योएल 1:7 - Sunuwar Bible

⁷ मेकोपुकीमी आं अङगुर रू खतम पोक्‍शा, आं फोव़शी रवा नेल्‍ल तिम्‍शा चेत्‍तेक्‍म। मेकोपुकीमी मेको आन कोक्‍ते नेल्‍ल थुरशा, ताइक्‍ताक्‍म। मेको आन राशी नेल्‍ल बुश दुम्‍‍तेक्‍म।

योएल 1:7 ပူးပေါင်းရင်းမြစ်များ

भजन संग्रह 105:33

मिनु मेकोमी आन अङगुर बोट नु फोव़शी रवा नेल्‍ल खतम सेल्‍शा, रागी नेल्‍ल ङा रवा फस पोक्‍गा बाक्‍त।

प्रस्‍थान 10:14

मिनु सल्‍हा मालेमी इजीप्‍त रागी नेल्‍ल सुम्‍तेक्‍म। ङोंइती रे मोदेंशो शुश सल्‍हा माले गेनायो मबाक्‍शो बाक्‍मा बाक्‍त। मिनु नोले यो मोदेंशो गेनायो मदुम्‍माक्‍त।

प्रस्‍थान 10:15

मेको शुश सल्‍हा माले बेरमानु, नाक्‍ती यो नाक्‍दो खोदेंशो पा छिङछिङ दुम्‍त। मेको सल्‍हा मालेमी मुप्‍स रे लीशो रू ङा वाशो नु रवा ङा फल नेल्‍ल नेक्‍तेक्‍म। मार मार गिग बाक्‍मा, मारेइ महेंदेम। इजीप्‍त रागी ङा रवा नु गिग खाइ नेल्‍ल नेक्‍तेक्‍म।

यसैया 24:7

अङगुर शांबु ग्‍युरब। अङगुर बोट सोव़नीम। ङोंइती ग्‍येरसीशा बाक्‍ब मुर नेल्‍ल हुकयी पाइनीम।

यसैया 32:12

इन रिम्‍शो रू नु अङगुर बोट आन पर्बम इन कुचु तुप्‍शा ङाक्‍कीन।

यसैया 5:6

गो मेको कली खतम सेल्‍नुङ। मेको कली ममुंइ‍नुङ, मरोक्‍‍नुङ। मिनु चू नु चोंक वाशा, सुम्‍नीम। गो गोस्‍स कली “रेउ मयिपतो” दे माइक्‍नुङ।

येरमीया 8:13

परमप्रभु यावेम “गो, अङगुर सेक्‍‍नुङ देंङानु बोटम अङगुर मबाक्‍म। फोव़शी रवाम फोव़शी मबाक्‍म। मेको आन सफा यो सोव़तेक्‍‍म। मेकोपुकी आं गेशो यो रोइक्‍चा पुंइसीनीम” दे परमप्रभु यावेमी देंत।

होसे 2:12

गो मेको आ अङगुर बोटपुकी नु फोव़शी रवापुकी खतम सेल्‍नुङ। मेको आ पर्बम मेकोमी ‘एको आं तेल्‍लेम पशो ङा गाल्‍च नमी’ देंशो बाक्‍त। गो मेको रवा रे ठेयब ब्‍वाकी सेल्‍नुङ। मिनु ब्‍वाकी ङा जन्‍तुपुकीमी मेको ब्‍वाइनीम।

योएल 1:12

अङगुर बोट सोल सुल बेक्‍तेक्‍म। फोव़शी रवा यो सोव़तेक्‍म। अनार, खजूर, स्‍याउ रवा नु रू ङा रवा नेल्‍ल सोव़तेक्‍म। थमा पा, मुर आन दातेमी मुर आन ग्‍येरतीक थुं यो मेको खोदेंशो पा नुप्‍शो बाक्‍ब।

आमोस 4:9

मिनु परमप्रभु यावेमी “गो इन फल फुल रू नु अङगुर रूम सोव़तीक नु बुक्‍खी ङाइक्‍तीक रोइ सोइक्‍ताक्‍ङ। सल्‍हा मालेमी इन फोव़शी रवा नु तेल रवा आन कली नेक्‍पाइक्‍तामी। मो हना यो गेपुकी आं गे मलेन्‍नी। हाग्‍गै १:११; योएल १:४

हबकुक 3:17

फोव़शी रवा मबोइक्‍ब। अङगुर बोट मसिप्‍ब। तेल रवाम फल काइ मसिप्‍ब। रूमी अन्‍न मसिप्‍ब। गोठीम बी ब्‍यफ नु क्‍यारश भेडा मबाक्‍त हना यो,

मलाकी 3:11

मिनु “गो इन रू ङा बाली नाली खतम मसेल्‍चा ङा पा माले आन कली हुइक्‍नुङमी। इन रूम बाक्‍शो अङगुर सिश्‍शा ग्रेल्‍नीम” दे मुर नेल्‍ल आन परमप्रभु यावेमी देंत। योएल १:४