योना 3:8 - Sunuwar Bible

⁸ मुरपुकीम अरन्‍डी सुम्‍सीशा, बी ब्‍यफ, क्‍यारश भेडा यो सुम्‍चा माल्‍नीम। मिनु मेकोपुकीमी परमप्रभु कली ठेयब सेंदाम पुंइचा माल्‍नीम। मिनु नेल्‍ल आन मरिम्‍शो लां नु आन मरिम्‍शो पशो रे लेत्‍चा माल्‍नीम।

योना 3:8 ပူးပေါင်းရင်းမြစ်များ

अय्‍युब 16:17

मो हना यो आं गुइमी मरिम्‍शो मपशो बाक्‍ती। आं पुंइशो लोव़ रिम्‍शो बाक्‍ब।

अय्‍युब 36:10

मेकोमी मेको आन कली श्‍येत गेशा रुप्‍ब मुर सेल्‍ब। मिनु मेको आन मरिम्‍शो पतीक रे लेप्‍पाइक्‍चा कली अरेब। अय्‍युब ३३:१६

यसैया 58:6

आं दाक्‍शो माइजा बाक्‍तीके मार बाक्‍ब, देंशा हना, ठीक निसाफ मतशो आन कली प्रोंइचा नु दिप्‍शा श्‍येत गेचा पुंइसीशो आन जुवा प्रुइक्‍चा बाक्‍ब।

यसैया 59:6

मेको जाल फेक्‍सीचा नु सुम्‍सीचा मदुम्‍ब। मेको आन सेल्‍शो थोव़कमी आन रां सुम्‍ने मचाप्‍नीम। मेको आन गेय मरिम्‍शो पतीक गेय बाक्‍ब। मेको हुश ख्राक्‍श पोक्‍ब बाक्‍नीम।

येरमीया 18:11

मोपतीके गे यहूदा ङा मुर आन कली नु यरूसलेममी बाक्‍ब मुर आन कली परमप्रभु यावेम इन कली मार देंत देंशा हना ‘नेनीन, गो इन कली मरिम्‍शो पाइ‍नुङ। गो इन कली श्‍येत गे‍नुङ। मोपतीके गे इन मरिम्‍शो लां रे लेतीन। मिनु इन लां नु इन पतीके रिम्‍शो सेलीन’ देंनो। येरमीया ७:३

येरमीया 25:5

मेकोमी “गे नेल्‍ल इन मरिम्‍शो पशो नु परमप्रभु यावे आ अरेशो मटितीके रे लेतीन। मिनु परमप्रभु यावेम इन कली नु इन किकी पिपी आन कली गेना हना यो कली गेशो रागीम बाक्‍चा ताइनीनी। येरमीया ७:३

येरमीया 26:3

मिनु मेको नेंशा, मेको नेल्‍ल आन मरिम्‍शो लां रे लेत्‍नीमी, कों? मिनु मेको आन मरिम्‍शो पशो आ पर्बम मेको आन कली ठेयब श्‍येत चाक्‍तीक रे आं थुं फाइक्‍नुङा, कों? गो मेको आन तार चाक्‍चशो खतम दुम्‍तीक मचाक्‍नुङा, कों? येरमीया १८:८; येरमीया ३६:३

येरमीया 36:3

मो दुम्‍मेनु, गो मेको आन कली गे‍चशो ठेयब श्‍येत दुम्‍तीके आ पर्बम यहूदा ङा मुरपुकीम तुइश्‍शा, आन मरिम्‍शो पतीके रे लेत्‍नीमी कों? मिनु गो मेको आन मरिम्‍शो पशो नु आन पाप पशो क्‍याम्‍शा गेनुङमी” देंत। येरमीया २६:३

इजीकीएल 33:11

मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्‍शो खोदेंशो पा आं अरेशो लोव़ मटीब मुर बेक्‍मानु मग्‍येरसीनुङ। तन्‍न मेकोपुकीम आं अरेशो लोव़ टिशा ब्रोंइमल। गे इन मरिम्‍शो लां रे लेतीन। ए इस्राएल आ खिं ङा मुरपुकी, गे मारदे बेक्‍चा दाक्‍नीनी? ब्‍यवस्‍था ३२:४०; यसैया ५५:७; योएल २:१२-१३

दानीएल 4:27

हजुर पिप, मोपतीके आं गेशो अर्ती इन कली दुम्‍ल। इन पाप कली ठीक पतीकेमी क्‍याम्‍दीन। मिनु इन मरिम्‍शो पशो, श्‍येत जाइब आन कली शिशी पतीकेमी क्‍याम्‍दीन। मो पाइतीनी हना, इन रिम्‍शो बाक्‍तीक शुश नाक्‍त सम्‍म लीब” देंत। हितोपदेस १९:१७; मत्ती ५:७

योएल 1:14

मिनु माइजा बाक्‍चा कली मुर आन कली खुप्‍तीन। परमप्रभु यावे आ खिंम रागीम बाक्‍ब मुर नेल्‍ल बुक्‍शा, खाल्‍पा आन कली ब्रेत्‍तीन। गे खाल्‍पा नु मुर आन कली परमप्रभु यावे, इन परमप्रभु आ खिंम पुक्‍कीन। मिनु परमप्रभु यावे कली ठेयब सेंदा पा ‘वारच पाइक्‍की’ दे पुनीन” देंत। भजन संग्रह १०४:१०,११; योएल २:१५

योना 1:14

मिनु मेकोपुकीमी परमप्रभु यावे कली “परमप्रभु यावे, एको मुर आ पर्बम गोपुकी बेक्‍चा ममाल्‍कल। एको मुर आ दोस मतकल। मारदे हना परमप्रभु यावे, इन दाक्‍शो यो मोदेंशोन बाक्‍त” देंमा बाक्‍त।

योना 1:6

मिनु डोंगा चलेबमी योना आ इप्‍तीकेम लशा “गिश ङा इमे। बोक्‍को, इ परमप्रभु कली थोवो। मेको परमप्रभु इं कली खतम दुम्‍चा रे प्रोंइबा, कों” देंमाक्‍त।

मत्ती 3:8

परमप्रभु यावे गे इन थुं लेश्‍शो तचा ङा पा फल सिप्‍पा कोंइदीने।

प्रेरित 26:20

दमस्‍कसमी जाक्‍दीश्‍शा, लोव़ शेंचा गोव़ता। मिनु यरूसलेममी, यहूदीया रागी हिरशा गाक्‍ती। अर्को रागी ङा मुर आन रागी रागी हिरशा गाक्‍ती। मोपा गाक्‍ङानु, मुर आन कली ‘पाप पचा प्रोंइशा, इन थुं परमप्रभु यावे गे हिरदीने। मिनु परमप्रभु कली शिरशो गेय पा इन थुं थमा पा हिरशो बाक्‍त, दे कोंइदीने’ दे शेंना शेंन गाक्‍ती।

प्रेरित 3:19

मुल चहिं इन थुं परमप्रभु यावे गे लेश्‍शा, ख्रीस्‍त कली थमा सुतीन। मिनु मेकोमी इन पाप क्‍याम्‍ब। प्रेरित २:३८

प्रकाश 11:3

मिनु नोले गो परमप्रभु यावेमी आ सांकछी निक्‍शी आस कली मार लोव़ पशो नेंता देंशा हना “गे आं लोव़ पाइब दुम्‍नीसी। गो इस कली आं लोव़ पचा कली सक्ति गेनुङ। गे निक्‍शीमी अरन्‍डी फेक्‍शा, हजार का सहे निक्‍शी ६० नाक्‍त सम्‍म आं लोव़ पाइनीसी” दे परमप्रभु यावेमी आ सांकछी निक्‍शी आस कली लोव़ पशो नेंता। प्रकाश १२:६