योएल 3:4 - Sunuwar Bible

⁴ टायर, सीदोन नु पलिस्‍ती आन रागी ङा मुरपुकी आं कली मार पाइ‍नीनी ङा? मार, आं पशो आ पर्बम आं कली क्‍येक्‍क लेत्‍नीनी? गेपुकीमी आं कली क्‍येक्‍क लेत्‍ताक्‍नी हना, गो मेको रीब पा इन पिया तार मोइक्‍नुङ।

योएल 3:4 ပူးပေါင်းရင်းမြစ်များ

२ इतिहास 21:16

मिनु मेको नोले परमप्रभु यावेमी येहोराम नु लडाइ पपाइक्‍चा कली पलिस्‍ती नु एथीयोपीया आ नेक्‍था बाक्‍ब अराबी आन कली क्‍युक्‍मी बाक्‍त।

यसैया 14:29

“ए पलिस्‍तीपुकी, इन कली तुप्‍ब कोक्‍के जिक्‍त, दे मग्‍येरसीन। मारदे हना बुस्‍स आ चच युइ रे बीस पाइश्‍शो बुस्‍स का ग्रूब। मेको रे बीस पाइश्‍शो बेरब बुस्‍स का ग्रूब।

यसैया 34:8

काबु परमप्रभु यावे आ क्‍येक्‍क लेत्‍तीक नाक्‍त बाक्‍ब। सियोन आ पर्बम ठीक सेल्‍चा कली क्‍येक्‍क लेत्‍तीक बर्स का बाक्‍ब। यसैया ६३:४

यसैया 59:18

परमप्रभुमी मेको आन पशो खोदेंशो पा मेको आन कली क्‍येक्‍क लेप्‍ब। आ जोरी आन कली आ गाइश्‍शो कोंइब। आ सत्रु आन कली क्‍येक्‍क लेप्‍ब। समुन्‍द्र आ नेक्‍था बाक्‍ब आन कली क्‍येक्‍क लेप्‍ब।

येरमीया 47:1

फाराओमी गाजा कली लडाइ तोचा क्‍येङा ङोंइती, पलिस्‍ती आन पर्बम परमप्रभु यावेम आ लोव़ पाइब येरमीया कली लोव़ पाप्‍तु।

येरमीया 47:4

मारदे हना पलिस्‍ती नेल्‍ल आन कली खतम पोक्‍शा साइक्‍तीक नाक्‍ती जाक्‍शो बाक्‍ब। टायर नु सीदोन आस कली वारच पाइक्‍ने चाप्‍ब नेल्‍ल बेक्‍नीम। मारदे हना परमप्रभु यावेम पलिस्‍ती आन कली साइक्‍चा चिक्‍शो बाक्‍ब। काफ्‍‍तोर ङा टापु आ शुंइचीम रे जाक्‍शो लीशो नेल्‍ल आन कली साइक्‍चा चिक्‍शो बाक्‍ब। आमोस १:६-७; सेफन्‍याह २:४; जकरिया ९:५; यूहन्‍ना १:२२; येरमीया १६:६; येरमीया ४८:३७; आमोस ९:७

येरमीया 51:6

बेबीलोन आ दाते रे प्रोक्‍कीन। मुर नेल्‍ल आंम आंम गिंम प्रोंइचा कली प्रोक्‍कीन। मेको आ दोसम पतीकेम गे मबेक्‍कीन। मारदे हना मेको परमप्रभु यावे आ क्‍येक्‍क लेत्‍तीक नाक्‍ती बाक्‍ब। मेकोमी मेको कली आ तचा माल्‍शो सजाइ गेब। येरमीया ५०:८; प्रकाश १८:४

योएल 2:10

मिनु मेको आन ङोंइती रागीम ख्रिनु कुइब। सरीङ हिम्‍सीब। नां नु तास्‍ला छिङछिङ दुम्‍नीस। मिनु सोरुलमी आन हाम्‍सो मकोंइनीम। योएल ३:४; यसैया १३:१०

योएल 2:2

मेको नाक्‍ती छिङछिङ नु हिंचा ङा बाक्‍ब। मेको थम ठेयब गोस्‍स नु छिङछिङमी सुम्‍शो बाक्‍ब। मिनु ठेयब सक्ति पाइश्‍शो लडाइ पाइब आन हुलमी डांडा आन कली क्‍येर गोस्‍सुम सुम्‍शो खोदेंशो पा सुम्‍शो बाक्‍नीम। मेको मोदेंशो ङोंइती गेनायो मदुम्‍शो बाक्‍त। मिनु नोले ङा मुर आन पालाम यो मोदेंशो गेनायो मदुम्‍ब। योएल १:६; प्रस्‍थान १०:१३-१५

मत्ती 11:21

“ए खोराजीन, ए बेथसैदा, गेमी तशो छक लाक्‍चा ङा गेय नु चिन्‍ड टायर नु सीदोन ङा मुरपुकीमी तशो नम हना, साइ कना भाङरा फेक्‍शा, पुलु ख्रेक्‍सीशा, आन थुं परमप्रभु यावे गे लेत्‍तेम वा। जोना ३:६

मत्ती 11:22

निसाफ पची नाक्‍त गेपुकी टायर नु सीदोन ङा मुर आन क्‍येङा शुश सजाइ ताइनीनी, दे इन कली देंनुङ। ।

लूका 10:13

ए खोराजीन, ए बेथसैदा, इन तशो चिन्‍ड नु छक लाक्‍चा ङा गेय टायर नु सीदोन ङा मुरपुकीमी तशो नम हना, भाङरा फेक्‍शा, पुलुम निश्‍शा आन थुं परमप्रभु यावे गे लेत्‍तेम वा।

लूका 10:14

ठेयब निसाफ पची नाक्‍ती टायर नु सीदोन ङा मुर आन क्‍येङा गे शुश सजाइ ताइनीनी।

लूका 18:7

मारदे हना निसाफ पाइब आ पशो खोदेंशो पा परमप्रभु यावेमी आ योव़शो आन कली आन पुंइशो मगेबा ङा? मेकोपुकीमी नाक्‍त किंत किंत पुंइचा मप्रोंइथु बाक्‍नीम। मुल मगेप्‍तु हना, काबु ङा काबु गेब। मिनु ग्रापाइक्‍ब।

प्रेरित 9:4

मोपा छेङछेङ तवानु, दिङ गोल्‍माक्‍त। मिनु “सावल, सावल, गे मारदे आं कली खेदा पयी?” देंशो लोव़ नेंना बाक्‍त।

ब्‍यवस्‍था 32:35

सजाइ नु क्‍येक्‍क लेत्‍तीक आं के बाक्‍ब। मिनु ग्रेक्‍शा थित्‍तीक नाक्‍त नु आन बेक्‍तीक नाक्‍त जाक्‍चा चिक्‍शो बाक्‍ब। मेको आन खतम दुम्‍तीक नाक्‍त जाक्‍चा चिक्‍शो बाक्‍ब। भजन संग्रह ९४:१; रोमी १२:१९; हिब्रू १०:३०

२ थिस्‍सलोनिकी 1:6

परमप्रभु यावेमी थमा पा इन कली श्‍येत गेब आन कली क्‍येक्‍क लेप्‍ब। रोमी १२:१९; प्रकाश १८:६-७

न्‍यायाधीस 11:12

मिनु येफ्‍तामी अम्‍मोनी आन पिप कली “गे मारदे आंइ रागी कली लडाइ तोथ पीनीनी? गे नु आंइ दातेमी मार मरिम्‍शो बाक्‍बा?” दे हिल्‍लो पचा कली मुर सोइक्‍ता बाक्‍त।