यहोसु 10:30 - Sunuwar Bible

³⁰ मिनु परमप्रभु यावेमी मेक ङा मुर नु पिप कली यो यहोसु नु इस्राएली आन गुइमी गेप्‍तु। मेकोपुकीमी लिब्‍ना ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। यरीको ङा पिप कली पशो खोदेंशो मेकेर ङा पिप कली यो पाम्‍तेक्‍म।

यहोसु 10:30 ပူးပေါင်းရင်းမြစ်များ

२ राजा 10:11

मोपा येहूमी येज्रेलम लीशो आहाब आ खिं ङा मुर नेल्‍ल, मेको आ ठेयब गेय पाइब मुरपुकी, मेको आ वारच नु मेको आ चढ़ेब, नेल्‍ल आन कली का यो मप्रोंइ‍थु साइक्‍मी बाक्‍त। होसे १:४

गन्‍ती 32:22

मिनु मेको रागी परमप्रभु यावे आ ङोंइती ग्रानी नोले, गे लेन्‍ने चाप्‍नीनी। मिनु इन पुंइशो रागी परमप्रभु यावे आ ङोंइती इन के दुम्‍ब।

ब्‍यवस्‍था 2:33

मिनु परमप्रभु यावे, इं परमप्रभुमी मेको कली साइक्‍च, दे इं कली जिम्‍मा गेप्‍तु। मिनु गोपुकीमी मेको कली, मेको आ तौ नु मेको आ मुर नेल्‍ल आन कली साइक्‍तक।

ब्‍यवस्‍था 7:2

मिनु परमप्रभु यावे, इन परमप्रभुमी मेको आन कली इन गुइमी जिम्‍मा गेप्‍तु हना, गे मेको नेल्‍ल आन कली साइक्‍चा माल्‍नीनी। मेकोपुकी नु कबल मपने। मिनु शिशी यो मपने।

यहोसु 10:28

मिनु मेको नाक्‍ती यहोसुमी माकेदा आंम के सेल्‍तु। मेको सहर ङा मुर नेल्‍ल आन कली नु मेकेर ङा पिप कली तरवारमी साइक्‍तु। मेकोमी मेकेर ङा मुर नेल्‍ल आन कली खतम पोक्‍तु। सुइ कली यो मप्रोन। मेकोमी यरीको ङा पिप कली पशो बुदी माकेदा ङा पिप कली यो पाइक्‍‍तु।

यहोसु 10:29

मिनु यहोसु नु इस्राएली नेल्‍ल माकेदा रे गाक्‍शा, लिब्‍ना लाम्‍तेक्‍म। मिनु लडाइ पाम्‍तेक्‍म।

यहोसु 10:31

मिनु यहोसु नु इस्राएली नेल्‍ल लिब्‍ना रे गाक्‍शा, लाकीश लाम्‍तेक्‍म। मिनु लाकीश कली पुम्‍शा, लडाइ पाम्‍तेक्‍म।

यहोसु 11:12

मिनु यहोसुमी मेकेर ङा पिप नेल्‍ल आन सहर ग्राशा, पिप नेल्‍ल आन कली साइक्‍तु। मिनु परमप्रभु यावे आ गेय पाइब मोसामी देंशो खोदेंशो पा नेल्‍ल आन कली खतम पोक्‍तु।

यहोसु 12:15

लिब्‍ना ङा पिप, अदुल्‍लाम ङा पिप, यहोसु १०:२९-३०

यहोसु 8:24

मिनु इस्राएलीपुकीमी ऐ ङा मुर नेल्‍ल आन कली, गोरशो रागी ङा दिंममी साइक्‍ने थुम्‍शा, ऐ सहर लेश्‍शा, ओव़शा, मेकेर बाक्‍शो आन कली यो तरवारमी क्‍योरशा साइक्‍तेक्‍म।

यहोसु 8:29

मिनु मेकोमी ऐ ङा पिप कली नां मरिक्‍म सम्‍म रवामी क्‍युक्‍शा वोइक्‍पाइक्‍तु। मिनु नां रिक्‍म नोले यहोसुमी पिप आ रां रवा रे शोल्‍शा, सहर ओव़तीक लाप्‍चोम लाइश्‍शा ताइक्‍पाइक्‍तु। मेको आ तारी शुश फुल्‍लु तेल्‍तेक्‍म। मेको मुल सम्‍म बाक्‍ब। ब्‍यवस्‍था २१:२२-२३

यहोसु 9:3

मिनु गिबोन ङा मुरपुकीमी यहोसुमी यरीको नु ऐ सहर कली मार मार पवा, मेको लोव़ नेंशा, यहोसु ६:२०-२१; यहोसु ६:२६-२८