यहोसु 1:15 - Sunuwar Bible

¹⁵ मिनु परमप्रभु यावेमी इन लोक्‍ब आन कली, इन कली खोदेंशो पा नाइक्‍चा मगेवा सम्‍म, मेको रागी आंम के मसेल्‍मे सम्‍म नु परमप्रभु यावे, इन परमप्रभुमी मेको आन कली गेचा चिक्‍शो रागी मग्रामा सम्‍म मेको आन कली वारच पचा माल्‍नीनी। मिनु नोले परमप्रभु यावे आ गेय पाइब मोसामी यर्दन आ पूर्ब गे इन कली गेशो रागीमी लेश्‍शा, बाक्‍ने चाप्‍नीनी” देंत।

यहोसु 1:15 ပူးပေါင်းရင်းမြစ်များ

१ कोरिन्‍थी 12:26

मोदेंशो पा कांइचीक दुम्‍शोपुकी, काम श्‍येत जाप्‍तु हना, नेल्‍ल श्‍येत जाइनीम। काम मान ताप्‍तु हना, नेल्‍ल गारशा ग्‍येरसीनीम।

१ कोरिन्‍थी 13:5

दाक्‍तीकेमी ठेयब मलेप्‍ब नु मुने दोक्‍चा ङा लोव़ मपाइब। दाक्‍तीकेमी आं के ला ठीक मदेंब। दाक्‍तीकेमी रीब पा मचुरब, ईख मकुरब। फिलिप्‍पी २:४

गलाती 5:13

आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। १पत्रुस २:१६; २पत्रुस २:१९

गलाती 6:2

कामी अर्को कली वारच पने। मोपा गे ख्रीस्‍त आ अरेशो लोव़ खाप्‍नीनी। २कोरिन्‍थी ११:२९

ब्‍यवस्‍था 3:18

मेना गो इन कली ‘परमप्रभु यावे, इन परमप्रभुमी एको रागी इन के दुम्‍चा कली गेशो बाक्‍ब। मो हना यो इन दाते ङा लडाइ पाइब वोंइश मुरपुकी इन या पिम्‍सीशा, इन लोक्‍ब इस्राएली आन ङोंइती यर्दन खोला शोक्‍चा माल्‍नीनी।

ब्‍यवस्‍था 3:20

परमप्रभु यावेमी इन कली खोदेंशो पा इन लोक्‍ब आन कली मनाइक्‍पदा सम्‍म मोदेंशो दुम्‍चा माल्‍ब। मिनु परमप्रभु यावे, इन परमप्रभुमी यर्दन आइक्‍ची हांबु मेको आन कली गेशो रागी आंम के मसेल्‍मे सम्‍म गेपुकीमी मो पचा माल्‍नीनी। मिनु नोले गोम इन कली गेशो रागी लेश्‍शा, जाक्‍ने चाप्‍नीनी’ दे माइक्‍मी” देंत।

ब्‍यवस्‍था 9:1

मिनु मोसामी “गे इस्राएलीपुकी, नोफा दाइश्‍शा, नेनीन! मुल गे मेको रागी ओव़चा कली यर्दन खोला शोक्‍नीनी। इन क्‍येङा ठेयब नु सक्ति पाइश्‍शो रागी रागी, सरीङ थिचा चिक्‍शो गारो हिरशो सहरपुकी इन के सेल्‍नीनी। ब्‍यवस्‍था १:२८

फिलिप्‍पी 2:4

गेपुकी का का पा नेल्‍लेमी आंम दाक्‍शो ला ममिम्‍थु, अरु मुर आन दाक्‍शो “मार बाक्‍मे” मेको यो मिम्‍तीन। १कोरिन्‍थी १०:२४; १कोरिन्‍थी १३:५

यहोसु 1:1

परमप्रभु यावे आ गेय पाइब मोसा बेक्‍म नोले परमप्रभु यावेमी मोसा आ गेय पाइब नून आ तौ, यहोसु कली लोव़ पाप्‍तु।

यहोसु 1:14

इन मीश नु आलपुकी, बी ब्‍यफ, क्‍यारश भेडा नेल्‍ल मोसामी इन कली गेशो रागी यर्दन ओंथ हांबुम बाक्‍चा माल्‍नीम। तन्‍न गे लडाइ पाइब वोंइश मुरपुकी या कुरशा इन लोक्‍ब आन कली वारच पचा कली मेको आन क्‍येङा ङोंइती आइक्‍ची हांबु लचा माल्‍नीनी।

यहोसु 1:16

मिनु मेकोपुकीमी यहोसु कली “गे आंइ कली मार मार अरेनी, गो मेको नेल्‍ल पाइनीकी। मिनु गे आंइ कली ते ते सोइक्‍नीनी, गो मेक मेक लाइनीकी।

यहोसु 22:1

मिनु यहोसुमी रूबेन आ थर, गाद आ थर नु मनस्‍से आ उइक्‍थ थर ङा वोंइश मुर आन कली ब्रेत्‍ताक्‍व।