योएल 1:9 - Sunuwar Bible

⁹ अन्‍न चढ़ेतीके नु तूचा थोव़क चढ़ेतीके परमप्रभु यावे आ खिंमी चढ़ेचा देक्‍शो बाक्‍ब। परमप्रभु यावे आ ङोंइती गेय पाइब चढ़ेबपुकी रोंका पाइनीम। योएल २:१४

योएल 1:9 ပူးပေါင်းရင်းမြစ်များ

२ इतिहास 13:10

तन्‍न परमप्रभु यावे आंइ परमप्रभु बाक्‍ब। मिनु गोपुकीम मेको कली मप्रोंइक। मिनु परमप्रभु यावे कली चढ़ेब हारून आ चच युइ बाक्‍नीम। मिनु लेवीपुकीमी मेको आन कली वारच पाइनीम।

प्रस्‍थान 28:1

मिनु इस्राएली आन दाते रे योव़शा, इ लोक्‍ब हारून नु आ तौपुकी इ ङोंइती राप्‍पाइक्‍चा माल्‍नेवे। मारदे हना हारून नु आ तौ नादाब, अबीहु, एलाजर नु इथामार आं कली चढ़ेब दुम्‍चा माल्‍नीमी। १इतिहास २३:१३; प्रस्‍थान ६:२३

यसैया 61:6

तन्‍न इन कली ‘परमप्रभु यावे कली चढ़ेब नम’ देंनीम। मिनु ‘आंइ परमप्रभु आ गेय पाइब नम’ दे यो देंनीम। गेपुकीमी रागी रागी ङा मुर आन शोंप ताइनीनी। मिनु मेको आन शोंपोम ग्‍येरनीनी। प्रस्‍थान १९:६; १पत्रुस २:५,९

बिलाप 1:16

गो मार कली ङाक्‍नुङा, मार कली आं प्रेक्‍क यीनीम देंशा हना, आं कली लेम्‍ब नु आं थुं बारपाइक्‍ब आ क्‍येङा ङोन बाक्‍नीम। आं आल लने थुम्‍तेक्‍म। मारदे हना आं जोरी सत्रु आं क्‍येङा बोल्‍यो बाक्‍तेक्‍म।

बिलाप 1:4

सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।

होसे 9:4

मेकोपुकीमी परमप्रभु यावे कली अङगुर शांबु चढ़ेनीम। क्‍योरशा चढ़ेतीक मचढ़ेनीम। आन जचा थोव़क मोन खमे खोदेंशो पा जाइनीम। मेको जाइब नेल्‍ल ग्रांग्रा दिशो दुम्‍नीम। मेको आन जचा थोव़कीम मेको आन शोव़लु साइक्‍चा ला दुम्‍ब। परमप्रभु यावे आ खिंमी चाक्‍ने मचाप्‍नीम।

योएल 1:13

चढ़ेबपुकी, सुर्ता पा अरन्‍डी फेक्‍शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्‍दो यो सुर्ता पा अरन्‍डी फेक्‍शा बाक्‍कीन। मारदे हना इन परमप्रभु आ खिंमी अन्‍न चढ़ेतीके नु तूचा थोव़क चढ़ेतीके देक्‍शो बाक्‍ब।

योएल 1:16

मार, इं जचा थोव़क इं ङोंइती रे मरोइक्‍से ङा? मार, ग्‍येरशा सोम्‍शा बाक्‍तीके आंइ परमप्रभु आ खिं रे मयोल्‍म ङा? ब्‍यवस्‍था १६:३१

योएल 2:14

मिनु परमप्रभु यावेमी आ थुं लेश्‍शा, सजाइ मगेथु, आसीक गेबा कों? मेको सुम तुइक्‍बा ङा? मिनु गेपुकीम परमप्रभु यावे, इन परमप्रभु कली अन्‍न चढ़ेतीक नु तूचा थोव़क चढ़ेतीके चढ़ेने। योना ३:९

योएल 2:17

परमप्रभु यावे आ ङोंइती गेय पाइब चढ़ेबपुकी परमप्रभु यावे आ खिं ङा पिंडी नु चढ़ेतीक आ दातेम ङाक्‍म‍ल” देंत। मेकोपुकीमी “परमप्रभु यावे इन मुर आन कली सजाइ मगेने। रागी रागी ङा मुर आन ङोंइती इन मुर आन कली शुक्‍शी नु तोक्‍शा लोव़ पाइक्‍तीक दुम्‍चा मगेने। मिनु जात जात ङा मुरपुकीमी ‘मार, मेको आन परमप्रभु ते बाक्‍म?’ देंचा मतामेक्‍ल” देंतेक्‍म। भजन संग्रह ७९:१०