योना 4:8 - Sunuwar Bible

⁸ मिनु नां दाम्‍मेनु, परमप्रभुमी योना आ बाक्‍तीकेम पूर्ब रे होश फश सोइक्‍ता बाक्‍त। मिनु नांमी योना आ पिया नाप्‍शा, योना ओले पेते दुम्‍शा, गोल्‍माक्‍त। मिनु योनामी “ब्रोंइचा क्‍येङा बेक्‍चा दाक्‍नुङ” देंमाक्‍त।

योना 4:8 ပူးပေါင်းရင်းမြစ်များ

उत्पत्ती 41:6

मिनु नोले पूर्ब ङा फशेम बुश सेल्‍शो ७ ओटा सोप्‍पीक्‍च आइक्‍च बाला तवा बाक्‍त।

१ राजा 19:4

मिनु आं चहिं काबु ङा लां ङोन गोरशो रागीम ओव़माक्‍त। मिनु मेको बुटा आगाम निश्‍शा, परमप्रभु यावे कली “मुल नुप्‍त। आ सोक्‍त ब्रने। मारदे हना गो आं किकी पिपी आन क्‍येङा रिम्‍शो मनङ” देंमाक्‍त। अय्‍युब ७:१५; योना ४:३

१ राजा 21:4

मोपतीके आहाब आ थुं खुरसीशा गाइश्‍शा आ खिं लमाक्‍त। मारदे हना येज्रेली नाबोथमी “आं किकी पिपी आन गेशो रू इन कली मगेनुङ” देंशो बाक्‍माक्‍त। मिनु मेको आ कुल किरशा आ ब्राख्‍येम इप्‍शा बाक्‍माक्‍त। जने यो मबिस्‍से बाक्‍त।

अय्‍युब 2:10

तन्‍न अय्‍युबमी “गे मूर्ख मीश मुर खोदेंशो पा लोव़ पाप्‍तीवी। परमप्रभु आ गेशो रिम्‍शो चहिं ताक्‍शा, मरिम्‍शो चहिं मताक्‍चा ङा?” दे मदा बाक्‍त। मेको लोव़ नेल्‍लेम अय्‍युबमी मारेइ पाप मपवा बाक्‍त। अय्‍युब १:२२

अय्‍युब 7:15

मोपतीके गो मेको रांम ब्रोंइचा क्‍येङा सोक्‍त मकीथु बेक्‍चा दाक्‍नुङ।

भजन संग्रह 121:6

मिनु नाक्‍ती नांम इ कली मनाप्‍ब। नाक्‍दो तास्‍लाम इ कली मारेइ मरिम्‍शो पने मचाप्‍ब।

भजन संग्रह 39:9

गो सिक्‍सी पा बाक्‍शा मब्‍वाक्‍ङ। मारदे हना गे मो पपाइक्‍तीनी।

उपदेसक 7:9

रीब पा मगाइक्‍तो। मारदे हना गाइक्‍‍तीक मूर्ख आन थुंम बाक्‍ब। याकूब १:१९

ठेयब कुम्सो 1:6

आं कली क्‍येर तशा, मकोव़यीनी। मारदे हना चोक्‍शो नांमी आं कली क्‍येर सेल्‍ती। आं ममा आ तौपुकी गो नु गाइक्‍तीके आं कली अङगुर रू कोव़ब सेल्‍तीमी। तन्‍न गो आंम अङगुर रू कली चहिं मकोव़ङु।

यसैया 49:10

शोव़लु मबेक्‍नीम, तूतू मदाक्‍नीम। नां नु होश फश नु नांमी मेको आन कली मनाप्‍ब। मारदे हना मेको आन कली शिशी पाइबमी मेको आन कली खुल्‍ब। प्रकाश ७:१६

इजीकीएल 19:12

तन्‍न मेको गाइश्‍शा चुरशा तुल्‍चा पुंइसाक्‍व। मिनु खपीम ताइक्‍चा पुंइसाक्‍व। मिनु पूर्ब ङा फशेम मेको कली सोव़पाइक्‍तु। मिनु मेको आ गेडा नेल्‍ल हेम्‍तेक्‍म। आ बोल्‍यो राशी सोव़शा, मेको कली मीम नेक्‍तु।

होसे 13:15

मेको आ लोक्‍ब आन दातेमी रिम्‍शो दुम्‍शा सोशा बोशा लत हना यो, गो मेको कली शिशी मपाइनुङ। परमप्रभु यावे रे पा पूर्ब ङा फश गोरशो रागी रे पा जाक्‍ब। मिनु आ ब्‍वाक्‍कु बुक्‍तीक सोव़ब। मेको आ इनार यो सोव़नीम। मोपा मेको आ शुश क्‍येट लाइब मारेइ मारेइ नेल्‍ल नुप्‍नीम।

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

योना 1:17

मिनु परमप्रभु यावेमी योना कली दाक्‍पाइक्‍चा कली ठेयब ङांइ का सोइक्‍ता बाक्‍त। मेको ङांइमी योना कली ग्रु दाक्‍गानु, योना सां नाक्‍दो नाक्‍ती आ कोव़जीम बाक्‍माक्‍त। मत्ती १२:४०; मत्ती १६:४

योना 1:4

मिनु परमप्रभु यावेमी समुन्‍द्रमी ठेयब फश पपदा बाक्‍त। मोपा ठेयब फश गिवारम पतीके मेको डोंगा जिक्‍‍चा चिक्‍ता बाक्‍त।

योना 4:3

मुल परमप्रभु यावे, आं कली साइय्‍यीनी। मारदे हना गो ब्रोंइचा क्‍येङा बेक्‍चा दाक्‍नुङ” दे परमप्रभु यावे नु लोव़ पवा बाक्‍त। १राजा १९:४

योना 4:9

मिनु परमप्रभुमी योना कली “गे मेको रवा आ पर्बम गाइक्‍चा, ठीक दुम्‍बा ङा?” दे लोव़ पवानु, मेकोमी “गो मबेक्‍ङा सम्‍म गाइक्‍नुङ” दे लोव़ लेत्‍ता बाक्‍त।

मत्ती 20:12

‘नेल्‍ल क्‍येङा नोले जाक्‍बपुकीमी इच्‍का ला गेय पाम्‍तेक्‍म। गोपुकी सुनी रे गेय पा नांम दुप्‍शा चोशा श्‍येत पा गेय पाइतक। तन्‍न आंइ कली उइक्‍थ उइक्‍थ गाल्‍च गे‍तीनी’ दे गाइश्‍शा देंमा बाक्‍त।

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६

प्रकाश 7:16

मुल मेकोपुकी लेंशा शोव़लु मबेक्‍नीम। तूतू मदाक्‍नीम। नां नु अर्को रापमी मेको आन कली गेनायो मनाप्‍ब। यसैया ४९:१०

१ सामुएल 3:18

मिनु सामुएलम परमप्रभु यावे आ देंशो लोव़ नेल्‍ल शेंदा बाक्‍त। तेकोइ लोव़ मख्रुइक्‍ता बाक्‍त। मिनु एलीमी “मेको परमप्रभु यावे बाक्‍ब। मेकोम आ दाक्‍शो पवल” देंमाक्‍त। २सामुएल १५:२६