योएल 1:19 - Sunuwar Bible

¹⁹ परमप्रभु यावे, गो इन कली वाइ ब्रेश्‍शा थोइनुङ। मारदे हना बी ब्‍यफ नु क्‍यारश भेडा आन जोतीके मीम नेक्‍शो बाक्‍ब। मिनु मीम रू ङा रवा नेल्‍ल नेक्‍शो बाक्‍ब। योएल २:३

योएल 1:19 ပူးပေါင်းရင်းမြစ်များ

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

येरमीया 14:4

रागीम रेउ मयितीके रागी नेल्‍ल सोव़शा जेश्‍शो बाक्‍ब। रू ङा गेय पाइबपुकी मारेइ पने मचाप्‍ब दुम्‍शा, आमाइ, दे आन कुल सुम्‍सीनीम। योएल १:११

येरमीया 3:9

इस्राएलमी आ तेल्‍लेम पतीके थम आइक्‍च मिम्‍ताक्‍व। मेकोमी फुल्‍लु नु रवापुकी नु यो लशा तेल्‍ले‍म पा रागी ग्रांग्रा दिशो सेल्‍तु।

येरमीया 9:10

गे डांडा आन पर्बम ङाक्‍शा रोंका पने। मिनु गोरशो रागी ङा योव़तीक आन पर्बम बिलाना पने। मेको गोरशो सेल्‍शो बाक्‍नीम। मेकेर सुइ मगाक्‍नीम। मिनु मेकेर बी ब्‍यफ क्‍‍यारश भेडा आन ग्रीशो मनेंसीब। सरीङ ङा चिक्‍ब नु जन्‍तु नेल्‍ल प्रोक्‍शा लाम्‍तेक्‍म। येरमीया ४:२५; येरमीया १२:४

येरमीया 9:9

मार, मोदेंशो पशो आ पर्बम गो मेको आन कली सजाइ मगेनुङमी? ओदेंशो रागी ङा मुर आन कली गो सजाइ गेचा माल्‍नुङ” दे परमप्रभु यावेम देंत। येरमीया ५:९,२९

योएल 2:3

मेको आन ङोंइङोंइती मीम मारेइ मारेइ नेक्‍ब। मिनु मेको आन नोनोले मी ब्राइब। मेको आन ङोंइती रूपुकी एदेन ङा फल फुल रू खोदेंशो बाक्‍नीम। मेको आन नोले गोरशो रागी खोदेंशो दुम्‍नीम। मेकोपुकी रे मारेइ मब्रोंइनीम। योएल १:१९

आमोस 1:2

मिनु मेकोमी “परमप्रभु यावे सियोन रे ठेयब सेंदा पा ग्री‍ब। मेकोम यरूसलेम रे पा ठेयब सेंदाम लोव़ पाइब। गोठला आन बी ब्‍यफ आन जोतीक रू नेल्‍ल सोव़ब। मिनु कारमेल डांडा आ ङर यो सोव़ब” देंत। येरमीया २५:३०; योएल ४:१६

आमोस 7:4

मिनु परमप्रभु यावेमी आं कली मार कोंइताक्‍यी देंशा हना परमप्रभु यावेमी आं कली ब्रशो मी का कोंइताक्‍यी। मिनु मेको मीम ठेयब समुन्‍द्र कली सोव़पाइक्‍तु। मिनु रागी कली यो नेक्‍तु। उत्‍पत्ती ७:११

मीका 7:7

तन्‍न गो परमप्रभु यावे गे कोव़नुङ। गो आं कली श्‍येत रे प्रोंइब परमप्रभु कली रिम्‍नुङ। आं परमप्रभुमी आं पुंइशो नेंब।

लूका 18:1

मिनु येसुमी आ शेंसीब आन कली “परमप्रभु यावे कली पुंइचा नु ‘गे रिम्‍शो पाइब बाक्‍नीनी’ देंचा गेनायो मप्रोंइचा” दे रुप्‍पाइक्‍चा कली कथा सेला बाक्‍त। १थिस्‍सलोनिकी ५:१७

लूका 18:7

मारदे हना निसाफ पाइब आ पशो खोदेंशो पा परमप्रभु यावेमी आ योव़शो आन कली आन पुंइशो मगेबा ङा? मेकोपुकीमी नाक्‍त किंत किंत पुंइचा मप्रोंइथु बाक्‍नीम। मुल मगेप्‍तु हना, काबु ङा काबु गेब। मिनु ग्रापाइक्‍ब।