यहोसु 10:10 - Sunuwar Bible

¹⁰ मिनु परमप्रभु यावेमी एमोरी ङा मुर आन कली इस्राएली आन ङोंइती वाम ग्याम सेल्‍शा, मेको आन कली गिबोन सहरम ब्रुपाइक्‍तु। इस्राएलीपुकीमी मेको आन कली गिबोन रे बेथ-होरोन ङा ग्‍येत्‍थ लां रे पा खेदा पाम्‍तेक्‍म। आजेका नु माकेदा सम्‍म खेदा पा साइक्‍तेक्‍म।

यहोसु 10:10 ပူးပေါင်းရင်းမြစ်များ

२ सामुएल 22:15

मेकोम ब्रा आप्‍शा, एर ओंथ ब्रपाइक्‍तु। चिला आप्‍शा, सोइक्‍ताक्‍व।

१ राजा 9:17

मिनु सोलोमनम गेजेर सहर, बेथ-होरोन,

२ इतिहास 14:12

मिनु परमप्रभु यावेम आसा नु यहूदा ङा मुर आन ङोंइती एथीयोपीया ङा मुर नु लडाइ पा ग्रापदा बाक्‍त। मिनु एथीयोपीया ङा मुर प्रोक्‍मा बाक्‍त।

२ इतिहास 25:13

मेना अमस्‍याहम लडाइम मलाइक्‍थु, खिं लेश्‍शा सोइश्‍शो लडाइ पाइबपुकीम यहूदा ङा सहरपुकी सामरीया रे बेथ-होरोन सम्‍म मारेइ मारेइ रोइक्‍तमे बाक्‍त। मेकोपुकीम मेकेर हजार सां मुर आन कली सदमे बाक्‍त। मिनु शुश मार मार रोइश्‍शा लदमे बाक्‍त।

भजन संग्रह 18:14

मिनु मेकोमी आ ब्रा आबानु, आं जोरी सत्रु ब्रपाइक्‍तीमी। ठेयब चिला पपाइश्‍शा, प्रोक्‍पाइक्‍तीमी।

भजन संग्रह 44:3

मेको आन तरवारम मेको रागी मग्राशो बाक्‍तेक्‍म। आन सक्तिमी यो मग्राशो बाक्‍तेक्‍म। इन सक्ति नु इन कुल ङा छेङछेङमी ग्रातेक्‍म। मारदे हना गे मेको आन कली दाक्‍शो बाक्‍ती‍नी।

भजन संग्रह 68:14

मिनु नेल्‍ल क्‍येङा सक्ति पाइश्‍शोमी पिप आन कली ब्रपाइक्‍ची ना सल्‍मोन डांडामी फुं यिपाइक्‍तु। न्‍यायाधीस ५:१६

भजन संग्रह 78:55

रागी रागी ङा मुर आन कली मेको आन ङोंइती रे खेरतु। मिनु इस्राएली आन कली मेको रागी योक्‍शा, गेम्‍तीमी। मिनु इस्राएल आ थर थर ङा मुर आन कली आन ताम्‍बुमी बाक्‍चा गेम्‍तीमी।

यसैया 28:21

मारदे हना परमप्रभु यावे पेराजीम डांडाम बोक्‍शो खोदेंशो पा बोक्‍ब। मेको गिबोन ङा बेंसीम गाइश्‍शो खोदेंशो पा गाइक्‍ब। मोपा मेकोम आ गेय पाइब। मेको आ गेय छक लाक्‍चा ङा बाक्‍ब। मिनु मरुप्‍चा ङा बाक्‍ब। २सामुएल ५:२०; १इतिहास १४:११; १इतिहास १४:१६

यसैया 30:30

मिनु परमप्रभु यावेमी आ ठेयब सेंदामी लोव़ पशा नेंपाइक्‍ब। मेकोमी गाइश्‍शा चुरशा, आ गुइ याम पाइश्‍शा, मारेइ मारेइ नेक्‍ब मी ब्रपाइश्‍शा, बुंबु पपाइश्‍शा, रेउ नु मुप्‍स यिपाइश्‍शा कोंइब।

येरमीया 34:7

बेबीलोन ङा पिप आ लडाइ पाइब मुरपुकी यरूसलेम नु यहूदा ङा अरु सहर नु लडाइ पना पन बाक्‍शो बाक्‍तेक्‍म। लाकीश नु आजेका नु यो मेकोपुकीमी लडाइ पचा मप्रोंइशो बाक्‍तेक्‍म। मेको यहूदा ङा गारो हिरशो सहर निक्‍शी ला लीशो बाक्‍ताक्‍स।

जकरिया 14:3

मिनु नोले परमप्रभु यावेमी मेको रागी रागी ङा मुर नु लडाइ पाइब। मुरुमी लडाइ पशो खोदेंशो पा लडाइ पाइब। जकरिया १२:३; यसैया ४२:१३; प्रकाश १९:१९

ब्‍यवस्‍था 7:23

मिनु परमप्रभु यावे, इन परमप्रभुमी मेको जात जात ङा मुर आन कली शुश वाम ग्‍याम सेल्‍शा, का का पा साइक्‍चा सम्‍म, इन कली जिम्‍मा गेब।

यहोसु 10:11

मिनु मोपा इस्राएली आन ङोंइती बेथ-होरोन रे आजेका सम्‍म ब्रुप्‍शा प्रोक्‍मानु, परमप्रभु यावेमी सरीङ रे ठेयब मुप्‍स यिपाइक्‍तु। इस्राएलीपुकीमी तरवारमी क्‍योरशा बेक्‍शो क्‍येङा ठेयब मुप्‍सीम ख्रशा बेक्‍शो मुर शुश बाक्‍तेक्‍म। प्रस्‍थान ९:२२-२५; अय्‍युब ३८:२२-२३; हबकुक ३:११; २सामुएल १:१८

यहोसु 10:28

मिनु मेको नाक्‍ती यहोसुमी माकेदा आंम के सेल्‍तु। मेको सहर ङा मुर नेल्‍ल आन कली नु मेकेर ङा पिप कली तरवारमी साइक्‍तु। मेकोमी मेकेर ङा मुर नेल्‍ल आन कली खतम पोक्‍तु। सुइ कली यो मप्रोन। मेकोमी यरीको ङा पिप कली पशो बुदी माकेदा ङा पिप कली यो पाइक्‍‍तु।

यहोसु 10:9

मिनु नेल्‍ल नाक्‍दो यहोसु नु इस्राएली गिल्‍गाल रे गाक्‍शा, मेक जाक्‍दीश्‍शा, छक लाक्‍चा ङा पा मेको आन कली लडाइ तोम्‍तेक्‍म।

यहोसु 11:8

मिनु परमप्रभु यावेमी मेको आन कली इस्राएली आन गुइमी गेप्‍तु। मिनु इस्राएलीपुकीमी मेको आन कली ठेयब सहर सीदोन नु मिस्रेपोत-माइम सम्‍म नु पूर्ब ङा मिस्‍पा दिंम सम्‍म खेदा पा साइक्‍तेक्‍म। सुइ कली यो मप्रोनेम। यहोसु १३:६

यहोसु 12:16

माकेदा ङा पिप, बेथेल ङा पिप, यहोसु १०:२८

यहोसु 15:35

यरमुथ, अदुल्‍लाम, सोकोह नु आजेका,

यहोसु 15:41

गेदे-रोथ, बेथ-दागोन, नामा नु माकेदा बाक्‍नीम। मेको नेल्‍ल पा १६ ओटा सहर नु आन नेक्‍था ङा गाउं नेल्‍ल यो बाक्‍नीम।

यहोसु 16:3

मिनु पच्‍छिम गे तोइश्‍शा याफ्‍लेत आ मुर आन रागी रे पा आइदी ङा बेथ-होरोन नु गेजेर सम्‍म ङा समुन्‍द्र जाक्‍दीश्‍शा नुप्‍शो बाक्‍त।

यहोसु 16:5

मिनु एफ्राइम आ खिं खिं ङा मुर आन रागी तेको तेको बाक्‍तेक्‍म देंशा हना, मेको आन के सांद पूर्ब गे अतारोथ-अदार रे पा आइक्‍था ङा बेथ-होरोन सम्‍म बाक्‍त।

यहोसु 21:22

किब्‍साइम नु बेथ-होरोन, नेल्‍ल पा ४ ओटा सहर नु आन बी ब्‍यफ, क्‍यारश भेडा योव़तीक रू ताम्‍तेक्‍म।

न्‍यायाधीस 4:15

मिनु परमप्रभु यावेमी सीसेरा नु आ बग्‍गी नेल्‍ले, आ लडाइ पाइब नेल्‍ल बाराक नु ब्रुपदा बाक्‍त। सीसेरा चहिं आ बग्‍गी रे तोइश्‍शा प्रोक्‍माक्‍त। न्‍यायाधीस ५:२०; उत्‍पत्ती ३५:५; प्रस्‍थान २३:२७; ब्‍यवस्‍था २:२५; यहोसु २:९-११

न्‍यायाधीस 4:16

मिनु बाराकमी बग्‍गीपुकी नु लडाइ पाइब आन कली हरोशेथ-हा-गोयीम सम्‍म खेदा पा, सीसेरा आ लडाइ पाइब नेल्‍ल आन कली तरवारमी क्‍योरशा सदा बाक्‍त। का यो ब्रोंइचा मतामे बाक्‍त।

न्‍यायाधीस 5:20

मिनु सोरुलपुकीमी सरीङ रे लडाइ पाम्‍तेक्‍म। मेको आन लतीक लां रे सीसेरा नु लडाइ पाम्‍तेक्‍म। प्रस्‍थान १४:२५; यहोसु १०:१४

१ सामुएल 13:18

अर्को हुल बेथ-होरोन गे लमा बाक्‍त। मिनु लीशो हुल चहिं डांडा गे लमा बाक्‍त। मेको डांडा रे सेबोयीम ङा बेंसी गोरशो रागी तांइसीबाक्‍माक्‍त।

१ सामुएल 17:1

पलिस्‍तीपुकीम लडाइ पचा कली आन लडाइ पाइब आन कली खुप्‍त‍मे बाक्‍त। मिनु यहूदा ङा सोकोहम बुक्‍मा बाक्‍त। मेकोपुकीमी सोकोह नु आजेका आस दाते एफेस-दाम्‍मीमम आन बाक्‍तीके सेल्‍मे बाक्‍त। यहोसु १५:३५