेय पाइब, गो आंइ कली मप्रेंदीन। गे रीब पा जाक्‍कीन। आंइ कली वारच पा प्रोनीन। मारदे हना पहाड रागीम बाक्‍ब एमोरी आन पिप नेल्‍ल गो नु लडाइ पचा कली खुम्‍सीशो बाक्‍नीम” दे लोव़ सोइक्‍ताक्‍म।

यहोसु 10:6 ပူးပေါင်းရင်းမြစ်များ

२ राजा 4:24

मिनु मेकोमी गधाम लगम पाइश्‍शा, आ गेय पाइब कली “गो नाइक्‍तो मदेंङा सम्‍म खुलो देश मपावो” दे मदा बाक्‍त।

भजन संग्रह 125:2

यरूसलेम आ एर ओंथ नेल्‍ल पहाड बाक्‍नीम। मिनु मुल रे गेना हना यो परमप्रभु यावेमी मेको खोदेंशो पा आ मुर आन एर ओंथ बाक्‍ब।

यसैया 33:22

मारदे हना परमप्रभु यावे आंइ कली निसाफ पाइब बाक्‍ब। परमप्रभु यावे आंइ कली सासन पाइब बाक्‍ब। परमप्रभु यावे आंइ पिप बाक्‍ब। मेकोमी आंइ कली श्‍येत रे प्रोंइब।

गन्‍ती 13:29

मिनु अमालेक आ मुर नेगेब रागीम बाक्‍बाक्‍तेक्‍म। मिनु हित्ती, यबुसी नु एमोरी पहाडम बाक्‍बाक्‍तेक्‍म। मिनु कनानी ठेयब समुन्‍द्र आ नेक्‍था नु यर्दन खोला आ नेक्‍था बाक्‍बाक्‍तेक्‍म” देंतेक्‍म।

लूका 1:39

मिनु नोले मरीयम यहूदीया रागी ङा पहाडी सहर कामी बाक्‍शो एलीशीबा कली ग्रुम्‍थ लमाक्‍त।

ब्‍यवस्‍था 1:15

मोपतीके गो इन थर ङा निप्‍स पाइश्‍शो, तुइक्‍ब नु ठेयब मुरपुकी योव़शा, इन कली कोव़ब सेल्‍ता। मिनु इन थर थर ङा हजार का, सहे का, ५० नु १० जना मुर आन कली का का पा कोव़ब ठेयब मुरपुकी सेल्‍ताक्‍मी। आंम इन थर थर ङा मुरपुकी यो योव़ताक्‍मी। प्रस्‍थान १८:२५

यहोसु 10:5

मोपा एमोरी आन ५ जना पिप, यरूसलेम, हेब्रोन, यरमुथ, लाकीश नु एग्‍लोन ङा पिप खुम्‍सीशा, आन लडाइ पाइब नेल्‍ल नु जाक्‍शा, गिबोन नु लडाइ पाम्‍तेक्‍म।

यहोसु 10:7

मिनु यहोसुमी आ लडाइ पाइब नेल्‍ल आन कली लाइश्‍शा, गिल्‍गाल रे लत। मिनु आ नेल्‍ल क्‍येङा बोल्‍यो लडाइ पाइबपुकी यो मेको नु लाम्‍तेक्‍म।

यहोसु 21:11

मिनु मेकोपुकीमी मेको आन कली यहूदा आ पहाड रागीमी किरयथ-अरबा नु आ नेक्‍था ङा योव़तीक रूपुकी गेम्‍तेक्‍म। किरयथ-अरबा कली हेब्रोन यो देंनीम। मेको अरबा अनाक आ आफ बाक्‍त। यहोसु २०:७

यहोसु 5:10

इस्राएलीपुकी गिल्‍गाल सहरम बाक्‍शो बाक्‍तेक्‍म। मिनु मेकोपुकीमी महिना ङा १४ नाक्‍ती पास्‍सा चाड मानेम्‍तेक्‍म। मेको यरीको ङा दिंमम बाक्‍शो बाक्‍तेक्‍म। प्रस्‍थान १२:६,३९; लेवी २३:१०,१४; २राजा २३:२१:२२; होसे ९:१५

यहोसु 9:15

मिनु यहोसुमी मेको आन कली “इन थुं नांइसीन। ब्रोंइचा ताइनीनी” दे कबल पाप्‍तु। मिनु मेकेर ङा ठेयब मुरपुकीमी यो कसम जाम्‍तेक्‍म।

यहोसु 9:6

मिनु मेकोपुकीमी गिल्‍गाल यहोसु आ बाक्‍तीकेमी जाक्‍शा, यहोसु नु इस्राएली नेल्‍ल वोंइश मुर नेल्‍ल आन कली “गोपुकी ङोन रागी रे जाक्‍शो नकी। मोपतीके गोपुकी नु गारशा, कबल पने” देंतेक्‍म।

यहोसु 9:8

मिनु मेकोपुकीमी यहोसु कली “गो इन गेय पाइब नकी” दे लोव़ लेत्‍ताक्‍म। मिनु यहोसुमी मेको आन कली “गे सु ननी? ते रे जाक्‍शो ननी” दे हिल्‍लो पाप्‍तु।