योना 1:12 - Sunuwar Bible

¹² मिनु योनामी “आं कली समुन्‍द्रमी ताइक्‍ताक्‍यीनी हना, फश गिवार नाइक्‍ब। एको फश गिवार आं पतीके पशो बाक्‍ब, दे गो तुइक्‍नुङ” देंमाक्‍त।

योना 1:12 ပူးပေါင်းရင်းမြစ်များ

२ सामुएल 24:17

मिनु दाऊदमी मेको मुर आन कली साइक्‍ब परमप्रभु आ आ स्‍वर्ग ङा गेय पाइ‍ब कली तवा बाक्‍त। मिनु मेकोमी परमप्रभु यावे कली “पाप पाइब, गो आं का ला नङ। इन अरेशो लोव़ मटीब यो गो नङ। तन्‍न एको मुर मार पामे ङा? गे आं कली नु आं खिं ङा मुर आन कली श्‍येत गेने” देंमाक्‍त। गन्‍ती १६:२२

१ इतिहास 21:17

मिनु दाऊदम परमप्रभु कली “मुर आन कली हिक्‍चा कली गो कका अरेतामी। गो कका पाप पा काइ मरिम्‍शो पाता। तन्‍न एको भेडापुकीम मार पामे ङा? परमप्रभु यावे, आं परमप्रभु, इन गेचा ङा श्‍येत आं कली नु आं आफ आ खिं कली दुम्‍ल। तन्‍न इन मुर आन कली मोदेंशो श्‍येत मगेन” देंमाक्‍त।

अय्‍युब 35:8

इन परमप्रभु यावे आ अरेशो मटितीके इन कली श्‍येत दुम्‍शो खोदेंशो पा अरु मुर आन कली यो श्‍येत दुम्‍ब। मिनु इन ठीक पतीके रिम्‍शो दुम्‍शो खोदेंशो पा अरु आन कली यो रिम्‍शो दुम्‍ब।

उपदेसक 9:18

लडाइ पतीक या क्‍येङा जोक्‍तीक तुइक्‍तीक रिम्‍शो बाक्‍ब। तन्‍न पाप पाइब कामी शुश रिम्‍शो गेय आन कली खतम सेल्‍ब।

योना 1:11

मिनु मेकोपुकीमी योना कली “फश गिवार नाइक्‍पाइक्‍चा कली मार पचा माल्‍नीकी?” दे हिल्‍लो पामे बाक्‍त। मारदे हना फश गिवार पतीके ब्‍वाक्‍कु बारना बारन लमाक्‍त।

योना 1:13

मिनु मेको मुरपुकीमी लेंशा डोंगा रागीम चाक्‍चा कली शुश खीयेमे बाक्‍त। तन्‍न मचाप्‍मे बाक्‍त। मारदे हना फश गिवार शुश बारशो बाक्‍माक्‍त।

यूहन्‍ना 11:50

मिनु मेकोमी “गे मारेइ मतुइक्‍नीनी। गो नेल्‍ल रागी खतम दुम्‍चा क्‍येङा, मुर का कली साइक्‍चा रिम्‍शो बाक्‍ब” देंमाक्‍त। यूहन्‍ना १८:१४

प्रेरित 27:24

मेकोमी ‘पावल, महिनो। गे सिजर पिप आ ङोंइती राप्‍चा माल्‍‍नेवे। ब्‍वाक्‍कुम ग्रुम्‍शा मबेक्‍नेवे। परमप्रभु यावेमी गे नु बाक्‍ब नेल्‍ल यो मबेक्‍थु, इन कली गेप्‍तु’ दे माइक्‍ती। प्रेरित २३:११

यहोसु 7:12

मोपतीके इस्राएली आन जोरी सत्रु आन कली तशा, प्रोक्‍नीम। मारदे हना मेकोपुकी यो खतम सेल्‍चा माल्‍शो दुम्‍शो बाक्‍नीम। मेको आन खतम सेल्‍चा माल्‍शो ख्रुइश्‍शो थोव़क इन दाते रे मग्रुंइताक्‍नी हना, गो गे नु मबाक्‍नुङ।