यहोसु 10:37 - Sunuwar Bible

³⁷ मिनु मेकोपुकीमी हेब्रोन सहर कली ग्राशा, मेको सहर ङा पिप नु आ एर ओंथ गाउं ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। मेकोपुकीमी एग्‍लोन कली पशो खोदेंशो पा, नेल्‍ल मुर आन कली खतम पोक्‍तेक्‍म।

यहोसु 10:37 ပူးပေါင်းရင်းမြစ်များ

प्रस्‍थान 17:13

मिनु यहोसु नु आ मुरुमी अमालेक नु आ मुर आन कली ग्राशा, तरवारम साइक्‍तेक्‍म।

यहोसु 10:28

मिनु मेको नाक्‍ती यहोसुमी माकेदा आंम के सेल्‍तु। मेको सहर ङा मुर नेल्‍ल आन कली नु मेकेर ङा पिप कली तरवारमी साइक्‍तु। मेकोमी मेकेर ङा मुर नेल्‍ल आन कली खतम पोक्‍तु। सुइ कली यो मप्रोन। मेकोमी यरीको ङा पिप कली पशो बुदी माकेदा ङा पिप कली यो पाइक्‍‍तु।

यहोसु 10:35

मेको नाक्‍ती मेकोपुकीमी एग्‍लोन कली ग्रातेक्‍म। मिनु मेकेर ङा मुर नेल्‍ल आन कली तरवारमी साइक्‍तेक्‍म। लाकीश कली दोदेंशो पामे, एग्‍लोन कली यो मोदेंशो पाम्‍तेक्‍म।

यहोसु 10:36

मिनु यहोसु नु इस्राएली नेल्‍ल एग्‍लोन रे ग्‍येत्‍थ ङोइश्‍शा हेब्रोन लाम्‍तेक्‍म। मेकेर यो लडाइ पाम्‍तेक्‍म।

यहोसु 10:38

मिनु यहोसु नु इस्राएली नेल्‍ल देबीर गे लेश्‍शा, मेको नु लडाइ पाम्‍तेक्‍म।

यहोसु 10:39

मेकोमी मेकेर ङा सहर नेल्‍ल, आन पिप नु एर ओंथ ङा गाउं आन कली ग्रातेक्‍म। मुर नेल्‍ल आन कली खतम पोक्‍तेक्‍म। सुइ कली यो मप्रोनेम। मेकोपुकीमी हेब्रोन नु मेकेर ङा पिप नु लिब्‍ना कली दोदेंशो पामे, मोदेंशो पा देबीर नु मेकेर ङा पिप कली यो पाम्‍तेक्‍म।

यहोसु 10:40

मोपा यहोसुमी पहाड नेल्‍ल, नेगेब रागी, पच्‍छिम नेल्‍ल ङा आइक्‍च पहाड नु आइक्‍च डांडा ङा देम्‍सीलो ग्रात। पिप नेल्‍ल आन कली साइक्‍तु। का कली यो मप्रोन। मेको ब्रोंइशो नेल्‍ल आन कली खतम सेल्‍तु। परमप्रभु यावे, इस्राएली आन परमप्रभुमी दोदेंशो अरेवा, मोदेंशो पाप्‍तु। ब्‍यवस्‍था २०:१६-१८

यहोसु 11:12

मिनु यहोसुमी मेकेर ङा पिप नेल्‍ल आन सहर ग्राशा, पिप नेल्‍ल आन कली साइक्‍तु। मिनु परमप्रभु यावे आ गेय पाइब मोसामी देंशो खोदेंशो पा नेल्‍ल आन कली खतम पोक्‍तु।