योएल 2:21 - Sunuwar Bible

²¹ रागी ङा मुर महिनीन। गे ग्‍येरशा सोम्‍सीशा बाक्‍कीन। परमप्रभु यावेमी ठेयब गेय पशो बाक्‍ब।

योएल 2:21 ပူးပေါင်းရင်းမြစ်များ

उत्पत्ती 15:1

मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४

भजन संग्रह 71:19

मिनु इन ठीक पतीके ठेयब दुम्‍शा, इर सरीङ थीब। गे थम ठेयब गेय पाइतीनी। परमप्रभु, इन खोदेंशो अरु सु बाक्‍नीमी ङा?

भजन संग्रह 98:8

समुन्‍द्र ङा छालपुकीमी आन गुइ फ्रोक्‍चा माल्‍नीम। डांडा नेल्‍ल ग्‍येरसीशा परमप्रभु यावे आ ङोंइती कालेम कुम्‍सो पने।

यसैया 35:1

मुर मबाक्‍शो नु ब्‍वाक्‍कु मबाक्‍शो रागी ग्‍येरसीनीम। गोरशो रागी ग्‍येरसीशा शुश फू बोइक्‍पाइक्‍ब। यसैया ३२:१५

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 44:23

गे सरीङ कुम्‍सो पावो। रागी नेल्‍ल रेयके पा, शुश कुम्‍सो पने। गे डांडा, ब्‍वाकी नु रवा नेल्‍लेमी कुम्‍सो पने। मारदे हना परमप्रभु यावेमी याकूब कली श्‍येत रे प्रोंइतु। इस्राएल रागीमी आं नें ठेयब सेल्‍शो बाक्‍ब। यसैया ४९:१३; यसैया ५५:१२; भजन संग्रह ९६:११-१३

यसैया 54:4

गे महिनो। मारदे हना गे मुने मदोक्‍नेवे। इ थुं लुक्‍च लचा मगेवो। गे शिशी ताइनेवे। गे इ ठिटी बाक्‍ङे ना ङा मुने प्रेंनेवे। इ वोंइश बेक्‍शो ना ङा श्‍येत लेंशा ममिम्‍नेवे। भजन संग्रह २५:७; येरमीया ५१:५

यसैया 55:12

मिनु गेपुकी ग्‍येरसीशा लाइनीनी। रिम्‍शो पा लेत्‍नीनी। इन ङोंइती डांडा नु पहाड कुम्‍सो पाइनीम। मिनु ब्‍वाकी ङा रवा नेल्‍लेमी गुइ फ्रोक्‍नीम। यसैया ४४:२३

येरमीया 33:3

मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।

होसे 2:21

परमप्रभु यावेमी “मेको नाक्‍त गो सरीङ कली लोव़ लेत्‍नुङ। सरीङमी रागी कली लोव़ लेप्‍ब।

योएल 2:20

गो उत्तर रे जाक्‍शो लडाइ पाइब आन कली इन क्‍येङा ङोन खेरनुङमी। गो मेको आन कली कोक्‍त। मुल गोरशो रागीमी खेरनुङमी। मेको आन ङोंइती ङा हुल आन कली पूर्ब ङा समुन्‍द्र गे नु मेको आन नोले ङा हुल आन कली पच्‍छिम ङा समुन्‍द्र गे खेरनुङमी। मिनु मेको आन राक्‍शो रिना इर गे लाइब” दे परमप्रभुमी देंत। मेकोमी थमा पा ठेयब गेय पशो बाक्‍ब।

योएल 2:26

मिनु गे शुश जचा तशा रूनीनी। मिनु इन पर्बम छक लाक्‍चा ङा गेय पाइब परमप्रभु यावे, इन परमप्रभु आ नें ठेयब सेल्‍चा माल्‍नीनी। मिनु आं मुरपुकी लेंशा गेनायो मुने मदोक्‍नीम। ब्‍यवस्‍था ८:१०

जकरिया 8:15

गो मुल यरूसलेम नु यहूदा ङा मुर आन कली रिम्‍शो पाइनुङ। गेपुकी महिनीन।

ब्‍यवस्‍था 4:32

मिनु गे इन क्‍येङा ङोंइती ङा नाक्‍त मिम्‍तीन। परमप्रभुमी मुर नु रागी सेल्‍शो रे मुल सम्‍म ओदेंशो ठेयब गेय पशो आ पर्बम लोव़ नेंनी? तनी?

१ सामुएल 12:16

मोपतीके गे बाक्‍कीन। मिनु परमप्रभु यावेमी इन ङोंइती मार ठेयब गेय पाइबा, मेको कोव़ङीन।

१ सामुएल 12:24

मिनु परमप्रभु यावे कली मान पा हिनीन। इन थुं नेल्‍लेम थमा पा मेको कली ठेयब सेलीन। मेकोमी इन कली गिश ठेयब गेय पशो बाक्‍मे, मेको मिम्‍तीन। ब्‍यवस्‍था ६:१२-१५