योएल 2:1 - Sunuwar Bible

¹ सियोनमी तुराही ताप्‍पीन। आं डांडामी शुश ग्रीब ताप्‍तीक ग्रोव़ ताप्‍पीन। रागीम बाक्‍ब मुर नेल्‍ल गिक गिक पा ख्रिंख्रि पामेक्‍ल। मारदे हना परमप्रभु यावे आ जाक्‍‍शो नाक्‍त नेक्‍था जाक्‍शो बाक्‍ब। मेको जाक्‍चा चिक्‍शो बाक्‍ब। योएल १:१५

योएल 2:1 ပူးပေါင်းရင်းမြစ်များ

१ इतिहास 15:28

मोपा इस्राएली नेल्‍लेमी ठेयब रेयके पा नु ग्रोव़, तुराही, बुप्‍केल, तार पाइश्‍शो ताप्‍तीके नु बीना ताप्‍शा परमप्रभु यावे आ कबल पशो सन्‍दोस कुइश्‍शा कु‍मा बाक्‍त।

भजन संग्रह 119:120

गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।

भजन संग्रह 87:1

परमप्रभुम आ डांडामी आ सहर सेल्‍तु।

प्रस्‍थान 10:14

मिनु सल्‍हा मालेमी इजीप्‍त रागी नेल्‍ल सुम्‍तेक्‍म। ङोंइती रे मोदेंशो शुश सल्‍हा माले गेनायो मबाक्‍शो बाक्‍मा बाक्‍त। मिनु नोले यो मोदेंशो गेनायो मदुम्‍माक्‍त।

यसैया 13:6

ठेयब सेंदा पा ङाक्‍कीन। मारदे हना परमप्रभु यावे आ नाक्‍त जाक्‍चशो बाक्‍ब। नेल्‍ल क्‍येङा ठेयब सक्ति पाइश्‍शो परमप्रभु मेको नाक्‍ती खतम पोक्‍थ जाक्‍ब।

यसैया 13:9

नेनीन, परमप्रभु यावे आ नाक्‍ती हिंचा ङा श्‍येतम जाक्‍ब। आ गाइश्‍शो चुरशोमी रागी नेल्‍ल मुर मबाक्‍तीके सेल्‍ब। मिनु पाप पाइब आन कली क्‍याम्‍ब।

यसैया 2:12

मिनु मुर नेल्‍ल आन परमप्रभु यावेमी काबु नाक्‍ती ठेयब लेश्‍‍शो, बोरशो मुर नु “गो ठेयब नङ” देंब आन कली आइक्‍च सेल्‍ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्‍याह १:१४

यसैया 66:2

मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

यसैया 66:5

परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

येरमीया 16:10

मिनु गे एको मुर आन कली एको लोव़ नेल्‍ल देंनेनु, मेकोपुकीमी इ कली ‘मारदे परमप्रभु यावेम आंइ कली ओदेंशो ठेयब मरिम्‍शो दुम्‍तीक देंमे? आंइ मरिम्‍शो पशो मार बाक्‍बा? गो परमप्रभु यावे, आंइ परमप्रभु कली मार पाप पका ङा?’ देंनीम। येरमीया ५:१९

येरमीया 16:7

मिनु बेक्‍ब आन पर्बम रोंका पाइब नु आम आफ आस कली लेम्‍चा कली सुइम तूचा थोव़क मगेनीम।

येरमीया 4:5

परमप्रभु यावेमी “यहूदामी शेंदीन। मिनु यरूसलेमम उरदी पने। गे रागी नेल्‍लेमी तुराही तपीन। ठेयब सेंदा पा ‘नेल्‍ल ग्रुम्‍य। मिनु गो ठेयब गारो हिरशो सहरमी प्रोक्‍य’

येरमीया 5:22

मार, गे आं कली मान पा हिंचा ममाल्‍नीनी ङा? गे आं ङोंइती ख्रिंख्रि मपाइनीनी? गो समुन्‍द्र आ सांद कली बाल्‍वा वोइक्‍ता। आ छाल बोक्‍तेक्‍म हना यो, मेको कली ख्राक्‍ने मचाप्‍नीम। मेकोपुकी शुश बोल पाम्‍तेक्‍म हना यो, मेको कली लाक्‍ने मचाप्‍नीम। ठेयब रेयके पाम्‍तेक्‍म हना यो, लाक्‍ने मचाप्‍नीम। बजन संग्रह १०४:९

इजीकीएल 12:23

मोपतीके मेको आन कली ‘परमप्रभु, परमप्रभु यावेमी, गो मेको मो देंतीक लोव़ आ अर्थ साम्‍नुङ। मिनु मेकोपुकीम इस्राएलम मेको देंतीक लोव़ गेनायो मदेंनीम’ दे माइक्‍मी। मेको आन कली ‘नाक्‍त नेक्‍थान जाक्‍शो बाक्‍नीम। कोंइतीक नेल्‍ल गाप्‍ब। हबकुक २:३

इजीकीएल 21:12

ए मुर, ङाक्‍शा रोंका पावो। मारदे हना मेकोम आं मुर आन कली साइक्‍ब। मेकोम इस्राएल ङा पिप आ खिं ङा मुर नेल्‍ल आन कली साइक्‍ब। मेको नु आं मुरपुकी यो तरवारम साइक्‍चा पुंइसीनीम। मोपतीके गे इ कुचु तुपो।

इजीकीएल 30:3

मारदे हना मेको नाक्‍त नेक्‍थान जाक्‍ना जाक्‍न बाक्‍‍ब। परमप्रभु यावे आ नाक्‍त नेक्‍थान जाक्‍शो बाक्‍ब। मेको गोस्‍सुम सुम्‍शो नाक्‍त बाक्‍ब। मेको रागी रागी ङा मुर आन कली हिंचा ङा नाक्‍त दुम्‍ब। योएल १:१५; सेफन्‍याह १:१४

इजीकीएल 33:3

मिनु मेकोम आ रागीम तरवार कुरशा आ जोरी सत्रु जाक्‍शो तशा, आ मुर आन कली तुइक्‍पाइक्‍चा कली तुराही ताप्‍ब।

इजीकीएल 33:6

तन्‍न मेको खाल पाइबम तरवार कुरशा लडाइ पाइब जाक्‍शो तशा यो, मुर आन कली नेंपाइक्‍चा कली तुराही मताप्‍तु नु तरवार जाक्‍शा सुइ मुर का कली साइक्‍तु हना, मेको मुर आ मरिम्‍शो पशो आ पर्बम बेक्‍ब। तन्‍न गो मेको खाल पाइब कली मेको आ हुश आ क्‍येक्‍क ताक्‍नुङ।

इजीकीएल 7:10

मेको नाक्‍ती मुल बाक्‍ब। इ खतम दुम्‍तीके जाक्‍ना जाक्‍न बाक्‍ब। कोक्‍के आ कोच्‍वा दाप्‍त। ठेयब लेत्‍तीक फू खोदेंशो पा बोइक्‍त। यसैया २:१२

इजीकीएल 7:12

मेको खतम दुम्‍तीके जाक्‍चा चिक्‍शो बाक्‍ब। ग्‍याप्‍बपुकी मग्‍येरसमल। लेयबपुकी रोंका मपामेक्‍ल। मारदे हना मेको नेल्‍लेम परमप्रभु आ गाइश्‍शो ताइनीम।

दानीएल 6:26

आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।

दानीएल 9:16

परमप्रभु, इन ठीक पतीकेमी इन सहर यरूसलेम नु इन योव़शो डांडा आ पर्बम मगाइक्‍तीन, मचुरीन। आंइ पशो पाप नु आंइ किकी पिप आन मरिम्‍शो पशो आ पर्बम यरूसलेम नु इन योव़शो मुर आन नेक्‍था बाक्‍ब मुर रे पा शुक्‍शी पाइक्‍चा पुंइसीब दुम्‍तेक्‍म।

दानीएल 9:20

मिनु गो मो देंशा परमप्रभु यावे, आं परमप्रभु आ ङोंइती लोव़ पना पन, प्रार्थना पा, आं पाप नु आं मुर इस्राएली आन पशो पाप नेल्‍ल शोव़शा, आं परमप्रभु आ डांडा, आ मुर आन पर्बम पुंइना पुंइन, बाक्‍ङानु,

होसे 5:8

गिबामी तुराही नु रामाह सहरमी ग्रोव़ ताप्‍पीन। बेथ-आवेनमी लडाइ ङा तुराही ताप्‍पीन। बेन्‍यामीन ङा मुरपुकी ङोंइती बारीन। २राजा १५:३७; यसैया ७:१-९; होसे ४:१५

होसे 8:1

मिनु “तुराही ता‍पो। ककाकुली का परमप्रभु यावे आ खिं तारी बेरना बेरन बाक्‍ब। मारदे हना मुरपुकीमी आं पशो कबल प्रोंइतेक्‍म। आं अरेशो लोव़ मटीम। यसैया ५८:१; ब्‍यवस्‍था २८:४९; होसे ६:७

योएल 1:15

मिनु योएलमी “परमप्रभु यावे आ जाक्‍चा चिक्‍शो नाक्‍त आ पर्बम आबी आबी, मारदे हना मुल मेको नाक्‍त जाक्‍ब। नेल्‍ल क्‍येङा सक्ति पाइश्‍शो खतम पोक्‍‍तीके जाक्‍ब। योएल २:१; यसैया १३:६

योएल 2:11

मिनु परमप्रभु यावे आ लडाइ पाइब आन ङोंइती ठेयब सेंदा पा लोव़ पाइब। मेको आ लडाइ पाइब सक्ति पाइश्‍शो नु शुश बाक्‍नीम। मिनु मेको आ देंशो टीब हिक्‍ने मचाप्‍चा ङा बाक्‍नीम। परमप्रभु यावे आ निसाफ पतीक नाक्‍ती ठेयब नु थम हिंचा ङा बाक्‍ब। मेको सुम फाल्‍ने चाप्‍नीमी ङा?

योएल 2:15

सियोनमी तुराही ताप्‍‍पीन। माइजा बाक्‍चा कली मुर आन कली खुप्‍तीन। मिनु चाड मानेचा कली मुर आन कली ब्रेत्‍तीन। योएल १:१४

योएल 2:31

परमप्रभु यावे आ ठेयब हिंचा ङा नाक्‍त जाक्‍चा क्‍येङा ङोंइती नां छिङछिङ दुम्‍ब। मिनु तास्‍ला हुश दुम्‍ब” देंशो बाक्‍ब। योएल २:२,१०,११; मत्ती २४:२९; प्रकाश ६:१२

योएल 3:14

मिनु निसाफ पतीक दिंममी शुश मुर जाक्‍स ङा जाक्‍स बाक्‍नीम। मारदे हना मेको दिंममी परमप्रभु यावे आ निसाफ पतीक नाक्‍ती जाक्‍चा चिक्‍शो बाक्‍ब।

योएल 3:17

“गो, परमप्रभु यावे, इन परमप्रभु आं डांडा सियोनम बाक्‍नुङ, दे गे तुइक्‍नीनी। मिनु यरूसलेम आं के दुम्‍ब। मिनु रागी रागी ङा मुर मेको सहर ङा लां रे पा मलाक्‍नीम। इजीकीएल ३४:३०

आमोस 3:6

मार, तेकोइ सहरमी तुराही ताप्‍शोनु, मुर महिंनीमी ङा? मार, सहरम श्‍येत दुम्‍मेनु, मेको परमप्रभु यावे आ सोइश्‍शो ममाइ ङा? यसैया ४५:७; बिलाप ३:३७

आमोस 5:18

मिनु परमप्रभु यावेमी “मारदे गे परमप्रभु यावे आ नाक्‍त जाक्‍शो दाक्‍नीनी? मारदे परमप्रभु यावे आ निसाफ पतीक नाक्‍त माल्‍नीनी? मेको नाक्‍त छिङछिङ दुम्‍ब, छेङछेङ मदुम्‍ब। योएल २:११

आमोस 8:2

मिनु मेकोमी आं कली “आमोस, गे मार तवी?” दे हिल्‍लो पती। मिनु गो “मीशो फोव़शीम ब्रीशो डालो का ताता” देंती। मिनु परमप्रभु यावेमी आं कली “आं मुर, इस्राएली आन नाक्‍त गाप्‍त। मुल गो मेको आन नेक्‍था बाक्‍शा, मार मार पाइनीमी, मेको कोव़नुङमी। आमोस ७:८

ओबदिया 1:15

परमप्रभु यावे आ निसाफ पतीक नाक्‍त रागी रागी ङा मुर नेल्‍ल आन नेक्‍था जाक्‍शो बाक्‍ब। गे दोदेंशो पशो नवे, इ कली मोदेंशोन पांइसीब। इ पशो गेय नेल्‍ल इ पियामीन मोंइसीब। योएल १:१५; येरमीया ५०:१५,२९

सेफन्‍याह 1:14

परमप्रभु यावे आ ठेयब नाक्‍त जाक्‍चा चिक्‍शो बाक्‍ब। मेको रीब पा जाक्‍ब। नोफा दाइश्‍शा नेनीन। परमप्रभु यावे आ ठेयब नाक्‍त, श्‍येत ङा नाक्‍त बाक्‍ब। लडाइ पाइबपुकी थम ठेयब सेंदा पा ग्रीनीम। योएल १:१५

सेफन्‍याह 1:16

गारोम हिरशो सहरपुकी नु गारो ङा कुनाम बाक्‍शो लाइश्‍शो खिं आन कली लडाइ तोचा कली तुराही ताप्‍शो नु लडाइ ङा रेयके पशो नेंसीब। येरमीया ३०:७

सेफन्‍याह 1:7

परमप्रभु, परमप्रभु यावे आ ङोंइती सिक्‍सी पने। मारदे हना परमप्रभु यावे आ नाक्‍त जाक्‍चा चिक्‍शो बाक्‍ब। परमप्रभु यावेमी चढ़ेतीक चाड का ठीक पाप्‍तु। परमप्रभु यावेमीआ ब्रेश्‍शो मुर आन कली ठीक सेल्तीमी। हबकुक २:२०

सेफन्‍याह 3:11

मेको नाक्‍त आं कली मटिशो आ पर्बम गे मुने दोक्‍चा ममाल्‍नीनी। मेना इ दाते ङा ठेयब लेश्‍शो मुर आन कली ग्रुंइनुङमी। आं डांडामी गे लेंशा ठेयब लेश्‍शो मदुम्‍‍नेवे।

जकरिया 14:1

परमप्रभु यावे आ नाक्‍त का जाक्‍ब। मेना इन के रोइश्‍शा लाइश्‍शो थोव़क इन दातेमीन योक्‍सीनीनी। यसैया ३९:६

जकरिया 8:3

परमप्रभु यावेमी “गो सियोनमी जाक्‍शा, यरूसलेम आ दातेमी बाक्‍नुङ। मिनु यरूसलेम थमा सुइक्‍चा पुंइसीब सहर दुम्‍ब। मिनु मुर नेल्‍ल आन परमप्रभु यावे आ डांडा आंम आ बाक्‍तीक डांडा दुम्‍ब” देंत। जकरिया १:१६; यसैया १:२१,२६; भजन संग्रह २:६

मलाकी 4:1

मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।

गन्‍ती 10:2

“गे चांदी के तुराही निक्‍शी सेलो। मेको तुप्‍शा, सेल्‍चा माल्‍नेवे। मिनु गे मेको ताप्‍शा, इस्राएली आन कली ग्रुम्‍पाइक्‍चा माल्‍नेवे। मिनु गाक्‍ची ना दुम्‍मेनु, गे मेको ताप्‍चा माल्‍नेवे। गन्‍ती ३१:६

गन्‍ती 10:3

मेको निक्‍शी कालेम ताप्‍शोनु, इस्राएली नेल्‍ल इ ङोंइती ग्रुम्‍तीक ताम्‍बु आ ओव़तीकेमी जाक्‍शा बुक्‍चा माल्‍नीम।

१ कोरिन्‍थी 14:8

लडाइ पची ना तुराही ताप्‍बमी मरुप्‍चा ङा पा ताप्‍तु हना, लडाइ पाइब लाइनीमी ङा?

फिलिप्‍पी 2:12

आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७

१ थिस्‍सलोनिकी 5:2

मारदे हना गेपुकी प्रभु आ नाक्‍त खुइ खोदेंशो पा जाक्‍ब, दे तुइक्‍नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५

याकूब 5:8

थुं नाइश्‍शा बाक्‍कीन। मारदे हना प्रभु जाक्‍चा चिक्‍शो बाक्‍ब। मोपतीके प्रभु कली टिचा मप्रोंइथु बाक्‍कीन।

१ पत्रुस 4:7

रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। १कोरिन्‍थी १०:११; १यूहन्‍ना २:१८

प्रकाश 6:17

मारदे हना मेको आस गाइक्‍ची नाक्‍त जाक्‍त। सुइ मेको आस ङोंइती राप्‍ने मचाप्‍नीम” दे ठेयब सेंदामी ग्रीतेक्‍म। आमोस ५:१८; रोमी २:५; मलाकी ३:२