यहोसु 1:14 - Sunuwar Bible

¹⁴ इन मीश नु आलपुकी, बी ब्‍यफ, क्‍यारश भेडा नेल्‍ल मोसामी इन कली गेशो रागी यर्दन ओंथ हांबुम बाक्‍चा माल्‍नीम। तन्‍न गे लडाइ पाइब वोंइश मुरपुकी या कुरशा इन लोक्‍ब आन कली वारच पचा कली मेको आन क्‍येङा ङोंइती आइक्‍ची हांबु लचा माल्‍नीनी।

यहोसु 1:14 ပူးပေါင်းရင်းမြစ်များ

प्रस्‍थान 13:18

मोपा परमप्रभुमी इस्राएली आन कली गोरशो रागी रे लल समुन्‍द्र गे ङा लां कोंइताक्‍व। मिनु इस्राएली इजीप्‍त रागी रे गाक्‍मानु, लडाइ पचा कली यो ठीक दुम्‍शो बाक्‍तेक्‍म।

गन्‍ती 32:26

आंइ आलपुकी, आंइ मीशपुकी, आंइ बी ब्‍यफ, क्‍यारश भेडा नेल्‍ल एको गिलाद सहरमी बाक्‍नीम।

ब्‍यवस्‍था 20:8

मिनु मेको ठेयब मुरपुकीमी लेंशा मुर आन कली ‘इन दातेमी सुइम हिंब नु आ थुं लुक्‍च लाइब बाक्‍त हना, मेको आ खिं लेश्‍शा लचा माल्‍ब। मेकेर बाक्‍त हना, आ लोक्‍ब आन थुं यो ग्‍येत्‍थ लुक्‍च लपाइक्‍ब’ देंचा माल्‍नीम। न्‍यायाधीस ७:३

ब्‍यवस्‍था 3:19

मिनु इन मीश, इन आलपुकी नु इन बी ब्‍यफ, क्‍यारश भेडा गो इन कली गेशो सहरम ला बाक्‍चा ताइनीम। इन के बी ब्‍यफ, क्‍यारश भेडा शुश बाक्‍नीम, दे तुइक्‍नुङ।

ब्‍यवस्‍था 33:21

मेकोमी आंम कली नेल्‍ल क्‍येङा रिम्‍शो रागी योव़तु। मारदे हना मेको कली कप्‍तान आ भाग वोइश्‍शो बाक्‍त। मेको नेल्‍ल इस्राएली आन ङोंइती गाक्‍त। परमप्रभु यावेमी देंशो ठीक पतीके पाप्‍तु” देंत। गन्‍ती ३२:२९-३२

यहोसु 1:13

“परमप्रभु यावे आ गेय पाइब मोसामी इन कली अरेशो लोव़ मिम्‍तीन। मिनु मेकोमी इन कली ‘परमप्रभु यावे, इन परमप्रभुमी इन कली नाइक्‍पाइक्‍तीक गेशा, मेको रागी गेनुङ’ देंशो लोव़ मप्रेंदीन।

यहोसु 1:15

मिनु परमप्रभु यावेमी इन लोक्‍ब आन कली, इन कली खोदेंशो पा नाइक्‍चा मगेवा सम्‍म, मेको रागी आंम के मसेल्‍मे सम्‍म नु परमप्रभु यावे, इन परमप्रभुमी मेको आन कली गेचा चिक्‍शो रागी मग्रामा सम्‍म मेको आन कली वारच पचा माल्‍नीनी। मिनु नोले परमप्रभु यावे आ गेय पाइब मोसामी यर्दन आ पूर्ब गे इन कली गेशो रागीमी लेश्‍शा, बाक्‍ने चाप्‍नीनी” देंत।

यहोसु 4:12

मोसामी मेको आन कली देंशो खोदेंशो पा, रूबेन आ थर, गाद आ थर नु मनस्‍से आ उइक्‍थ थर ङा वोंइश मुर या कुरशा, इस्राएली आन ङोंइती गाक्‍तेक्‍म। यहोसु १:१२-१६

प्रकाश 17:4

मिनु मेको मीश मुर दोदेंशो तांइसाक्‍व देंशा हना, पिप आन फेक्‍शो खोदेंशो वा नु लल वा फेक्‍शो बाक्‍त। सुन, हीरा नु मोती पांइशो बाक्‍त। मेकोमी सुन के कचौरा कुरशो बाक्‍त। मेको कचौरा आ तेल्‍लेम पतीके, ग्रांग्रा दिचा ङा नु मरिम्‍शो गेयमी ब्रीशो बाक्‍त। येरमीया ५१:७