यहोसु 1:17 - Sunuwar Bible

¹⁷ दोपा मोसा आ लोव़ नेल्‍ल टिशो नया, मोपान इन लोव़ यो टीनीकी। दोपा परमप्रभु यावे, इन परमप्रभु मोसा नु बाक्‍मे, मोपान गे नु यो बाक्‍ल।

यहोसु 1:17 ပူးပေါင်းရင်းမြစ်များ

२ सामुएल 14:17

मिनु इन वाइलीम, आं प्रभु, आं पिप, आ लोव़म आं थुं नाइक्‍चा गेब। मारदे हना गे, आं प्रभु पिप, परमप्रभु आ स्‍वर्ग ङा गेय पाइब खोदेंशो बाक्‍नीनी। रिम्‍शो नु मरिम्‍शो तिल्‍ब बाक्‍नीनी। परमप्रभु यावे, इन परमप्रभु गे नु बाक्‍ब” देंमाक्‍त। २सामुएल १९:२८; १सामुएल २९:९

१ राजा 1:37

दोपा परमप्रभु यावे आं प्रभु पिप इन नु बाक्‍मे, मोपान सोलोमन नु यो बाक्‍ल। मिनु मेको आ राज्‍य आं प्रभु पिप दाऊद आ राज्‍य क्‍येङा यो सक्ति पाइश्‍शो सेलल” देंमाक्‍त।

१ इतिहास 28:20

मिनु दाऊदमी आ तौ सोलोमन कली “बोल्‍यो नु महिंब दुम्‍शा, एको गेय पावो। महिनो, इ थुं ग्‍येत्‍थ लुक्‍च मपावो। मारदे हना परमप्रभु यावे, आं परमप्रभु गे नु बाक्‍ब। परमप्रभु यावेमी आ खिंमी गेय पचा कली मारेइ मारेइ सेल्‍ने मथुमा सम्‍म इ कली मप्रोंइथु वारच पाइब। १इतिहास २२:१३; ब्‍यवस्‍था ३१:६

भजन संग्रह 20:1

गे श्‍येत जनीनु, परमप्रभु यावेमी इन लोव़ लेत्‍तल। याकूब आ परमप्रभु आ नें आ पर्बम इन जोरी सत्रुम थिन्‍ने मचाप्‍मेक्‍ल। हितोपदेस १८:१०

भजन संग्रह 20:4

मेकोमी इन दाक्‍शो नेल्‍ल गेवल। इन मिम्‍शो नेल्‍ल खबल। भजन संग्रह २१:३

भजन संग्रह 20:9

परमप्रभु यावे, आंइ पिप कली ग्रापतीन। गो पुंइकानु, आंइ लोव़ लेत्‍तीन।

गन्‍ती 27:18

मिनु परमप्रभु यावेमी मोसा कली “गे आं सोक्‍त पाइश्‍शो नून आ तौ यहोसु कली चाक्‍शा, इ गुइ मेको आ तार वोतो। प्रस्‍थान ३३:११; ब्‍यवस्‍था ३४:९

गन्‍ती 27:20

मोपा गे मेको कली इ अधिकार गेवो। मिनु इस्राएली नेल्‍लेमी मेको आ देंशो टीमेक्‍ल। प्रस्‍थान ३४:२९-३०; २राजा २:९,१५

मत्ती 21:9

मिनु आ ङोंइती नोले गाक्‍बपुकीमी “दाऊद आ तौ कली होसन्‍ना, परमप्रभु यावे आ नेंमी जाक्‍ब कली जाइ, गे ठेयब बाक्‍नीनी” दे रेयके पा ठेयब सेल्‍ना सेल्‍न गाक्‍तेक्‍म। भजन संग्रह ११८:२५-२६

ब्‍यवस्‍था 34:9

मिनु नून आ तौ यहोसु रुप्‍तीक तुइक्‍तीक सोक्‍तीम ब्रीशो बाक्‍त। मारदे हना मोसामी आ गुइ मेको आ तार वोइश्‍शो बाक्‍त। मिनु परमप्रभु यावेमी मोसा कली माइश्‍शो खोदेंशो पा इस्राएलीपुकीमी यहोसु कली टिम्‍तेक्‍म। गन्‍ती २७:१८-२३; १तिमोथी ४:१४; २तिमोथी १:६

यहोसु 1:16

मिनु मेकोपुकीमी यहोसु कली “गे आंइ कली मार मार अरेनी, गो मेको नेल्‍ल पाइनीकी। मिनु गे आंइ कली ते ते सोइक्‍नीनी, गो मेक मेक लाइनीकी।

यहोसु 1:18

सुमी इन अरेशो लोव़ ‘मपाइनुङ’ दे इन लोव़ मनेंबा, मेको साइक्‍चा पुंइसीब। मोपतीके गे बोल्‍यो नु महिंब दुमीन” देंतेक्‍म। यहोसु १:६

यहोसु 1:5

गे मबेक्‍ङे सम्‍म इ कली सुइमी यो फ्रुने मचाप्‍नीम। गो दोपा मोसा नु बाक्‍ङा, मोपा गे नु यो बाक्‍नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्‍यवस्‍था ३१:७,८; हिब्रू १३:५

यहोसु 1:9

गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।

यहोसु 4:14

मेको नाक्‍त परमप्रभु यावेमी यहोसु कली इस्राएली आन ङोंइती ठेयब सेल्‍तु। मिनु मेकोपुकीम मोसा कली हिक्‍शो खोदेंशो पा यहोसु कली यो मबेक्‍म सम्‍म हिक्‍तेक्‍म। यहोसु ३:७

१ सामुएल 17:37

आं कली जोइ नु वां आन शोव़ रे प्रोंइब परमप्रभु यावेमी मेको पलिस्‍ती आ गुइ रे यो प्रोंइब” देंमाक्‍त। मिनु सावलमी “लावो, परमप्रभु यावे गे नु बाक्‍ल” देंमाक्‍त।

१ सामुएल 20:13

तन्‍न आं आफोम मरिम्‍शो मिम्‍शो बाक्‍त हना यो, गो इन कली तुइक्‍पाइक्‍नुङ। गो इन कली मतुइक्‍पाइक्‍ता हना नु इन कली मप्रोंइता हना, परमप्रभु यावेमी आं कली सजाइ गेवल। परमप्रभु यावे आं आफ नु बाक्‍शो खोदेंशो पा गे नु यो बाक्‍ल।