योना 1:5 - Sunuwar Bible

⁵ मिनु डोंगाम गेय पाइबपुकी हिंशा, आन देवी देवता आन नें थि‍शा, ब्रेम्‍मा बाक्‍त। मिनु डोंगा सोपी पचा कली मेको आन बाक्‍शो मारेइ मारेइ समुन्‍द्रमी ताइक्‍तमे बाक्‍त। योना चहिं डोंगा आ आइदी तला लशा, इप्‍शो बाक्‍माक्‍त।

योना 1:5 ပူးပေါင်းရင်းမြစ်များ

१ राजा 18:26

मोपतीके मेको आन योव़शो ब्‍यफ लांइसीशा, क्‍योरशा चढ़ेशा, बाल आ नें थिशा सुनी रे नाक्‍त सम्‍म “ए बाल! आंइ कली लोव़ लेत्‍तीकी” दे ग्रीमा बाक्‍त। तन्‍न मेकेर मारेइ मदुम्‍माक्‍त। मारेइ सेंदा यो मनेंसे बाक्‍त। मिनु मेकोपुकी मेको आन सेल्‍शो चढ़ेतीक आ एर ओंथ प्रेक्‍ना प्रेक्‍न सिल पामे बाक्‍त।

अय्‍युब 2:4

मिनु सैतानम परमप्रभु यावे कली “कुशुल आ पा ङा कुशुल। मुरुम ब्रोंइचा कली आ मारेइ मारेइ मगेबा ङा?

भजन संग्रह 107:25

मिनु मेकोमी अरेशा, ठेयब फश गिवार पपाइक्‍तु। मिनु ठेयब समुन्‍द्र आ छाल पोक्‍तु।

भजन संग्रह 148:8

मी नु मुप्‍स, फुं नु फुरश नु फश गिवारमी आ देंशो टीनीम।

उपदेसक 3:6

माल्‍तीक ना बाक्‍ब। मिनु साम्‍तीक ना बाक्‍ब। वोइक्‍तीक ना बाक्‍ब। मिनु ताइक्‍तीक ना बाक्‍ब।

यसैया 45:20

मिनु परमप्रभु यावेमी “गे नेल्‍ल खुम्‍सीशा बुक्‍कीन। गे रागी रागी ङा लीशो मुर आं नेक्‍था जाक्‍कीन। शी के मूर्ति कुरबपुकी मारेइ मतुइक्‍ब बाक्‍नीमी। मेकोपुकीमी आन मूर्ति कली पुंइना पुंइन बाक्‍नीमी। तन्‍न मेकोपुकीमी श्येत रे प्रोंइने मचाप्‍नीम।

येरमीया 2:28

तन्‍न आंम इन सेल्‍शो देवी देवता ते लाक्‍गमे? मेकोपुकीमी इन कली प्रोंइने चाप्‍तेक्‍म हना, इन श्‍येत जची ना मेको आन कली जाक्‍प‍तीन। मारदे हना यहूदा, गे इ के गिश सहर बाक्‍मा, मिश देवी देवता बाक्‍नीम। ब्‍यवस्‍था ३२:३७-३८; न्‍यायाधीस १०:१४; येरमीया ११:१३

होसे 7:14

मेकोपुकीमी आन थुं नेल्‍लेमी आं कली मब्रेत्‍नीम। तन्‍न आन ब्राख्‍येमी रोंका पाइनीम। अन्‍न नु नक अङगुर शांबु आ पर्बम बुक्‍नीम। तन्‍न आं रे पा आन कुल हिरनीम।

योना 1:14

मिनु मेकोपुकीमी परमप्रभु यावे कली “परमप्रभु यावे, एको मुर आ पर्बम गोपुकी बेक्‍चा ममाल्‍कल। एको मुर आ दोस मतकल। मारदे हना परमप्रभु यावे, इन दाक्‍शो यो मोदेंशोन बाक्‍त” देंमा बाक्‍त।

योना 1:16

मिनु मेको मुरपुकी परमप्रभु यावे कली मान पा हिंशा, मेको कली चढ़ेशा “आ देंशो नेल्‍ल टीनीकी” दे परमप्रभु यावे कली कसम जामे बाक्‍त।

योना 1:6

मिनु डोंगा चलेबमी योना आ इप्‍तीकेम लशा “गिश ङा इमे। बोक्‍को, इ परमप्रभु कली थोवो। मेको परमप्रभु इं कली खतम दुम्‍चा रे प्रोंइबा, कों” देंमाक्‍त।

मत्ती 25:5

मिनु ग्‍युम्‍ले जाक्‍ची जाक्‍शा यो मजाक्‍मेनु, नेल्‍ल मुकु जिशा इप्‍नीम।

मत्ती 26:43

मिनु लेश्‍शा जाक्‍मेनु, निन्‍द्रामी दुक्‍शा बाक्‍शो तामी बाक्‍त।

मत्ती 26:45

मिनु लेश्‍शा, शेंसीब आन बाक्‍तीकेमी जाक्‍शा, मेको आन कली “इन दशो सानी, दे मुल यो इप्‍शो बाक्‍नी? तुइक्‍तीन, रागीम जरमेशो पापी आन गुइमी गेचा पुंइसीचा चिक्‍ताक्‍व।

प्रेरित 27:38

मिनु रूथ्री जशा, जहाजमी कुर पशो चेरब ताइक्‍ताक्‍म।

न्‍यायाधीस 16:19

मिनु देलीलाहमी सिम्‍सोन कली आ थुकुमी इप्‍पदा बाक्‍त। मिनु मुर का ब्रेश्‍शा, आ ७ ओटा लामा प्रेक्‍पदा बाक्‍त। मोपा देलीलाहमी सिम्‍सोन आ बोल जाम्‍पाइश्‍शा सक्ति मपाइश्‍शो सेला बाक्‍त।

१ सामुएल 24:3

मेको लांमी भेडा योव़बपुकी बाक्‍मा बाक्‍त। मेको आ नेक्‍था पुक्‍खी का यो बाक्‍माक्‍त। मिनु सावल मेको आगा ङाइक्‍चा कली ओव़माक्‍त। मेको पुक्‍खी आ नेल्‍ल क्‍येङा आगाम दाऊद नु आ मुरपुकी ख्रुइश्‍शा बाक्‍शो बाक्‍मा बाक्‍त।