योएल 2:8 - Sunuwar Bible

⁸ मेकोपुकी मचुमुथु गाक्‍शा, लां का खोइक्‍नीम। मिनु या कुरशो आन जोरी सत्रु आन हुलम ओव़नीम। मिनु सुइमी मेको आन कली तेक्‍ने मचाप्‍नीम।

योएल 2:8 ပူးပေါင်းရင်းမြစ်များ

२ इतिहास 23:10

मिनु मेकोमी मुर नेल्‍ल आन कली आन गुइ गुइमी या शेशा पिप कली खाल पचा कली वोइक्‍मी बाक्‍त। मेको आन कली दक्‍खिन रे उत्तर सम्‍म नु चढ़ेतीक आ एर ओंथ हिरशा खिं नेल्‍ल कली खाल पपाइश्‍शा वोइक्‍मी बाक्‍त।

२ इतिहास 32:5

मिनु हिज्‍कीयाहम शुश बोल पा सहर ङा ब्रेश्‍शो गारो नेल्‍ल सेल्‍पदा बाक्‍त। मिनु आ तार लाइश्‍शो खिंपुकी सेल्‍पदा बाक्‍त। मिनु मेकोमी गारो ङा लाङगा गे अर्को गारो सेल्‍पदा बाक्‍त। मिनु दाऊद आ सहर ङा गारो तिक्‍चा कली खप तेल्‍पदा बाक्‍त। मिनु मेकोमी शुश या नु तेक्‍तीक यो सेल्‍पदा बाक्‍त। २इतिहास २५:२३;

नेहेम्‍याह 4:17

कुरब मुरपुकीमी आन गुइ कामी कुरतीक नु अर्को गुइमी या कुरतेक्‍म।

नेहेम्‍याह 4:23

मोदेंशो पा गो, आं लोक्‍बपुकी, आं गेय पाइबपुकी नु आं नेक्‍था बाक्‍ब खाल पाइबपुकी वा मप्रुइक्‍थु, आंइ या शेशान इप्‍तक।

अय्‍युब 33:18

परमप्रभुम मेको कली बेक्‍चा रे प्रोंइचा दाक्‍ब। मेको आन कली तरवार रे प्रोंइचा दाक्‍ब।

अय्‍युब 36:12

तन्‍न मेकोपुकीम मेको आ लोव़ मनेंतेक्‍म हना, मारेइ मतुइक्‍थु, तरवारम साइक्‍चा पुंइसीनीम।

हितोपदेस 30:27

मिनु माले आन के पिप मबाक्‍ब। मोदेंशो बाक्‍तेक्‍म हना यो, मेकोपुकी लडाइ पाइब खोदेंशो पा तांती खिक्‍शा गाक्‍नीम।

ठेयब कुम्सो 4:13

इ रू दारीम रू खोदेंशो बाक्‍ब। मेकेर नेल्‍ल क्‍येङा रिम्‍शो फल फुल बाक्‍नीम। हेन्‍ना बुटा नु ब्रोव़शो रिना पाइब तेल बाक्‍नीम।

यसैया 5:27

मिनु मेको आन दातेमी सुइ मदाइनीम। दाइल मपांइसीनीम। मगोल्‍नीम। मिनु मइप्‍नीम। मेको आन किप्‍शुर मब्रुइक्‍ब, आन जुत्ता ङा डोरी यो मब्रोइक्‍नीम।

योएल 2:7

मेकोपुकी लडाइ पाइबपुकी खोदेंशो पा बारशा, गारो ङोंइसीनीम। मेको का का पा आन गाक्‍शो लां मप्रोंइथु, आन लांम गाक्‍नीम।

योएल 2:9

मेकोपुकी सहर कली लडाइ तोचा कली गारो तार दोरनीम। मेकोपुकी खिं ङा झेल रे खुइ खोदेंशो पा ओव़नीम।