योना 2:10 - Sunuwar Bible

¹⁰ मिनु परमप्रभु यावेमी ङांइ कली “योना कली ब्‍वाक्‍कु रे ग्रुंइशा रागीम तेवो” दे अरेवा बाक्‍त। मिनु ङांइमी मेको कली ब्‍वाक्‍कु रे ग्रुंइशा, रागीमी तेवा बाक्‍त।

योना 2:10 ပူးပေါင်းရင်းမြစ်များ

उत्पत्ती 1:11

मिनु परमप्रभुमी रागी ङा खप कली “घांस, फू नु रवापुकी दुम्‍मल। घांस नु फूपुकीम वांचेर बाक्‍मल। फल फुल सिप्‍ब रवापुकी वाशा, आंम आंम फल सिम्‍मल। मेको आन वांचेर चहिं आन फलपुकीम बाक्‍मल” देंमाक्‍त। मिनु मोदेंशो दुम्‍माक्‍त।

उत्पत्ती 1:14

मिनु परमप्रभुमी “नाक्‍ती नु नाक्‍दो फ्राचा कली सरीङमी छेङछेङ पा ब्राइबपुकी दुमीन। मेको ब्राइबपुकीम हिंउद नु बर्खा, नाक्‍ती नु बर्स कली फ्रातीक गेय पामेक्‍ल। ब्‍यवस्‍था ४:१९; भजन संग्रह ७४:१६; यसैया ४७:१३

उत्पत्ती 1:3

मिनु परमप्रभुमी “छेङछेङ दुमो” देंमेनु, छेङछेङ दुम्‍माक्‍त। भजन संग्रह ३३:९; हिब्रू ११:३; यसैया ४५:७

उत्पत्ती 1:7

मोपा परमप्रभुमी सरीङ आगा ङा ब्‍वाक्‍कु नु सरीङ तारी ङा ब्‍वाक्‍कु फ्रादीम्‍सी बाक्‍त। मिनु ब्‍वाक्‍कु बुक्‍शा बाक्‍मा बाक्‍त। भजन संग्रह १९:२; भजन संग्रह १३६:६; भजन संग्रह १४८:४

उत्पत्ती 1:9

मिनु परमप्रभुमी “सरीङ आगा ङा ब्‍वाक्‍कु काथा दुमीन। सोव़शो रू ग्रूङो” देंमाक्‍त। मेको यो दुम्‍माक्‍त। अय्‍युब ३८:८-११; भजन संग्रह २४:२; २पत्रुस ३:५

भजन संग्रह 105:31

परमप्रभुमी लोव़ पवानु, आन रागी भुस्‍ना नु चुरमुमी ब्रीमा बाक्‍त।

भजन संग्रह 105:34

मेकोमी लोव़ पवानु, माले जाक्‍‍मा बाक्‍त। हिक्‍ने मचाप्‍चा ङा पा माले नु आन चाइक्‍ब शुश जाक्‍मा बाक्‍त।

भजन संग्रह 22:26

प्रुङग मुरपुकी जशा रूनीम। मिनु परमप्रभु यावे कली माल्‍बपुकीमी “परमप्रभु यावे ठेयब बाक्‍ब” देंनीम। गेपुकी गेना हना यो ब्रोंइशा बाक्‍चा ताइनीनी। भजन संग्रह ६९:३३

भजन संग्रह 33:9

मारदे हना परमप्रभुमी लोव़ पा मारेइ मारेइ दुम्‍शो बाक्‍त। मेकोमी अरेवानु, दुम्‍शो बाक्‍तेक्‍म। भजन संग्रह १४८:५

यसैया 38:20

परमप्रभु यावेमी आं कली श्‍येत रे प्रोंइब। मोपतीके गोपुकीमी तार पाइश्‍शो ताप्‍तीके ताप्‍शा कुम्‍सो पाइनीकी। गो ब्रोंइका सम्‍म मोदेंशो पाइनीकी। परमप्रभु यावे आ खिंमी कुम्‍सो पा ताप्‍शा बाक्‍नीकी, दे हिज्‍कीयाहमी ब्रेक्‍शो बाक्‍त।

यसैया 43:11

गो परमप्रभु यावे नङ। आं क्‍येङा लाक्‍शा पाप रे प्रोंइब मबाक्‍ब। यसैया ४५:२१; ब्‍यवस्‍था ३२:३९

यसैया 50:2

गो जाक्‍ङानु, मारदे सुइ मबाक्‍मा? गो ब्रेङङानु, मारदे सुइमी लोव़ मलेत्‍ता? आं गुइ इन कली पाप रे प्रोंइने मचाप्‍चा ङा दुम्‍शो बाक्‍मे? इन कली प्रोंइने चाप्‍तीक सक्ति गो नु मबाक्‍बा? गो हुइक्‍तुनु, समुन्‍द्र सोव़ब। खोलापुकी ब्‍वाक्‍कु मबाक्‍शो गोरशो रागी सेल्‍नुङ। ब्‍वाक्‍कु मबाक्‍तीके ङांइपुकी बेक्‍शा, राक्‍शा, रिना पाइनीम। यसैया ५९:१; गन्‍ती ११:२३; प्रस्‍थान १४:२१

होसे 13:4

मिनु “गो परमप्रभु यावे, इन परमप्रभु नङ। गो इन कली इजीप्‍त रागी रे ग्रुंइताक्‍ङ। गे गो आं ङा लाक्‍शा अरु परमप्रभु मतुइक्‍नीनी। मिनु गो आं ङा लाक्‍शा अरुमी पाप रे प्रोंइने मचाप्‍नीम।

होसे 14:3

अस्‍सुर ङा मुरपुकीमी आंइ कली प्रोंइने मचाप्‍नीम। गोपुकी लडाइ पथ शारा ङोइश्‍शा मगाक्‍नीकी। मिनु गो आंम सेल्‍शो थोव़क कली ‘इं परमप्रभु’ दे गेनायो मदेंनीकी। मारदे हना रोम रोइक्‍चपुकीमी इन शिशी ताइनीम” दे परमप्रभु कली देंनीन।

योना 1:17

मिनु परमप्रभु यावेमी योना कली दाक्‍पाइक्‍चा कली ठेयब ङांइ का सोइक्‍ता बाक्‍त। मेको ङांइमी योना कली ग्रु दाक्‍गानु, योना सां नाक्‍दो नाक्‍ती आ कोव़जीम बाक्‍माक्‍त। मत्ती १२:४०; मत्ती १६:४

योना 3:1

मिनु परमप्रभु यावेमी लेंशा योना कली लोव़ पवा बाक्‍त। योना १:२