यहोसु 1:7 - Sunuwar Bible

⁷ गे थम बोल्‍यो नु महिंब दुमो। आं गेय पाइब मोसामी इ कली अरेशो लोव़ नेल्‍ल होस पा टिवो। मेको रे ग्‍युरा पेरा गे मलावो। मिनु गे ते लते हना यो ग्रानेवे। ब्‍यवस्‍था ५:२९; ब्‍यवस्‍था २९:८; १राजा २:३

यहोसु 1:7 ပူးပေါင်းရင်းမြစ်များ

१ राजा 2:2

मिनु मेकोमी “गो रागी ङा मुर नेल्‍ल आन खोदेंशो पा बेक्‍नुङ। मोपतीके गे बोल्‍यो नु महिंब दुमो।

१ राजा 2:3

मिनु गे परमप्रभु यावे, इ परमप्रभु आ देंशो टिवो। मेको आ लांम गाक्‍को। मिनु मोसा आ अरेशो लोव़म गेशो खोदेंशो पा परमप्रभु यावे आ फुल्‍लुम मुशा ब्रेक्‍शो लोव़, आ शेंशो, आ देंशो पतीक लोव़ नु आ गेशो अर्ती नेल्‍ल पावो। मिनु गे मार मार पाइनेवे, ते ते लाइनेवे, मेको नेल्‍ल रिम्‍शो दुम्‍ल। ब्‍यवस्‍था १७:१४-२०; यहोसु १:७

२ राजा 22:2

योसीयाहमी परमप्रभु यावे आ ङोंइती मार रिम्‍शो बाक्‍मे, मेको पवा बाक्‍त। मेको ग्‍युरा पेरा मपथु, आ किकी दाऊद आ लांम गाक्‍माक्‍त। २राजा १८:३

१ इतिहास 22:13

परमप्रभु यावेमी मोसा कली आ फुल्‍लुम मुशा ब्रेक्‍शो लोव़ नु निसाफ पतीक लोव़ इस्राएली आन कली टिशा पचा कली गेशो बाक्‍त। गे मेको नेल्‍ल पाप्‍तीवी हना, इ गेय रिम्‍शो दुम्‍ब। गे बोल्‍यो नु महिंब दुमो। हिंशा इ थुं लुक्‍च लचा मगेवो। १राजा २:२-३

२ इतिहास 15:7

तन्‍न गे इन थुं बारपाइश्‍शा बोल्‍यो दुम्‍शा, गेय पने। मारदे हना गे इन पशो गेय ङा इनाम ताइनीनी” देंमाक्‍त। १कोरिन्‍थी १५:५८

२ इतिहास 26:5

मेना जकरिया पिप कली परमप्रभु यावे कली मान पा हिंचा आ पर्बम शेंब बाक्‍माक्‍त। मिनु पिपमी जकरिया आ पालाम परमप्रभु यावे आ नोले खोइक्‍ना खोइक्‍न बाक्‍माक्‍त। मोपा खोदा सम्‍म परमप्रभुम अमस्‍याह आ पशो नेल्‍ल रिम्‍शो दुम्‍पदा बाक्‍त।

अय्‍युब 1:8

मिनु परमप्रभु यावेमी सैतान कली “गे आं गेय पाइब अय्‍युब कली तवी? परमप्रभु कली मान पा हिंब, मरिम्‍शो पतीक रे ङोन बाक्‍ब, रागीम मेको खोदेंशो पा पाप मपाइब नु ब्रेम्‍शो मुर अरु सुइ मबाक्‍नीम” दे मदा बाक्‍त।

भजन संग्रह 80:19

परमप्रभु यावे, मुर नेल्‍ल आन परमप्रभु, आंइ कली लेंशा सेल्‍की। इन कुल ङा छेङछेङ आंइ तार वोतीन। मिनु गो ब्रोंइनीकी।

हितोपदेस 4:27

ग्‍युरा पेरा मलावो। मरिम्‍शो पतीक नेल्‍ल रे ङोन बाक्‍को। यहोसु १:७

हितोपदेस 8:20

गो ठीक पतीक लां गाक्‍नुङ। ठीक निसाफ पाइनुङ।

दानीएल 10:19

मिनु मेकोमी आं कली “नेल्‍ल क्‍येङा दाक्‍चा पुंइसीशो, महिनो। इ कली मारेइ मदुम्‍ब। बोल्‍यो नु महिंब दुमो” दे माइक्‍ती। मेकोमी गो नु लोव़ पवा नोले, गो बोल्‍यो दुम्‍ती। मिनु गो “आं प्रभु, लोव़ पने। मारदे हना गे आं कली बोल्‍यो सेल्‍तीनी” देंती। प्रकाश १:१७

गन्‍ती 27:23

मिनु मोसामी परमप्रभु यावेमी देंशो खोदेंशो पा आ गुइ यहोसु आ तार वोइश्‍शा, आ गेय पचा कली जिम्‍मा गेप्‍तु।

ब्‍यवस्‍था 11:8

मोपतीके गो मुलाक्‍ती इन कली दें‍शो परमप्रभु यावे आ शें‍शो नेल्‍ल टिशा पने। मेको पाइतीनी हना, गेपुकी बोल्‍यो दुम्‍नीनी। मिनु खोला शोक्‍शा इन के सेल्‍चा चिक्‍शो रागीम ओव़शा, थमा पा इन के सेल्‍ने चाप्‍नीनी।

ब्‍यवस्‍था 12:32

गो इन कली दोशो अरेङा, मेको नेल्‍ल होस पा पने। गेपुकीमी मारेइ मतेम्‍दीन, मारेइ मशोलीने” देंत।

ब्‍यवस्‍था 28:14

मिनु आं देंशो लोव़ नेल्‍ल पाइतीनी हना, आइदी आइक्‍था पा अरु देवी देवता आन हेंथे लां मलाइतीनी हना, मोदेंशो आसीक राइब दुम्‍नीनी। ब्‍यवस्‍था ५:२९-३२

ब्‍यवस्‍था 29:8

मिनु गोपुकीमी मेको आन रागी ग्राशा, रूबेन आ थर, गाद आ थर नु मनस्‍से आ थर ङा आधा मुर आन कली आन के सेल्‍चा कली रू गेशो। गन्‍ती ३२:-

ब्‍यवस्‍था 29:9

मोपतीके एको कबल पशो लोव़ होस पा पने। मिनु मो पाइतीनी हना, गे मार मार पनी, मेको रिम्‍शो दुम्‍ब।

ब्‍यवस्‍था 31:7

मिनु मोसामी यहोसु कली ब्रेश्‍शा, इस्राएली नेल्‍ल आन ङोंइती “बोल्‍यो नु महिंब दुमो। मारदे हना परमप्रभु यावेमी मेको इन किकी पिपी आन कली कसम जशा ‘मेको रागी इन कली गेनुङ’ देंशो बाक्‍त। मिनु गे मेको रागी मेको आन कली योक्‍शा गेनीनी। ब्‍यवस्‍था ३:२८; यहोसु १:६

ब्‍यवस्‍था 4:2

मिनु गो इन कली परमप्रभु यावे, इन परमप्रभु आ लोव़ शेंशा ‘परमप्रभु आ शेंशो पचा माल्‍ब’ दे अरेनुङ। गेपुकीमी आं शेंशो लोव़ कली का यो मतेम्‍दीन। का यो मशोलीने। ब्‍यवस्‍था १३:१; हितोपदेस ३०:६; प्रकाश २२:१८-१९

ब्‍यवस्‍था 5:32

मोपतीके इन परमप्रभु यावेमी इन कली शें‍शो होस पा टिने। गेपुकी ग्‍युरा पेरा गे मलथु, आ लां खोतीन। ब्‍यवस्‍था ४:२; ब्‍यवस्‍था २८:१४; यहोसु १:७; हितोपदेस ४:२७

यहोसु 1:1

परमप्रभु यावे आ गेय पाइब मोसा बेक्‍म नोले परमप्रभु यावेमी मोसा आ गेय पाइब नून आ तौ, यहोसु कली लोव़ पाप्‍तु।

यहोसु 1:8

एको आं अरेशो लोव़ ङा किताब इ थुं रे ङोन मवोतो। मेको कली नाक्‍दो नाक्‍ती मिम्‍तो। मेकेर ब्रेक्‍सीशो नेल्‍ल होस पा टिवो। मो पाप्‍तीवी हना, गे ग्राना ग्रान गाक्‍नेवे। मिनु इ पतीक नेल्‍ल थम रिम्‍शो दुम्‍ब। भजन संग्रह १:२-३

यहोसु 1:9

गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।

यहोसु 11:15

दोपा परमप्रभु यावेमी आ गेय पाइब मोसा कली अरेशो बाक्‍मे, मोपा मोसामी यहोसु कली अरेशो बाक्‍माक्‍त। मिनु यहोसुमी मोदेंशोन पाप्‍तु। परमप्रभु यावेमी मोसा कली अरेशो लोव़ यहोसुमी का सम्‍म यो मप्रोन। नेल्‍ल रिम्‍शो पा टिप्‍तु।

यहोसु 23:6

गे थम बोल्‍यो दुमीन। मिनु मोसा आ ब्रेक्‍शो अरेशो लोव़ होस पा टिने। गे ग्‍युरा पेरा गे गेनायो मलने। ब्‍यवस्‍था ५:२९