यहोसु 10:24 - Sunuwar Bible

²⁴ मिनु मेको आन कली यहोसु आ बाक्‍तीक चाक्‍ग्‍मे नोले, यहोसुमी इस्राएली नेल्‍ल आन कली खुप्‍शा, लडाइ पाइब आन ठेयब मुर आन कली “एको पिप आन शुरमी इन खोइलीमी दिम्‍दीन” देंत। मिनु मेकोपुकीमी जाक्‍शा, आन खोइलीमी मेको पिप आन शुर दिम्‍ताक्‍म।

यहोसु 10:24 ပူးပေါင်းရင်းမြစ်များ

२ सामुएल 22:39

गो मेको आन कली खतम पोक्‍‍शा साइक्‍‍‍नुङमी। मिनु मेकोपुकी गेनायो बोक्‍ने मचाप्‍नीम। मेकोपुकी आं खोइली आगाम गोल्‍तेक्‍म।

२ सामुएल 22:41

गे आं जोरी सत्रु आन कली आं ङोंइती रे प्रोक्‍‍पाइक्‍नीनी। गो आं कली काइ मदाक्‍ब आन कली खतम पोक्‍‍तामी।

भजन संग्रह 107:40

मिनु परमप्रभुमी मेकेर ङा हुकुम पाइब आन कली लां मबाक्‍शो गोरशो रागीम गाक्‍पाइक्‍तीमी। अय्‍युब १२:२१

भजन संग्रह 110:1

परमप्रभु यावेमी, आं परमप्रभु कली “गे आं ग्‍युरा गे निस्‍सो। मिनु गो इ जोरी सत्रु आन कली इ खोइल थेक्‍तीके सेल्‍नुङमी। मत्ती २२:४४; प्रेरित २:३४; हिब्रू १:१३; १कोरिन्‍थी १५:२५; फिलिप्‍पी २:८-११; हिब्रू १०:१२-१३

भजन संग्रह 110:5

परमप्रभु इन ग्‍युरा गे बाक्‍ब। मेको गाइक्‍ता नाक्‍ती पिप आन कली खतम पोक्‍ब। भजन संग्रह २:२,५,९

भजन संग्रह 18:40

गे आं जोरी सत्रु आन कली प्रोक्‍‍पाइक्‍तीनी। मिनु गो आं कली काइ मदाक्‍ब आन कली साइक्‍ता‍मी।

भजन संग्रह 91:13

गे गुप्‍स नु बीस पाइश्‍शो बुस्‍स दिम्‍नेवे। मेको बोल्‍यो बाक्‍तेक्‍म हना यो, मेको आन कली दिम्‍शा साइक्‍नेवे। लूका १०:१९

यसैया 51:23

मिनु इ कली श्‍येत गेब आ गुइमी मेको कचौरा गेनुङ। ङोंइती मेकोपुकीमी इ कली लांम बाप्पो। ‘इ तारी गाक्नीक’ देंतेक्‍म। मिनु गे इ ची गाक्‍तीक लां खोदेंशो सेल्‍तीवी” देंत। भजन संग्रह १२९:३

मलाकी 4:3

मिनु गेपुकीमी आं अरेशो लोव़ मटीब आन कली इन खोइलीमी दिम्‍नीनी। आं निसाफ पतीक नाक्‍ती मेको इन खोइलीम दिम्‍शा, पुलु खोदेंशो सेल्‍चा पुंइसीनीमी” दे मुर नेल्‍ल आन परमप्रभु यावेमी देंत।

रोमी 16:20

थुं नाइक्‍चा गेब परमप्रभु यावेमी रीब पा सैतान कली इन खोइल आगाम वोइक्‍ब। इं प्रभु येसु ख्रीस्‍तमी इन कली शिशी पवल।

ब्‍यवस्‍था 33:29

गे इस्राएली, ग्‍येरसीने। परमप्रभु यावेमी प्रोंइचा पुंइसीशो इन खोदेंशो जात सु बाक्‍बा? परमप्रभु यावे इन कली वारच पाइब नु तेक्‍तीक बाक्‍ब। मेको इन ग्रातीक तरवार बाक्‍ब। इन जोरी सत्रु इन ङोंइती बाप्‍नीम। मिनु गे मेको आन चीमी थेक्‍शा गाक्‍नीनी” दे आसीक गेशा, देंत। ब्‍यवस्‍था ४:७-८; भजन संग्रह ३३:१२; भजन संग्रह १४४:१५

हिब्रू 1:13

परमप्रभु यावेमी आ स्‍वर्ग ङा गेय पाइब सु कली “इ जोरी सत्रु आन कली इ खोइल आगामी मवोदुमी सम्‍म आं ग्‍युरा गे बाक्‍को, देंम ङा? भजन संग्रह ११०:१

न्‍यायाधीस 8:20

मिनु आ जेठा तौ, येथेर कली “बोक्‍शा, एको आस कली सांइ‍सी” देंमाक्‍त। तन्‍न आ तौ आल बाक्‍तीके हिंशा, आ तरवार मशोदा बाक्‍त।