यहोसु 1:16 - Sunuwar Bible

¹⁶ मिनु मेकोपुकीमी यहोसु कली “गे आंइ कली मार मार अरेनी, गो मेको नेल्‍ल पाइनीकी। मिनु गे आंइ कली ते ते सोइक्‍नीनी, गो मेक मेक लाइनीकी।

यहोसु 1:16 ပူးပေါင်းရင်းမြစ်များ

एज्रा 10:4

मिनु मुल बोक्‍कीन। एको गेय नेल्‍ल इन के बाक्‍ब। गो इन कली वारच पाइनीकी। मोपतीके थुं बारपाइश्‍शा गेय पने” देंत।

गन्‍ती 32:25

मिनु गाद नु रूबेन आस थर ङा मुरपुकीमी मोसा कली “इन गेय पाइब, गोपुकी इन अरेशो पाइनीकी।

गन्‍ती 32:31

मिनु गाद नु रूबेन आस थर ङा मुरपुकीमी “परमप्रभु यावेमी इन गेय पाइब, आंइ कली मार देंमे मेको पाइनीकी।

ब्‍यवस्‍था 34:9

मिनु नून आ तौ यहोसु रुप्‍तीक तुइक्‍तीक सोक्‍तीम ब्रीशो बाक्‍त। मारदे हना मोसामी आ गुइ मेको आ तार वोइश्‍शो बाक्‍त। मिनु परमप्रभु यावेमी मोसा कली माइश्‍शो खोदेंशो पा इस्राएलीपुकीमी यहोसु कली टिम्‍तेक्‍म। गन्‍ती २७:१८-२३; १तिमोथी ४:१४; २तिमोथी १:६

ब्‍यवस्‍था 5:27

गे आ नेक्‍था लने। मिनु परमप्रभु यावे, इं परमप्रभु आ देंशो लोव़ नेंशा, आंइ कली नेल्‍ल शेंदीन। मिनु मेको नेंशा पाइनीकी” देंतीनी।

तीतस 3:1

मिनु गेमी हुकुम पाइब नु सरकार ङा अधिकार पाइश्‍शो मुर आन कली टिचा, दे थमा सुइक्‍ब आन कली मिम्‍पतो। थमा सुइक्‍बपुकी टीब मुर दुम्‍चा माल्‍नीम। मिनु मार मार रिम्‍शो गेय बाक्‍मे, मेको पचा माल्‍नीम। रोमी १३:१; १पत्रुस २:१३

यहोसु 1:15

मिनु परमप्रभु यावेमी इन लोक्‍ब आन कली, इन कली खोदेंशो पा नाइक्‍चा मगेवा सम्‍म, मेको रागी आंम के मसेल्‍मे सम्‍म नु परमप्रभु यावे, इन परमप्रभुमी मेको आन कली गेचा चिक्‍शो रागी मग्रामा सम्‍म मेको आन कली वारच पचा माल्‍नीनी। मिनु नोले परमप्रभु यावे आ गेय पाइब मोसामी यर्दन आ पूर्ब गे इन कली गेशो रागीमी लेश्‍शा, बाक्‍ने चाप्‍नीनी” देंत।

यहोसु 1:17

दोपा मोसा आ लोव़ नेल्‍ल टिशो नया, मोपान इन लोव़ यो टीनीकी। दोपा परमप्रभु यावे, इन परमप्रभु मोसा नु बाक्‍मे, मोपान गे नु यो बाक्‍ल।