यहोसु 10:5 - Sunuwar Bible

⁵ मोपा एमोरी आन ५ जना पिप, यरूसलेम, हेब्रोन, यरमुथ, लाकीश नु एग्‍लोन ङा पिप खुम्‍सीशा, आन लडाइ पाइब नेल्‍ल नु जाक्‍शा, गिबोन नु लडाइ पाम्‍तेक्‍म।

यहोसु 10:5 ပူးပေါင်းရင်းမြစ်များ

उत्पत्ती 15:16

इ मुरपुकी ४ पाला नोले ला एकेर लेश्‍शा जाक्‍नीम। मारदे हना एमोरी आन मरिम्‍शो पशो मनुप्‍शो बाक्‍त” दे परमप्रभु यावेमी देंमाक्‍त। प्रेरित ७:७

येरमीया 34:7

बेबीलोन ङा पिप आ लडाइ पाइब मुरपुकी यरूसलेम नु यहूदा ङा अरु सहर नु लडाइ पना पन बाक्‍शो बाक्‍तेक्‍म। लाकीश नु आजेका नु यो मेकोपुकीमी लडाइ पचा मप्रोंइशो बाक्‍तेक्‍म। मेको यहूदा ङा गारो हिरशो सहर निक्‍शी ला लीशो बाक्‍ताक्‍स।

गन्‍ती 13:29

मिनु अमालेक आ मुर नेगेब रागीम बाक्‍बाक्‍तेक्‍म। मिनु हित्ती, यबुसी नु एमोरी पहाडम बाक्‍बाक्‍तेक्‍म। मिनु कनानी ठेयब समुन्‍द्र आ नेक्‍था नु यर्दन खोला आ नेक्‍था बाक्‍बाक्‍तेक्‍म” देंतेक्‍म।

यहोसु 10:16

मिनु मेको ५ जना पिपपुकी चहिं प्रोक्‍शा, माकेदा ङा पुक्‍खीमी ख्रुंइसाक्‍म।

यहोसु 10:6

मिनु गिबोन ङा मुरपुकीमी गिल्‍गाल सहरम बाक्‍शो यहोसु कली “मुल, गे इन गेय पाइब, गो आंइ कली मप्रेंदीन। गे रीब पा जाक्‍कीन। आंइ कली वारच पा प्रोनीन। मारदे हना पहाड रागीम बाक्‍ब एमोरी आन पिप नेल्‍ल गो नु लडाइ पचा कली खुम्‍सीशो बाक्‍नीम” दे लोव़ सोइक्‍ताक्‍म।

१ सामुएल 7:14

मिनु पलिस्‍ती आन ङोंइती ग्राशो सहर एक्रोन रे गाथ सम्‍म नु आन एर ओंथ ङा गाउं नेल्‍ल इस्राएलीपुकीमी पलिस्‍ती आन गुइ रे ताक्‍गमे बाक्‍त। मिनु इस्राएली नु एमोरीपुकी गारमा बाक्‍त।