योएल 3:8 - Sunuwar Bible

⁸ मुल गो इन तमी तौ आन कली यहूदा ङा मुर आन कली लेयनुङमी। मिनु मेकोपुकीमी मेको आन कली ङोन साबा रागी ङा मुर आन कली लेयनीम” दे परमप्रभु यावेमी देंशो बाक्‍ब।

योएल 3:8 ပူးပေါင်းရင်းမြစ်များ

अय्‍युब 1:15

साबा रागी ङा मुरपुकी जाक्‍शा, गोठला आन कली लडाइ तोशा साइक्‍तेक्‍म। मिनु मेको मारेइ मारेइ योल्‍ताक्‍म। इन कली एको लोव़ शोव़चा कली गो का ला ब्रोंइती” देंमाक्‍त।

भजन संग्रह 72:10

टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। यसैया ६०:९; भजन संग्रह ६८:३०; १राजा १०:१-२

यसैया 60:14

इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२

येरमीया 30:16

मोपतीके गे इ कली दाक्‍ब नेल्‍ल दाक्‍चा पुंइसीनीम। इ जोरी सत्रु नेल्‍ल ग्‍याइश्‍शा लाइक्‍चा पुंइसीनीम। इ कली रोइक्‍बपुकी रोइक्‍चा पुंइसीनीम। इ कली खतम पोक्‍ब आन कली गो खतम पोक्‍नुङमी। यसैया ३३:१; इजीकीएल ३९:१०

येरमीया 6:20

गो शेबा रे चाक्‍शो धूप ममाल्‍नुङ। ङोन रागी रे चाक्‍शो बिक्‍च यो ममाल्‍नुङ। गो इन चोशा चढ़ेशो मब्राइ‍नुङ। गो इन क्‍योरशा चढ़ेशोम मग्‍येरनुङ” देंत। भजन संग्रह ४०:७; यसैया १:११-१५

इजीकीएल 23:42

मिनु सहरम ठेयब ग्‍येरसीशो रेयके दुम्‍त। मिनु गोरशो रागी रे चाक्‍शो दुक्‍शो मुरपुकीमी मेकेर ङा मीश मुर आन कली चुरा लिक्‍ताक्‍म। मिनु आन पियाम दारशो सुन फू चुइक्‍‍ताक्‍म।

इजीकीएल 38:13

शेबा नु देदान, टारशीश ङा ग्‍याप्‍ब लेयबपुकी नु मेको आन ठिटा लडाइ पाइब नेल्‍लेम इ कली ‘मार, गे रोइक्‍थ जाक्‍शो नवे? मार गे रोइश्‍शो मार मार तचा कली, सुन चांदी लाइक्‍चा कली, बी ब्‍यफ, क्‍यारश भेडा नु शुश मार मार रोइक्‍चा कली, जाक्‍नी?’ ” देंशो बाक्‍नीम।

ब्‍यवस्‍था 32:30

मेको आन सेरथे फुल्‍लुम मेको आन कली लेयने थुम्‍शो बाक्‍ब। परमप्रभु यावेमी मेको आन कली प्रोंइने थुम्‍शो बाक्‍ब। मोपतीके मुर कामी हजार का आन कली खेदा पाप्‍तु। मुर निक्‍शीमी १० हजार आन कली खेदा पने चाप्‍नीसी। लेवी २६:३६-३७; यसैया ३०:१७

न्‍यायाधीस 2:14

मिनु परमप्रभु यावेमी इस्राएली आन पर्बम गाइश्‍शा, मेको आन कली रोइक्‍ब आन गुइमी गेमी बाक्‍त। मिनु मेकोपुकीमी मेको आन मारेइ मारेइ रोइक्‍तमे बाक्‍त। मिनु मेकोमी मेको आन कली आन नेक्‍था बाक्‍ब जोरी सत्रु आन हुकुममी बाक्‍चा गेमे बाक्‍त।। मोपा इस्राएलीपुकीमी आन जोरी सत्रु आन कली ग्राने मचाप्‍बमे बाक्‍त।

न्‍यायाधीस 4:2

मोपतीके परमप्रभु यावेमी मेको आन कली हासोरमी सासन पाइब कनानी आन पिप याबीन आ गुइमी गेवा बाक्‍त। मेको आ लडाइ पाइब आन ठेयब मुर सीसेरा माइश्‍शो बाक्‍माक्‍त। मेको हरोशेथ-हा-गोयीममी बाक्‍माक्‍त। यहोसु ११:२

न्‍यायाधीस 4:9

मिनु देबोरामी “थमा पा, गो गे नु लाइनुङ। तन्‍न एको ठेयब गेय आ ततीक मान गे मताइनेवे। मारदे हना परमप्रभु यावेमी सीसेरा कली मीश मुर का आ गुइमी गेशो बाक्‍ब” देंमाक्‍त। मिनु देबोरा बोक्‍शा ङा मिन बाराक नु केदेश सहरमी लमाक्‍त।