योएल 2:5 - Sunuwar Bible

⁵ मेकोपुकी बग्‍गी दोरशो रेयके खोदेंशो पा पहाड तार दोरनीम। मीम आइक्‍च शी दाक्‍शो खोदेंशो पा रेयके पाइनीम। मेकोपुकी सक्ति पाइश्‍शो लडाइ पाइब आन हुलमी लडाइ पचा चिक्‍शो खोदेंशो बाक्‍नीम।

योएल 2:5 ပူးပေါင်းရင်းမြစ်များ

अय्‍युब 39:20

गे मेको कली सल्‍हा खोदेंशो पा प्रेक्‍‍पाइक्‍नेवे? मेको आ ठेयब सेंदा पा ग्रीशोम नेल्‍ल आन कली हिंपाइक्‍ब।

प्रस्‍थान 5:12

मोपा मेकोपुकी इजीप्‍त रागीमी पराल मथित्‍तीके पराल के ठुटा गुप्‍थ ब्रशा गाक्‍मा बाक्‍त।

यसैया 30:30

मिनु परमप्रभु यावेमी आ ठेयब सेंदामी लोव़ पशा नेंपाइक्‍ब। मेकोमी गाइश्‍शा चुरशा, आ गुइ याम पाइश्‍शा, मारेइ मारेइ नेक्‍ब मी ब्रपाइश्‍शा, बुंबु पपाइश्‍शा, रेउ नु मुप्‍स यिपाइश्‍शा कोंइब।

यसैया 5:24

मोपतीके दोपा मीम ठुटा नु सोव़शो घांस नेक्‍बा, मोपा मेको आन शाक्‍श राक्‍ब। मिनु आन फू फुरक खोदेंशो पा बेरशा लाइब। मारदे हना मेकोपुकीमी मुर नेल्‍ल आन परमप्रभु यावे आ लोव़ मटीम। मिनु इस्राएली आन का ला बाक्‍शो परमप्रभु आ लोव़ आ पर्बम शुक्‍शी पाम्‍तेक्‍म।

येरमीया 50:42

मेकोपुकी लिब्रा नु तूतीक कुरशो, थम मरिम्‍शो पाइब नु शिशी मपाइक्‍ब बाक्‍नीम। मेको आन रेयके समुन्‍द्र ग्रीशो खोदेंशो बाक्‍ब। मेकोपुकी शारा ङोइश्‍शा जाक्‍नीम। मेको लडाइ तोचा कली आन बाक्‍तीकेम राप्‍नीम। बेबीलोन आ तमी, इ कली लडाइ तोचा कली जाक्‍नीम। येरमीया ६:२३

मत्ती 3:12

आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०

प्रकाश 9:9

मेको आन कुचु ङा फेक्‍तीके फलाम के खोदेंशो बाक्‍त। मिनु मेको आन बेरशो रेयके चहिं शुश शारामी बग्‍गी कीशा, लडाइ पथ लशो रेयके खोदेंशो नेंसाक्‍व।