योना 2:9 - Sunuwar Bible

⁹ गो चहिं ‘गे रिम्‍शो पाइब बाक्‍नीनी’ देंशा, इन कली ठेयब सेल्‍नुङ। गो इन कली देंशो लोव़ खाप्‍नुङ। परमप्रभु यावे, गे मुर आन कली श्‍येत रे प्रोंइब बाक्‍नीनी” दे लोव़ पवा बाक्‍त। भजन संग्रह ५०:१४; भजन संग्रह ११६:१७-१८

योना 2:9 ပူးပေါင်းရင်းမြစ်များ

उत्पत्ती 35:3

मिनु बोक्‍य, बेथेल लय। गो मेकेर जाक्‍दीश्‍शा, परमप्रभु कली चढ़ेतीक का सेल्‍नुङ। गो श्‍येत जङानु, आं पुंइशो गेप्‍तु। गो ते गाक्‍ती हना यो, मेको गो नु बाक्‍त” दे माइक्‍मी बाक्‍त।

२ सामुएल 15:7

मिनु ४ बर्स नोले अब्‍सालोमम पिप कली “गे आं कली हेब्रोन लचा गेयीनी। गो परमप्रभु यावे कली पशो कबल खाप्‍चा दाक्‍नुङ।

अय्‍युब 22:27

गे मेको कली पुंइनीनु, मेकोमी इन पुंइशो नेंब। मिनु गे इन जशो कसम खाप्‍नीनी। भजन संग्रह ५०:१४-१५

भजन संग्रह 107:22

मेकोपुकीमी “गे रिम्‍शो पाइब बाक्‍नीनी” दे चढ़ेमेक्‍ल। मिनु परमप्रभु आ पशो नेल्‍ल ग्‍येरशा कुम्‍सो पा शेंदमेक्‍ल।

भजन संग्रह 27:1

परमप्रभु यावे आं छेङछेङ नु आं कली श्‍येत रे प्रोंइब बाक्‍ब। गो सु नु हिंचा माल्‍नुङा ङा? परमप्रभु यावे आं ब्रोंइतीक सक्ति नु आं ख्रुइक्‍तीक बाक्‍ब। आं कली सुम हिंच कोंइने चाप्‍बा ङा? मीका ७:८; भजन संग्रह ५६:५

भजन संग्रह 3:8

परमप्रभु यावे, गे मुर आन कली प्रोंइब बाक्‍नीनी। इन आसीक इन मुर नु बाक्‍ब। ठेयब सेंदा पा।

भजन संग्रह 50:14

गे आं कली ‘गे रिम्‍शो पाइब बाक्‍नीनी’ देनीन। मिनु नेल्‍ल क्‍येङा ठेयब, आं कली इन कसम जशो खपीन। योना २:१०

भजन संग्रह 50:23

सु सुमी ‘गे रिम्‍शो पाइब बाक्‍नीनी’ देंनीमी, मेकोपुकीमी आं कली ठेयब सेल्‍नीम। मिनु गो मेको आन कली लां सेल्‍नुङ। गो मेको आन कली आं पाप रे प्रोंइतीके कोंइनुङमी” दे परमप्रभुमी देंत।

भजन संग्रह 68:20

आंइ परमप्रभु श्‍येत रे प्रोंइब बाक्‍ब। मिनु परमप्रभु यावेमी बेक्‍चा रे प्रोंइ‍ब।

भजन संग्रह 95:2

“गे रिम्‍शो पाइब बाक्‍नीनी” देंना देंन, मेको आ ङोंइती लय। कुम्‍सो पा मेको कली ठेयब सेल्‍य।

यसैया 45:17

तन्‍न परमप्रभु यावेमी इस्राएल कली श्‍येत रे प्रोंइब। मेको गेना हना यो लीब श्‍येत रे प्रोंइतीकेमी बाक्‍ब। गे गेना हना यो मुने मदोक्‍थु, इन कुल मकिक्‍पाइक्‍नीनी।

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१

होसे 14:2

परमप्रभु आ लोव़ मेको कली देंशा, परमप्रभु यावे गे लेतीन। मिनु गेपुकीमी मेको कली “आंइ पाप नेल्‍ल क्‍याम्‍दीने! आंइ कली शिशी पा ब्रने। गो इन नें ठेयब सेल्‍नीकी। हिब्रू १३:१५

यूहन्‍ना 4:22

गे परमप्रभु यावे कली मतुइक्‍थु ठेयब सेल्‍नीनी। गो चहिं परमप्रभु यावे कली तुइश्‍शा ठेयब सेल्‍नीकी। मारदे हना पाप रे प्रोंइब यहूदी आन दाते रे जाक्‍ब। २राजा १७:२९-४१; यसैया २:३

प्रेरित 4:12

मुर आन कली श्‍येत नु पाप रे प्रोंइब येसु ख्रीस्‍त का ला बाक्‍ब। परमप्रभुमी येसु ख्रीस्‍त कली अधिकार गेशा, मुर नेल्‍ल आन क्‍येङा ठेयब सेल्‍तु। मिनु आ नेंमी ला ब्रोंइचा तांइसीब, दे तुइक्‍तीने” दे माइक्‍मी बाक्‍त। प्रेरित १०:४३; मत्ती १:२१

रोमी 12:1

आं लोक्‍बपुकी, इन कली मुल यो शुश शेंचा दाक्‍ताक्‍ङ। परमप्रभु यावेमी इन कली शिशी पा आ मुर सेल्‍तु। मोपतीके आ मुर दुम्‍शा, इन रां, थुं, गिंम नेल्‍ल, सेसीन परमप्रभु यावे आ दाक्‍शो चढ़ेतीक खोदेंशो पा जिम्‍मा गेंसीन। मेको इन परमप्रभु यावे कली रिम्‍शो पशो गेय बाक्‍ब। रोमी ६:१३

ब्‍यवस्‍था 23:18

वोंइश मुर, मीश मुर तेल्‍लेम पशो क्‍येट परमप्रभु यावे, इन परमप्रभु आ खिंम कबल खाप्‍चा कली चाक्‍चा मदुम्‍ब। मारदे हना मेको परमप्रभु यावे, इन परमप्रभु कली ग्रांग्रा बाक्‍ब। प्रकाश २२:१५

हिब्रू 13:15

येसु रे पा परमप्रभु यावे कली मान पा ठेयब सेल्‍ना सेल्‍न बाक्‍य। मेको यो इं शोव़ ङा भेटी बाक्‍ब। भजन संग्रह ५०: १४,२३; होसे १४:३

प्रकाश 7:10

मिनु मेकोपुकीमी परमप्रभु यावे नु पाठा आस कली “मेको ठेयब नित्‍तीकेमी निप्‍ब आंइ परमप्रभु यावे नु पाठामी ला पाप रे प्रोंइने चाप्‍नीस” दे ठेयब सेंदामी ग्रीतेक्‍म।

१ सामुएल 12:21

मो मपाइतीनी हना, गे शोर गाक्‍शो दुम्‍नीनी। मेकोम इन कली वारच मपाइब। श्‍येत रे यो मप्रोंइब। ब्‍यवस्‍था ३२:३७-३८; यसैया ४१:२९