योना 2:6 - Sunuwar Bible

⁶ मिनु गो समुन्‍द्र आगा क्‍येङा यो लुक्‍च ग्रुम्‍ती। गो गेनायो मग्रूचा ङा पा ग्रुम्‍ती। तन्‍न परमप्रभु यावे, आं परमप्रभु गे आं कली बेक्‍चा रे प्रोंइतीनी। भजन संग्रह १०३:४

योना 2:6 ပူးပေါင်းရင်းမြစ်များ

अय्‍युब 33:24

मिनु मेकोमी मुर कली शिशी पा ‘मेको मुर कली बेक्‍चा रे प्रोनीन। मेको कली प्रोंइतीक थोव़क गो नु बाक्‍ब’ देंत हना, भजन संग्रह ४९:८-११

अय्‍युब 33:28

मेकोमी आं सोक्‍त कली बेक्‍तीक रे प्रोंइतु। मिनु गो छेङछेङ तचा कली ब्रोंइती’ देंब।

भजन संग्रह 104:6

गे मेको कली वा बुद पा ब्‍वाक्‍कुमी सुम्‍तीनी। मिनु ब्‍वाक्‍कु डांडा तार सम्‍म जाक्‍दीश्‍शो बाक्‍त।

भजन संग्रह 104:8

मेको ब्‍वाक्‍कु डांडा ग्‍येत्‍थ बार‍शा, दिंम मेर शाइक्‍ब। मिनु इन देंशो बाक्‍तीके सम्‍म लाइनीम।

भजन संग्रह 116:3

गो बेक्‍चा चिक्‍शो बाक्‍ती। हेररा तुरसुम लाइक्‍चा पुंइसीशो बाक्‍ती। सुर्ता पतीके नु हिंतीके थुंम सुम्‍शो बाक्‍ती।

भजन संग्रह 143:7

परमप्रभु यावे, गे आं कली रीब पा लोव़ लेत्‍तीनी। आं थुं लुक्‍च लशो बाक्‍ब। इन कुल आं क्‍येङा मख्रुइक्‍तीन। मो दुम्‍त हना, गो बेक्‍शो मुर आन बाक्‍तीक लाइब मुर खोदेंशो दुम्‍नुङ।

भजन संग्रह 16:10

मारदे हना गे आं कली बेक्‍चा मगेनीनी। इन योव़शो कली राक्‍चा मगेनीनी। प्रेरित १३:३५

भजन संग्रह 18:5

थमा पा साइक्‍चा पुंइसीब दुम्‍ती। साइक्‍बमी आं कली ब्‍वारदम खोदेंशो पा रुक्‍ताक्‍यी।

भजन संग्रह 30:3

परमप्रभु यावे, गे आं कली बेक्‍शो मुर आन बाक्‍तीक रे ग्रुंइताक्‍यीनी। बेक्‍शो मुर आन दातेमी आं कली ब्रोंइतीक सोक्‍त गेशा, प्रोंइतीनी। भजन संग्रह ११६:३,४, ७-९

भजन संग्रह 30:9

गो बेक्‍ङानु, इन कली मार रिम्‍शो दुम्‍बा ङा? फुरकुमी इन कली ठेयब सेल्‍बा ङा? मार, इन दाक्‍शा गेनायो मप्रोंइतीक आ पर्बम शेंबा ङा? भजन संग्रह ६:६

भजन संग्रह 55:23

तन्‍न परमप्रभु, गे मरिम्‍शो पाइब आन कली खतम दुम्‍तीकेमी ताइक्‍नीनी। हुश ख्राक्‍श पोक्‍ब नु जोल पाइब आन ब्रोंइतीक नाक्‍त उइक्‍थ यो मब्रोंइनीम। तन्‍न गो इन कली थमा सुइश्‍शा बाक्‍नुङ। भजन संग्रह १०२:२५

भजन संग्रह 65:6

गे इन सक्तिमी डांडा नेल्‍ल सेल्‍तीनी। गे ठेयब सक्ति पाइश्‍शो बाक्‍नीनी।

भजन संग्रह 69:2

गो थेक्‍‍तीक मबाक्‍शो हिलो आगाम ग्रुम्‍ना ग्रुम्‍न बाक्‍नुङ। शुश लुक्‍च लशो ब्‍वाक्‍कुमी ग्रुम्‍ना ग्रुम्‍न बाक्‍नुङ। आं एर ओंथ ब्‍वाक्‍कु ला बाक्‍ब।

यसैया 38:10

गो थम रिम्‍शो पा बाक्‍ना बाक्‍न, बेक्‍शो मुर आन बाक्‍तीके लचा माल्‍नुङ।

यसैया 38:17

एको श्‍येत थमा पा आं कली ब्रोंइचा कली बाक्‍त। गे आं कली दाक्‍शा, श्‍येत रे ग्रुंइताक्‍यीनी। मारदे हना गे आं पाप नेल्‍ल क्‍याम्‍ताक्‍नी। भजन संग्रह ३२:५; मीका ७:१८-१९

यसैया 40:12

सुमी ब्‍वाक्‍कु नेल्‍ल आ योलम पुक्‍गा? सुमी सरीङ बित्‍ताम थाप्‍ता? सुमी रागी ङा फुरक पुक्‍तीकेम पुक्‍गा? सुमी डांडा आन कली नाक्‍शा, पहाड आन कली नाक्‍तीक तारी वोदा?

इजीकीएल 26:20

गे इ कली बेक्‍शा लशो मुर नु साइ ङोंइती बेक्‍शो मुर आन बाक्‍तीके उइ तोक्‍नन। गो इ कली उइ ङा रागीम साइ ने‍सी ब्रेश्‍शो खिं आन दातेमी बाक्‍पाइक्‍नुङ। गे नरक लाइब नु बाक्‍नेवे। मिनु गे ब्रोंइशा बाक्‍ब आन बाक्‍तीकेम बाक्‍चा मताइनेवे। यसैया १४:११,१५; एफिसी ४:९; १पत्रुस ३:१९

इजीकीएल 31:14

मोदेंशो दुम्‍तीके ब्‍वाक्‍कु आ नेक्‍था वाशो रवा मेको मिश लाइश्‍शो पा मकोल्‍नीम। मिनु आन ङर गोस्‍स सम्‍म मजाक्‍दीत्‍नीम। मारदे हना मेको नेल्‍ल बेक्‍चा माल्‍नीम। नेल्‍ल मुर खोदेंशो पा बेक्‍चा माल्‍नीम। बेक्‍शो मुर आन बाक्‍तीके तुरसुम लाइनीम” देंत।

हबकुक 3:10

मिनु डांडापुकी इन कली तशा रोम्‍सीनीम। ठेयब रेउ यित। ठेयब समुन्‍द्र आ रेयके नेंसाक्‍व। भजन संग्रह ७७:१७

हबकुक 3:6

मेको गाक्‍‍शा नाइश्‍शा, रागी हिम्‍पाइक्‍तु। मेकोमी कोव़ङानु, रागी रागी ङा मुर आन कली ख्रिंख्रि पपाइक्‍तु। गेना हना यो बाक्‍ब डांडा ब्रेत्‍नीम। मेको गेना हना यो लीब पहाड नेल्‍ल यशो खोदेंशो पा दिंम दुम्‍तेक्‍म। मेकोमी साइ ङोंइती रे मोदेंशो पशो बाक्‍त। भजन संग्रह १०४:३२

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

ब्‍यवस्‍था 32:22

मारदे हना आं गाइक्‍चा मी खोदेंशो पा ब्रशो बाक्‍ब। रागी आगा सम्‍म ब्राइब। रागी नु मेकेर बाक्‍शो नेल्‍ले नेक्‍ब। मेकोमी डांडा आन जग नेल्‍ल नेक्‍ब।