यहोसु 10:28 - Sunuwar Bible

²⁸ मिनु मेको नाक्‍ती यहोसुमी माकेदा आंम के सेल्‍तु। मेको सहर ङा मुर नेल्‍ल आन कली नु मेकेर ङा पिप कली तरवारमी साइक्‍तु। मेकोमी मेकेर ङा मुर नेल्‍ल आन कली खतम पोक्‍तु। सुइ कली यो मप्रोन। मेकोमी यरीको ङा पिप कली पशो बुदी माकेदा ङा पिप कली यो पाइक्‍‍तु।

यहोसु 10:28 ပူးပေါင်းရင်းမြစ်များ

भजन संग्रह 110:1

परमप्रभु यावेमी, आं परमप्रभु कली “गे आं ग्‍युरा गे निस्‍सो। मिनु गो इ जोरी सत्रु आन कली इ खोइल थेक्‍तीके सेल्‍नुङमी। मत्ती २२:४४; प्रेरित २:३४; हिब्रू १:१३; १कोरिन्‍थी १५:२५; फिलिप्‍पी २:८-११; हिब्रू १०:१२-१३

लूका 19:27

तन्‍न आं कली मटीब आं जोरी सत्रु आन कली चहिं ग्‍याइश्‍शा चाक्‍शा आं ङोंइती क्‍योरशा सतीन’ देंमाक्‍त” दे शेंदीमी बाक्‍त।

१ कोरिन्‍थी 15:25

मारदे हना ख्रीस्‍तमी आ जोरी सत्रु आन कली आ खोइलीम मदिम्‍दा सम्‍म सासन पचा माल्‍ब। भजन संग्रह ११०:१; मत्ती २२:४४

ब्‍यवस्‍था 2:34

मेना गो मेको आन सहर नेल्‍ल आंइ के सेल्‍तक। आन मुर नेल्‍ल कली साइक्‍तक। वोंइश मुर, मीश मुर नु आल नेल्‍ल साइक्‍तक। का कली यो मप्रोंइ‍थु, नेल्‍ल आन कली साइक्‍तक।

ब्‍यवस्‍था 7:16

मिनु गे परमप्रभु यावे, इन परमप्रभुमी इन कली जिम्‍मा गेशो जात जात ङा मुर नेल्‍ल कली रीब पा साइक्‍नीनी। मिनु गे मेको आन कली शिशी मपने। मेको आन देवी देवता आन कली सेउ मपने। मारदे हना मो पाइतीनी हना, गे खतम दुम्‍नीनी। प्रस्‍थान २३:३३; प्रस्‍थान ३४:१२; यहोसु २३:१३

ब्‍यवस्‍था 7:2

मिनु परमप्रभु यावे, इन परमप्रभुमी मेको आन कली इन गुइमी जिम्‍मा गेप्‍तु हना, गे मेको नेल्‍ल आन कली साइक्‍चा माल्‍नीनी। मेकोपुकी नु कबल मपने। मिनु शिशी यो मपने।

यहोसु 10:30

मिनु परमप्रभु यावेमी मेक ङा मुर नु पिप कली यो यहोसु नु इस्राएली आन गुइमी गेप्‍तु। मेकोपुकीमी लिब्‍ना ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। यरीको ङा पिप कली पशो खोदेंशो मेकेर ङा पिप कली यो पाम्‍तेक्‍म।

यहोसु 10:32

परमप्रभु यावेमी लाकीश कली यो इस्राएली आन गुइमी गेप्‍तु। मिनु मेको आ दीसा नाक्‍ती यहोसुमी लाकीश आंम के सेल्‍तु। मिनु मेकेर ङा मुर नेल्‍ल आन कली लिब्‍ना कली पशो खोदेंशो पाप्‍तु। नेल्‍ल आन कली तरवारमी साइक्‍तु।

यहोसु 10:35

मेको नाक्‍ती मेकोपुकीमी एग्‍लोन कली ग्रातेक्‍म। मिनु मेकेर ङा मुर नेल्‍ल आन कली तरवारमी साइक्‍तेक्‍म। लाकीश कली दोदेंशो पामे, एग्‍लोन कली यो मोदेंशो पाम्‍तेक्‍म।

यहोसु 10:37

मिनु मेकोपुकीमी हेब्रोन सहर कली ग्राशा, मेको सहर ङा पिप नु आ एर ओंथ गाउं ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। मेकोपुकीमी एग्‍लोन कली पशो खोदेंशो पा, नेल्‍ल मुर आन कली खतम पोक्‍तेक्‍म।

यहोसु 10:39

मेकोमी मेकेर ङा सहर नेल्‍ल, आन पिप नु एर ओंथ ङा गाउं आन कली ग्रातेक्‍म। मुर नेल्‍ल आन कली खतम पोक्‍तेक्‍म। सुइ कली यो मप्रोनेम। मेकोपुकीमी हेब्रोन नु मेकेर ङा पिप नु लिब्‍ना कली दोदेंशो पामे, मोदेंशो पा देबीर नु मेकेर ङा पिप कली यो पाम्‍तेक्‍म।

यहोसु 12:15

लिब्‍ना ङा पिप, अदुल्‍लाम ङा पिप, यहोसु १०:२९-३०

यहोसु 12:16

माकेदा ङा पिप, बेथेल ङा पिप, यहोसु १०:२८

यहोसु 15:41

गेदे-रोथ, बेथ-दागोन, नामा नु माकेदा बाक्‍नीम। मेको नेल्‍ल पा १६ ओटा सहर नु आन नेक्‍था ङा गाउं नेल्‍ल यो बाक्‍नीम।

यहोसु 6:21

मिनु सहर ङा मीश मुर वोंइश मुर, आल, खाल्‍पी खाल्‍पा बी ब्‍यफ, क्‍यारश भेडा, गधा नेल्‍ल आन कली तरवारम साइक्‍तेक्‍म।

यहोसु 8:2

गे यरीको नु मेकेर ङा पिप कली मार मार पवी, ऐ सहर नु मेकेर ङा पिप कली यो मोदेंशो पावो। मेक ङा मारेइ मारेइ, बी ब्‍यफ क्‍यारश भेडा नेल्‍ल गे इन कली लांइसीन। मिनु सहर आ नोले गे हुल का मुर बाप्‍पाइश्‍शा, वोतीन” देंत। यहोसु ६:२१; ब्‍यवस्‍था २०:१०-१८

यहोसु 9:3

मिनु गिबोन ङा मुरपुकीमी यहोसुमी यरीको नु ऐ सहर कली मार मार पवा, मेको लोव़ नेंशा, यहोसु ६:२०-२१; यहोसु ६:२६-२८