यहोसु 10:26 - Sunuwar Bible

²⁶ मेको नोले यहोसुमी मेको ५ जना पिप आन कली तुप्‍शा साइश्‍शा, ५ ओटा रवामी क्‍युक्‍पाइक्‍तु। मिनु नाक्‍दो सम्‍म क्‍युक्‍शा, वोइक्‍तेक्‍म।

यहोसु 10:26 ပူးပေါင်းရင်းမြစ်များ

२ सामुएल 21:6

मेको आ ७ जना तौ चच आंइ कली गेने। मिनु गो मेको आन कली परमप्रभु यावे आ ङोंइती आ डांडा गिबोन सहरमी साइक्‍नीकी” देंमा बाक्‍त। मिनु पिपमी “गो मेको इन कली गेनुङ” देंमाक्‍त। ब्‍यवस्‍था २१:२२-२३

२ सामुएल 21:9

मिनु मेको आन कली गिबोनी आन गुइमी गेमी बाक्‍त। मेकोपुकीम मेको आन कली परमप्रभु यावे आ ङोंइती सदमे बाक्‍त। मिनु मेको ७ जना कालेम बेक्‍मा बाक्‍त। मेकोपुकी क्‍योव़ज रिक्‍तीक आ ङोंइती ङा नाक्‍त साइक्‍चा पुंइसीमा बाक्‍त।

एस्‍तर 2:23

मिनु मेको लोव़ हिल्‍लो हिक्‍सी पामेनु, थमा बाक्‍त, दे पिपमी तुइक्‍ताक्‍व। मिनु मेको ठेयब गेय पाइब आस कली थामम क्‍युक्‍शा साइक्‍तेक्‍म। मिनु नोले पिप आ ङोंइती मेको लोव़ नेल्‍ल इतिहास ब्रेक्‍तीक किताबमी ब्रेक्‍ताक्‍म।

भजन संग्रह 149:7

मेकोपुकीमी रागी रागी ङा मुर आन कली सजाइ गेशा, क्‍येक्‍क लेत्‍नीम।

भजन संग्रह 18:41

मेकोपुकीमी “वारच पाइक्‍की” दे ग्रीमानु, मेको आन कली प्रोंइब सुइ मबा। परमप्रभु यावे कली पुंइतेक्‍म हना यो, मेकोमी मेको आन कली लोव़ मलेत्‍त। हितोपदेस १:२८

गन्‍ती 25:4

मिनु परमप्रभु यावेमी मोसा कली “एको मुर आन ठेयब मुर नेल्‍ल आन कली चाक्‍शा क्‍युक्‍शा साइश्‍शा, परमप्रभु यावे आ ङोंइती नाप्‍शो नांम वोइक्‍मी। मिनु परमप्रभु यावे इस्राएली आन पर्बम आ थाम्‍पा गाइश्‍शो नांइसीब” देंत। ब्‍यवस्‍था २१:२२-२३; २सामुएल २१:६-९

मत्ती 27:25

मिनु हुलपुकीमी “आंइ कली नु आंइ चच युइ आन कली लुम्‍सेक्‍ल” दे रेयके पामे बाक्‍त। प्रेरित ५:२८

यूहन्‍ना 19:31

मेको पास्‍सा चाड मानेचा कली सा‍तीक नाक्‍त बाक्‍त। मोपतीके बेक्‍शो रां शीमी मबाक्‍मल, दे यहूदीपुकीमी पिलातस कली “मेको आन खोइल जिक्‍शा साइश्‍शा, शी रे शोल्‍शा लदमेक्‍ल” देंतेक्‍म। मारदे हना मेको पास्‍सा आ ङोंइती ङा ठेयब नाक्‍त बाक्‍त। ब्‍‍यवस्‍था २१:२३

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

यहोसु 8:29

मिनु मेकोमी ऐ ङा पिप कली नां मरिक्‍म सम्‍म रवामी क्‍युक्‍शा वोइक्‍पाइक्‍तु। मिनु नां रिक्‍म नोले यहोसुमी पिप आ रां रवा रे शोल्‍शा, सहर ओव़तीक लाप्‍चोम लाइश्‍शा ताइक्‍पाइक्‍तु। मेको आ तारी शुश फुल्‍लु तेल्‍तेक्‍म। मेको मुल सम्‍म बाक्‍ब। ब्‍यवस्‍था २१:२२-२३

न्‍यायाधीस 8:21

मिनु जेबाह नु साल्‍मुन्‍नामी “आंमान बोक्‍शा, आंस कली सतीन। मारदे हना गे नु वोंइश मुर आ बोल बाक्‍ब” देंसा बाक्‍त। मिनु गिदोन बोक्‍शा, मेको निक्‍शी आस कली सांइ‍सी बाक्‍त। मिनु मेको आस दलओंठ आ शुरमी बाक्‍शो शुश क्‍येट लाइब गहनापुकी प्रुइश्‍शा लदा बाक्‍त।

१ सामुएल 15:33

मिनु सामुएलमी “दोपा इ तरवारम मीश मुर आन कली आल मपाइश्‍शो सेला, मोपा इ ममा यो मीश मुर आन दातेमी आल मपाइश्‍शो दुम्‍ब” देंमाक्‍त। मिनु सामुएलमी अगाग कली परमप्रभु यावे आ ङोंइती गिल्‍गालम क्‍योरशा सदा बाक्‍त।