यहोसु 10:29 - Sunuwar Bible

²⁹ मिनु यहोसु नु इस्राएली नेल्‍ल माकेदा रे गाक्‍शा, लिब्‍ना लाम्‍तेक्‍म। मिनु लडाइ पाम्‍तेक्‍म।

यहोसु 10:29 ပူးပေါင်းရင်းမြစ်များ

२ राजा 19:8

मिनु राब्‍शाकेमी “अस्‍सुर ङा पिपमी लाकीश प्रोंइतु” देंशो लोव़ नेना बाक्‍त। मिनु मेको लेम्‍माक्‍त। मिनु मेकोमी पिप कली लिब्‍ना नु लडाइ पना पन बाक्‍शो थिदा बाक्‍त।

२ राजा 8:22

मोपतीके एदोम मुल सम्‍म यहूदा रे ब्राशो बाक्‍ब। मेना लिब्‍ना यो यहूदा आ देंशो मटिथु ब्रा‍शो बाक्‍माक्‍त।

२ इतिहास 21:10

एदोम मुल सम्‍म यहूदा ङा सासन पाइब नु मदुशो बाक्‍ब। मेना लिब्‍ना यो येहोराम आ मरिम्‍शो सासन आ पर्बम बोक्‍माक्‍त। मारदे हना येहोरामम परमप्रभु यावे, आ किकी पिपी आन परमप्रभु कली प्रोंइशो बाक्‍माक्‍त।

यसैया 37:8

मिनु राब्‍शाके आ पिप बाक्‍तीके लेम्‍मेनु “पिपम लाकीश प्रोंइतु” देंशो लोव़ नेना बाक्‍त। मिनु लमेनु, अस्‍सुर ङा पिप लिब्‍ना ङा मुर नु लडाइ पना पन बाक्‍शो थिदा बाक्‍त।

येरमीया 52:1

सिदकीयाह पिप दुम्‍मेनु, २१ बर्स दुम्‍शो बाक्‍त। मिनु मेकोम यरूसलेममी ११ बर्स सासन पाप्‍तु। मेको आ ममा आ नें हामुतल बाक्‍त। मेको लिब्‍ना ङा येरमीया आ तमी बाक्‍त।

गन्‍ती 33:20

मिनु रिम्‍मोन-पेरेस रे गाक्‍शा, लिब्‍नामी बाक्‍तीके सेल्‍शा बाक्‍तेक्‍म।

यहोसु 10:28

मिनु मेको नाक्‍ती यहोसुमी माकेदा आंम के सेल्‍तु। मेको सहर ङा मुर नेल्‍ल आन कली नु मेकेर ङा पिप कली तरवारमी साइक्‍तु। मेकोमी मेकेर ङा मुर नेल्‍ल आन कली खतम पोक्‍तु। सुइ कली यो मप्रोन। मेकोमी यरीको ङा पिप कली पशो बुदी माकेदा ङा पिप कली यो पाइक्‍‍तु।

यहोसु 10:30

मिनु परमप्रभु यावेमी मेक ङा मुर नु पिप कली यो यहोसु नु इस्राएली आन गुइमी गेप्‍तु। मेकोपुकीमी लिब्‍ना ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। यरीको ङा पिप कली पशो खोदेंशो मेकेर ङा पिप कली यो पाम्‍तेक्‍म।

यहोसु 12:15

लिब्‍ना ङा पिप, अदुल्‍लाम ङा पिप, यहोसु १०:२९-३०

यहोसु 15:42

लिब्‍ना, एथेर नु आशान,

यहोसु 21:13

मिनु चढ़ेब हारून आ चच युइ आन खिं खिं ङा मुरपुकीमी मुर साइक्‍ब मुर प्रोक्‍शा लशा बाक्‍तीक सहर हेब्रोन, लिब्‍ना,

यहोसु 6:21

मिनु सहर ङा मीश मुर वोंइश मुर, आल, खाल्‍पी खाल्‍पा बी ब्‍यफ, क्‍यारश भेडा, गधा नेल्‍ल आन कली तरवारम साइक्‍तेक्‍म।

यहोसु 8:2

गे यरीको नु मेकेर ङा पिप कली मार मार पवी, ऐ सहर नु मेकेर ङा पिप कली यो मोदेंशो पावो। मेक ङा मारेइ मारेइ, बी ब्‍यफ क्‍यारश भेडा नेल्‍ल गे इन कली लांइसीन। मिनु सहर आ नोले गे हुल का मुर बाप्‍पाइश्‍शा, वोतीन” देंत। यहोसु ६:२१; ब्‍यवस्‍था २०:१०-१८

यहोसु 8:29

मिनु मेकोमी ऐ ङा पिप कली नां मरिक्‍म सम्‍म रवामी क्‍युक्‍शा वोइक्‍पाइक्‍तु। मिनु नां रिक्‍म नोले यहोसुमी पिप आ रां रवा रे शोल्‍शा, सहर ओव़तीक लाप्‍चोम लाइश्‍शा ताइक्‍पाइक्‍तु। मेको आ तारी शुश फुल्‍लु तेल्‍तेक्‍म। मेको मुल सम्‍म बाक्‍ब। ब्‍यवस्‍था २१:२२-२३