योना 1:14 - Sunuwar Bible

¹⁴ मिनु मेकोपुकीमी परमप्रभु यावे कली “परमप्रभु यावे, एको मुर आ पर्बम गोपुकी बेक्‍चा ममाल्‍कल। एको मुर आ दोस मतकल। मारदे हना परमप्रभु यावे, इन दाक्‍शो यो मोदेंशोन बाक्‍त” देंमा बाक्‍त।

योना 1:14 ပူးပေါင်းရင်းမြစ်များ

उत्पत्ती 9:6

सु सुमी मुर साइश्‍शा हुश जारबा, मेको यो मोपान साइश्‍शा, हुश जारचा पुंइसीब। मारदे हना गो मुर कली आं खोदेंशो पा सेल्‍ता। प्रस्‍थान २१:१२; लेवी २४:१७; गन्‍ती ३५:३३; मत्ती २६:५२; रोमी १३:४; प्रकाश १३:१०

भजन संग्रह 107:28

मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।

भजन संग्रह 115:3

आंइ परमप्रभु स्‍वर्गम बाक्‍ब। मेकोमी मार दाक्‍ता, मेको पाइब।

भजन संग्रह 135:6

परमप्रभु यावेमी सरीङ, रागी, समुन्‍द्र नु समुन्‍द्र आ आगामी मार दाक्‍बा, मेको पाइब।

यसैया 26:16

परमप्रभु यावे, मेको मुरपुकीमी श्‍येत जशा, इन कली माल्‍तेक्‍म। इन गेशो सजाइ तशा, आइक्‍च सेंदाम इन कली पुंइतेक्‍म। होसे ५:१५

योना 1:13

मिनु मेको मुरपुकीमी लेंशा डोंगा रागीम चाक्‍चा कली शुश खीयेमे बाक्‍त। तन्‍न मचाप्‍मे बाक्‍त। मारदे हना फश गिवार शुश बारशो बाक्‍माक्‍त।

योना 1:16

मिनु मेको मुरपुकी परमप्रभु यावे कली मान पा हिंशा, मेको कली चढ़ेशा “आ देंशो नेल्‍ल टीनीकी” दे परमप्रभु यावे कली कसम जामे बाक्‍त।

योना 1:5

मिनु डोंगाम गेय पाइबपुकी हिंशा, आन देवी देवता आन नें थि‍शा, ब्रेम्‍मा बाक्‍त। मिनु डोंगा सोपी पचा कली मेको आन बाक्‍शो मारेइ मारेइ समुन्‍द्रमी ताइक्‍तमे बाक्‍त। योना चहिं डोंगा आ आइदी तला लशा, इप्‍शो बाक्‍माक्‍त।

योना 3:8

मुरपुकीम अरन्‍डी सुम्‍सीशा, बी ब्‍यफ, क्‍यारश भेडा यो सुम्‍चा माल्‍नीम। मिनु मेकोपुकीमी परमप्रभु कली ठेयब सेंदाम पुंइचा माल्‍नीम। मिनु नेल्‍ल आन मरिम्‍शो लां नु आन मरिम्‍शो पशो रे लेत्‍चा माल्‍नीम।

मत्ती 11:26

आं आफ, गे मोदेंशो पचा दाक्‍ताक्‍नी।

प्रेरित 28:4

टापुमी बाक्‍बपुकीमी पावल आ गुइ बुस्‍सुम गिल्‍शो तशा “एको मुर मुर साइक्‍ब बाक्‍माक्‍त। समुन्‍द्रमी फश गिवार पा ग्रुम्‍शा हेररा बेक्‍शा यो ब्रोंइशा, रागीमी ग्रूशा यो बुस्‍सुमी कोक्‍शा बेक्‍ब दुम्‍त” देंमुम्‍तेक्‍म।

एफिसी 1:11

परमप्रभु यावेमी ख्रीस्‍त रे पा आ आल सेल्‍शा, इं कली योव़तु। मारदे हना ङोंइती रे योव़नुङमी, दे मिम्‍शो बाक्‍माक्‍त। मेकोन पाप्‍तु। कलस्‍सी १:१२

एफिसी 1:9

परमप्रभु यावेमी इं कली ङोंइती ख्रीस्‍त रे आ थुंमी ख्रुइश्‍शा वोइश्‍शो लोव़ तुइक्‍पाइक्‍चा दाक्‍ताक्‍व।

ब्‍यवस्‍था 21:8

मोपतीके परमप्रभु यावे इन श्‍येत रे प्रोंइशो इन मुर इस्राएली आंइ पाप क्‍याम्‍दीन। इन मुर इस्राएली आन दातेमी एको दोस मतशो मुर कली पोक्‍शो हुश ख्राक्‍श आ पाप गो आंइ दा‍तेमी मलील” दे पुंइचा माल्‍नीम। मिनु मेको हुश ख्राक्‍श पोक्‍तीके पाप क्‍याम्‍सीब।