योएल 3:16 - Sunuwar Bible

¹⁶ परमप्रभु यावेम सियोन रे ठेयब सेंदा पा लोव़ पाइब। यरूसलेम रे पा आ सेंदा नेंपाइक्‍ब। सरीङ नु रागी ख्रिंख्रि पाइनीस। तन्‍न परमप्रभु यावे आ मुर आन कली ख्रुइश्‍शा बाक्‍तीक नु इस्राएल ङा मुर आन कली बोल्‍यो ब्रोंइशा बाक्‍तीक दरवार दुम्‍ब। आमोस १:२

योएल 3:16 ပူးပေါင်းရင်းမြစ်များ

भजन संग्रह 18:2

परमप्रभु यावे आं सेरथे फुल्‍लु, आं बोल्‍यो दरवार नु आं जोरी सत्रु रे प्रोंइब बाक्‍ब। आं परमप्रभु, गे आं ख्रुइक्‍तीके सेरथे फुल्‍लु बाक्‍नीनी। परमप्रभु आं तेक्‍तीके नु आं कली ग्‍येरपाइक्‍ब, आं कली प्रोंइब नु आ बोल्‍यो दरवार बाक्‍ब। ब्‍यवस्‍था ३२:१८

भजन संग्रह 29:11

परमप्रभु यावेमी आ मुर आन कली सक्ति गेब। परमप्रभु यावेमी आ मुर आन कली आसीक गेशा, थुं नाइक्‍पाइक्‍ब।

भजन संग्रह 61:3

मारदे हना गे आं ख्रुइक्‍तीके बाक्‍नीनी। गे ङोंइती रे आं जोरी सत्रुमी मथित्‍तीके बोल्‍यो लाइश्‍शो खिं बाक्‍नीनी। भजन संग्रह ७१:३; हितोपदेस १८:१०

हितोपदेस 18:10

परमप्रभु यावे आ नें बोल्‍यो लाइश्‍शो खिं खोदेंशो बाक्‍ब। ठीक पाइबपुकी मेकेर दोरशा लशा, ब्रोंइशा बाक्‍नीम। हितोपदेस १४:२६; भजन संग्रह ६१:४

यसैया 33:16

मेको इर ङा मुर बाक्‍नीम। मेको आन ख्रुंइसीतीके सेरथे फुल्‍लु के सेल्‍शो दरवार बाक्‍ब। मेकोमी आन जचा थोव़क ताइनीम। मेको आन ब्‍वाक्‍कु बुक्‍तीके शुश दुम्‍ब।

यसैया 33:21

मेकेर आंइ मान तशो, परमप्रभु यावे गो नु बाक्‍ब। मेकेर ठेयब खोला नु नादी बाक्‍नीम। मेकेर दाप्‍लोम शाक्‍तीक डोंगा मगाक्‍नीम। मेकेर ठेयब जहाजपुकी यो लने मचाप्‍नीम।

यसैया 42:13

परमप्रभु यावे बोल्‍यो लडाइ पाइब खोदेंशो पा ग्रूब। लडाइ पाइब खोदेंशो पा आ जोंब बोक्‍पाइक्‍ब। मेको ठेयब रेयके पा ग्रीब। मिनु आ जोरी सत्रु आन कली आ ठेयब सक्ति कोंइब।

यसैया 51:16

गो इ कली आं लोव़ पपाइक्‍ता। गो इ कली आं गुइ ङा वांकुमी सुम्‍शा वोइक्‍तन। सरीङ प्राक्‍ब नु रागी आ जग वोइक्‍ब गो नङ। मिनु सियोन कली ‘गे आं मुर बाक्‍नीनी’ देंशो बाक्‍नुङ” देंत।

येरमीया 16:19

मिनु मेकोपुकीमी “परमप्रभु यावे, गे आं सक्ति नु आं ख्रुइश्‍शा, ब्रोंइशा बाक्‍तीक बाक्‍नीनी। गे श्‍येत जची ना आं ख्रुइक्‍तीके बाक्‍नीनी। रागी रागी ङा मुर रागी ङा सुर रे इन ङोंइती जाक्‍नीम। मिनु मेकोपुकीमी ‘आंइ किकी पिपी आन देवी देवता जोल ला बाक्‍तेक्‍म। मेको शोर गाक्‍शो बाक्‍तेक्‍म। भजन संग्रह ३६:७

येरमीया 17:17

गे आं कली हिंपाइक्‍ब मदुमीन। गो खतम दुम्‍‍चा ङा नाक्‍ती गेन आं ख्रुंइसीतीके बाक्‍‍नीनी।

इजीकीएल 38:19

मेको नाक्‍ती गो आं जोंब बोक्‍शा, गाइश्‍शो चुरशोम इस्राएल रागीम ठेयब ख्रिनु कुइब।

होसे 11:10

मेकोपुकी परमप्रभु यावे आ नोले खोइक्‍नीम। मेको चहिं गुप्‍स खोदेंशो पा ग्रीब। मिनु मोपा ग्रीमेनु, आ आलपुकी पच्‍छिम रे पा ख्रिंख्रि पना पन जाक्‍नीम। येरमीया २५:३०; होसे २:१

आमोस 1:2

मिनु मेकोमी “परमप्रभु यावे सियोन रे ठेयब सेंदा पा ग्री‍ब। मेकोम यरूसलेम रे पा ठेयब सेंदाम लोव़ पाइब। गोठला आन बी ब्‍यफ आन जोतीक रू नेल्‍ल सोव़ब। मिनु कारमेल डांडा आ ङर यो सोव़ब” देंत। येरमीया २५:३०; योएल ४:१६

आमोस 3:8

गुप्‍स ग्रीशो नेंशा, सु महिंबा? परमप्रभु यावे ब्‍वाक्‍मेनु, सुम आ लोव़ मपाइबा ङा?

नहुम 1:7

परमप्रभु यावे रिम्‍शो पाइब बाक्‍ब। मेको श्‍येत जशो नाक्‍ती ख्रुइश्‍शा ब्रोंइशा बाक्‍तीक बाक्‍ब। सु मेकेर प्रोक्‍शा लाइबा, मेको ख्रुइश्‍शा बाक्‍चा ताइब। ब्‍यवस्‍था ४:३१; भजन संग्रह १:६

हाग्‍गै 2:6

मिनु मुर नेल्‍ल आन परमप्रभु यावेमी “मुल इच्‍का नोले गो लेंशा सरीङ, रागी, समुन्‍द्र नु गोरशो रागी कली हिम्‍नुङ। हिब्रू १२:२६

हाग्‍गै 2:7

गो रागी रागी ङा मुर आन कली हिम्‍नुङ। मिनु रागी रागी ङा शोंप नेल्‍ल एकेर चाक्‍नीम। मिनु गो एको खिं कली आं दारसीम प्रिंनुङ।

जकरिया 10:12

गो मेको आन कली परमप्रभु यावे कली थमा सुइक्‍तीकेम बोल्‍यो सेल्‍नुङ। मिनु मेकोपुकी मेको आं नेंम गाक्‍नीम” दे परमप्रभु यावेमी देंत।

जकरिया 10:6

गो यहूदा आ खिं ङा मुर आन कली बोल्‍यो सेल्‍नुङ। योसेफ आ खिं ङा मुर आन कली श्‍येत रे प्रोंइनुङ। मेको आन कली ङोंइती ङा खोदेंशो सेल्‍नुङ। मारदे हना गो मेको आन कली शिशी पाइनुङ। मेकोपुकी गेनायो मतिल्‍शो खोदेंशो दुम्‍नीम। मारदे हना गो परमप्रभु यावे, मेको आन परमप्रभु नङ। गो मेको आन कली लोव़ लेत्‍नुङमी।

जकरिया 9:12

आस पा बाक्‍शो चोक्‍चा पुंइसीशो मुरपुकी इन बोल्‍यो ब्रोंइशा बाक्‍तीके लेश्‍शा लने। गो इन कली इन साम्‍शो क्‍येङा निक्‍शी खेयप खोइ शुश गे‍नुङ। जकरिया १०:९; यसैया ६१:७

हिब्रू 12:26

परमप्रभु यावेमी लोव़ पवानु, ख्रिनु कुशो खोदेंब पा रागी नेल्‍ले हिम्‍से बाक्‍त। मुल इं कली मार लोव़ पाइब देंशा हना “मुल यो लेंशा काले रागी ला ममाइ, सरीङ यो हिम्‍नुङ” देंब। हग्‍गै २:६

प्रकाश 11:13

मिनु मेको निक्‍शी लसानु, ठेयब ख्रिनु कुत। मेको सहर ङा १० भाग ङा भाग का ब्रेत्‍त। मिनु ७ हजार मुर मेको ख्रिनुमी बेक्‍तेक्‍म। मेको लीशो मुरपुकी चहिं क्‍युल क्‍युल पा हिंशा, स्‍वर्ग ङा परमप्रभु यावे कली मान पाम्‍तेक्‍म।

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 16:18

मिनु चिला, ठेयब रेयके, बुंबु पशा, ठेयब ख्रिनु कुत। मुरपुकी रागीमी बाक्‍मानु, मोमो ठेयब ख्रिनु गेनायो मकुशो बाक्‍माक्‍त।

१ सामुएल 15:29

परमप्रभु यावे इस्राएल ङा मान ताइब बाक्‍ब। मेकोमी आ लोव़ मफाइक्‍ब। आ थुं यो मफाइक्‍ब। मेको थुं फाइक्‍ब बेक्‍शा लाइब मुर खोदेंशो ममाइ” देंमाक्‍त। गन्‍ती २३:१९