योना 1:16 - Sunuwar Bible

¹⁶ मिनु मेको मुरपुकी परमप्रभु यावे कली मान पा हिंशा, मेको कली चढ़ेशा “आ देंशो नेल्‍ल टीनीकी” दे परमप्रभु यावे कली कसम जामे बाक्‍त।

योना 1:16 ပူးပေါင်းရင်းမြစ်များ

उत्पत्ती 28:20

मिनु याकूबमी “परमप्रभु गो नु बाक्‍त हना, लां कोंइशा कोव़ती हना, जचा नु फेक्‍चा यो गेती हना,

उत्पत्ती 8:20

मिनु नोले नोआहम परमप्रभु यावे कली चढ़ेतीक का सेला बाक्‍त। मिनु चढ़ेचा दुम्‍ब बस्‍तु नु चढ़ेचा दुम्‍ब चिक्‍ब नेल्‍ल लाइश्‍शा चोशा चढ़ेतीक चढ़ेवा बाक्‍त। उत्‍पत्ती ७:२

२ राजा 5:17

मिनु नामानमी “गे एको मताक्‍नीनी हना, इन गेय पाइब, आं कली भारी निक्‍शी गधाम कुरतीक खप लाइक्‍चा गेयीनी। मारदे हना मुल गो इन गेय पाइबम, परमप्रभु यावे कली ङा लाक्‍शा अरु तेकोइ देवी देवता आन कली चोशा चढ़ेतीक नु अरु चढ़ेतीक मचढ़ेनुङ।

अय्‍युब 37:24

मोपतीके मुरपुकीम मेको कली तशा मान पा हिंनीम। मिनु आन थुंम ‘गो जोक्‍ब तुइक्‍ब नङ’ दे मिम्‍ब आन कली ठेयब ममिम्‍ब” दे एलीहुम देंमाक्‍त।

भजन संग्रह 107:22

मेकोपुकीमी “गे रिम्‍शो पाइब बाक्‍नीनी” दे चढ़ेमेक्‍ल। मिनु परमप्रभु आ पशो नेल्‍ल ग्‍येरशा कुम्‍सो पा शेंदमेक्‍ल।

भजन संग्रह 116:14

गो परमप्रभु यावे आ ङोंइती मुर आन दातेमी आं जशो कसम खाप्‍नुङ।

भजन संग्रह 50:14

गे आं कली ‘गे रिम्‍शो पाइब बाक्‍नीनी’ देनीन। मिनु नेल्‍ल क्‍येङा ठेयब, आं कली इन कसम जशो खपीन। योना २:१०

उपदेसक 5:4

गे परमप्रभु आ ङोंइती कसम जनीनु, मेको खाप्‍चा कली देश मपने। परमप्रभु मूर्ख आन कली तशा मग्‍येरब। गे इन कसम जशो खाप्‍पीन। ब्‍यवस्‍था २३:२२; १सामुएल १:११,२८; भजन संग्रह ५०:१४

यसैया 26:9

गो नाक्‍दो इन कली शुश मिम्‍नुङ। गो आं थुंमी इन कली माल्‍ना माल्‍न बाक्‍नुङ। मारदे हना गे रागी ङा मुर आन कली निसाफ पाइतीनी हना, रागीम बाक्‍बपुकीमी ठीक पतीके शेंसीनीम। भजन संग्रह ६३:७

येरमीया 5:22

मार, गे आं कली मान पा हिंचा ममाल्‍नीनी ङा? गे आं ङोंइती ख्रिंख्रि मपाइनीनी? गो समुन्‍द्र आ सांद कली बाल्‍वा वोइक्‍ता। आ छाल बोक्‍तेक्‍म हना यो, मेको कली ख्राक्‍ने मचाप्‍नीम। मेकोपुकी शुश बोल पाम्‍तेक्‍म हना यो, मेको कली लाक्‍ने मचाप्‍नीम। ठेयब रेयके पाम्‍तेक्‍म हना यो, लाक्‍ने मचाप्‍नीम। बजन संग्रह १०४:९

दानीएल 6:26

आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।

योना 1:10

मिनु मेको मुरपुकी ङोंइती क्‍येङा हिंशा योना कली “गे मारदे ओपा प्रोक्‍ङे?” दे हिल्‍लो पामे बाक्‍त। मारदे हना योनामी मेको आन कली “गो परमप्रभु यावे आ ङोंइती रे प्रोक्‍ती” देंशो बाक्‍माक्‍त।

योना 1:14

मिनु मेकोपुकीमी परमप्रभु यावे कली “परमप्रभु यावे, एको मुर आ पर्बम गोपुकी बेक्‍चा ममाल्‍कल। एको मुर आ दोस मतकल। मारदे हना परमप्रभु यावे, इन दाक्‍शो यो मोदेंशोन बाक्‍त” देंमा बाक्‍त।

मर्कूस 4:31

वांचेर नेल्‍ल आन क्‍येङा आइक्‍च तोरी गेडा बाक्‍ब।

प्रेरित 5:11

मिनु थमा सुइश्‍शा बुक्‍‍बपुकी नु मेको लोव़ नेंब नेल्‍लेमी “मो देंशो हेंथे पा जोल पचा मदुम्‍बाक्‍माक्‍त” दे तुइश्‍शा, शुश हिंमा बाक्‍त।

न्‍यायाधीस 13:16

मिनु परमप्रभु यावे आ स्‍वर्ग ङा गेय पाइबमी “आं कली तेक्‍तीसी हना यो, गो इन क्‍येशो मजाइनुङ। तन्‍न गेमी चोशा चढ़ेतीक ठीक सेल्‍तीनी हना, परमप्रभु यावे कली चढ़ेवो” देंमाक्‍त। मानोआहमी मेको परमप्रभु यावे आ स्‍वर्ग ङा गेय पाइब बाक्‍ब, दे मतुइक्‍ता बाक्‍त।