यहोसु 10:32 - Sunuwar Bible

³² परमप्रभु यावेमी लाकीश कली यो इस्राएली आन गुइमी गेप्‍तु। मिनु मेको आ दीसा नाक्‍ती यहोसुमी लाकीश आंम के सेल्‍तु। मिनु मेकेर ङा मुर नेल्‍ल आन कली लिब्‍ना कली पशो खोदेंशो पाप्‍तु। नेल्‍ल आन कली तरवारमी साइक्‍तु।

यहोसु 10:32 ပူးပေါင်းရင်းမြစ်များ

प्रस्‍थान 17:13

मिनु यहोसु नु आ मुरुमी अमालेक नु आ मुर आन कली ग्राशा, तरवारम साइक्‍तेक्‍म।

यसैया 37:8

मिनु राब्‍शाके आ पिप बाक्‍तीके लेम्‍मेनु “पिपम लाकीश प्रोंइतु” देंशो लोव़ नेना बाक्‍त। मिनु लमेनु, अस्‍सुर ङा पिप लिब्‍ना ङा मुर नु लडाइ पना पन बाक्‍शो थिदा बाक्‍त।

ब्‍यवस्‍था 7:2

मिनु परमप्रभु यावे, इन परमप्रभुमी मेको आन कली इन गुइमी जिम्‍मा गेप्‍तु हना, गे मेको नेल्‍ल आन कली साइक्‍चा माल्‍नीनी। मेकोपुकी नु कबल मपने। मिनु शिशी यो मपने।

यहोसु 10:28

मिनु मेको नाक्‍ती यहोसुमी माकेदा आंम के सेल्‍तु। मेको सहर ङा मुर नेल्‍ल आन कली नु मेकेर ङा पिप कली तरवारमी साइक्‍तु। मेकोमी मेकेर ङा मुर नेल्‍ल आन कली खतम पोक्‍तु। सुइ कली यो मप्रोन। मेकोमी यरीको ङा पिप कली पशो बुदी माकेदा ङा पिप कली यो पाइक्‍‍तु।

यहोसु 10:31

मिनु यहोसु नु इस्राएली नेल्‍ल लिब्‍ना रे गाक्‍शा, लाकीश लाम्‍तेक्‍म। मिनु लाकीश कली पुम्‍शा, लडाइ पाम्‍तेक्‍म।

यहोसु 10:33

मेना गेजेर ङा पिप होराम लाकीश कली वारच पथ जाक्‍त। मिनु यहोसुमी मेको नु आ लडाइ पाइब नेल्‍ल आन कली फ्रु‍शा, का कली यो मप्रोंइथु, ग्‍याइश्‍शा साइक्‍तु।

यहोसु 11:12

मिनु यहोसुमी मेकेर ङा पिप नेल्‍ल आन सहर ग्राशा, पिप नेल्‍ल आन कली साइक्‍तु। मिनु परमप्रभु यावे आ गेय पाइब मोसामी देंशो खोदेंशो पा नेल्‍ल आन कली खतम पोक्‍तु।