यहोसु 10:35 - Sunuwar Bible

³⁵ मेको नाक्‍ती मेकोपुकीमी एग्‍लोन कली ग्रातेक्‍म। मिनु मेकेर ङा मुर नेल्‍ल आन कली तरवारमी साइक्‍तेक्‍म। लाकीश कली दोदेंशो पामे, एग्‍लोन कली यो मोदेंशो पाम्‍तेक्‍म।

यहोसु 10:35 ပူးပေါင်းရင်းမြစ်များ

अय्‍युब 19:10

मेकोम आं कली लुक्‍च लाइब सेल्‍ती। गो खतम दुम्‍ती। रवा तुल्‍शो खोदेंशो पा आं आस नेल्‍ल नुप्‍पाइक्‍तु।

लेवी 26:44

मिनु मोदेंशो पाम्‍तेक्‍म हना यो, गो मेको आन कली आन जोरी सत्रु आन रागीमी कोव़शा, ग्रांग्रा दिशा खतम मसेल्‍नुङमी। मिनु मेकोपुकी नु पशो आं कबल मप्रोंइनुङ। मारदे हना गो परमप्रभु यावे, मेको आन परमप्रभु नङ। होसे ११:९

यहोसु 10:34

मिनु यहोसु नु इस्राएली नेल्‍ल लाकीश रे गाक्‍शा, एग्‍लोन लाम्‍तेक्‍म। मिनु मेकेर यो पुम्‍शा, लडाइ पाम्‍तेक्‍म।

यहोसु 10:36

मिनु यहोसु नु इस्राएली नेल्‍ल एग्‍लोन रे ग्‍येत्‍थ ङोइश्‍शा हेब्रोन लाम्‍तेक्‍म। मेकेर यो लडाइ पाम्‍तेक्‍म।

यहोसु 10:37

मिनु मेकोपुकीमी हेब्रोन सहर कली ग्राशा, मेको सहर ङा पिप नु आ एर ओंथ गाउं ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। मेकोपुकीमी एग्‍लोन कली पशो खोदेंशो पा, नेल्‍ल मुर आन कली खतम पोक्‍तेक्‍म।