योएल 1:12 - Sunuwar Bible

¹² अङगुर बोट सोल सुल बेक्‍तेक्‍म। फोव़शी रवा यो सोव़तेक्‍म। अनार, खजूर, स्‍याउ रवा नु रू ङा रवा नेल्‍ल सोव़तेक्‍म। थमा पा, मुर आन दातेमी मुर आन ग्‍येरतीक थुं यो मेको खोदेंशो पा नुप्‍शो बाक्‍ब।

योएल 1:12 ပူးပေါင်းရင်းမြစ်များ

भजन संग्रह 4:7

मेकोपुकी नु अन्‍न नु अङगुर रस शुश बाक्‍त हना यो, गे आं कली मेको आन क्‍येङा ग्‍येरपाइक्‍तीनी।

भजन संग्रह 92:12

ठीक पाइबपुकी चहिं खजूर रवा खोदेंशो पा बारनीम। मेकोपुकी लेबानोन ङा लाइश्‍शो रवा खोदेंशो पा लाइक्‍नीम। भजन संग्रह १:३; भजन संग्रह ५२:१०

ठेयब कुम्सो 2:3

आं वोंइश मुर अरु ठिटा आन दातेमी ब्‍वाकीम बाक्‍शो रवा आन दाते ङा स्‍याउ रवा खोदेंशो बाक्‍ब। गो मेको आ वांकुम थुं नाइश्‍शा बाक्‍नुङ। मेको आ फल ब्रोव़शो बाक्‍नीम।

ठेयब कुम्सो 4:13

इ रू दारीम रू खोदेंशो बाक्‍ब। मेकेर नेल्‍ल क्‍येङा रिम्‍शो फल फुल बाक्‍नीम। हेन्‍ना बुटा नु ब्रोव़शो रिना पाइब तेल बाक्‍नीम।

यसैया 16:10

मिनु ग्रेल्‍शो रू रे ग्‍येरशो सेंदा मनेंसीब। इस अङगुर रूमी ग्‍येरशा कुम्‍सो मपाइनीम। सुइमी अङगुर मख्राक्‍नीम। आन ग्‍येरशा कुम्‍सो पतीके जाम्‍त। येरमीया ४८:३३

यसैया 24:11

लां गाक्‍ब मुरपुकी अङगुर शांबु मबाक्‍तीके सुर्ता पाइनीम। ग्‍येरसीतीके नेल्‍ल नुप्‍ब। रागी ङा ग्‍येरसीतीके जाम्‍त।

यसैया 24:7

अङगुर शांबु ग्‍युरब। अङगुर बोट सोव़नीम। ङोंइती ग्‍येरसीशा बाक्‍ब मुर नेल्‍ल हुकयी पाइनीम।

यसैया 9:3

परमप्रभु, गे रागी रागी ङा मुर आन कली सोशा बोशा दुम्‍पाइक्‍तीनी। मेको आन कली थाम्‍पान ग्‍येरपाइक्‍तीनी। मेको आन कली इन ङोंइती बाली नाली ओंइची ना खोदेंशो पा ग्‍येरपाइक्‍तीनी। लडाइ ग्राशा, आन रोइश्‍शो मार मार योक्‍सीची ना खोदेंशो पा ग्‍येरपाइक्‍तीनी।

येरमीया 48:3

नेनीन, होरोनाइम रे वाइ ब्रेश्‍शो नेंसीब। खतम दुम्‍तीके नु क्‍याम्‍तीके आ पर्बम ङाक्‍शो नेंसीब।

येरमीया 48:33

मोआब ङा फल फुल रू रे ग्‍येरतीक नु थुं नाइ‍श्‍शा बाक्‍तीके जाम्‍ने थुम्‍तु। गो अङगुर ख्राक्‍तीक तेक्‍ता। सुइमी ग्‍येरशा ग्रीशा, मख्राक्‍‍नीम। मेको आन वाइ ब्रेश्‍शो ग्‍येरशा वाइ ब्रेश्‍शो ममाइ।

योएल 1:10

मिनु रू नेल्‍ल श्‍येत्‍थ दुम्‍शो बाक्‍नीम। खप रोंका पाइब। मारदे हना अन्‍न नेल्‍ल खतम दुम्‍शो बाक्‍ब। अङगुर आ रस सोव़त। तेल रवा आन फल सोव़तेक्‍म।

योएल 1:16

मार, इं जचा थोव़क इं ङोंइती रे मरोइक्‍से ङा? मार, ग्‍येरशा सोम्‍शा बाक्‍तीके आंइ परमप्रभु आ खिं रे मयोल्‍म ङा? ब्‍यवस्‍था १६:३१

योना 4:7

तन्‍न आ दीसा सुनी कना परमप्रभुमी खोंकला का सोइक्‍ता बाक्‍त। मेकोमी मेको आइक्‍च रवा आ शाक्‍श ख्रोदा बाक्‍त। मिनु रवा सोल बेक्‍माक्‍त।

हाग्‍गै 2:19

मार, गे नु वांचेर बाक्‍मे? अङगुर बोट, फोव़शी रवा, अनार नु तेल रवामी मुल सम्‍म फल मसिश्‍शो बाक्‍मा? मुलाक्‍त ङा मेरे गो इन कली आसीक गेनन्‍नी” दे परमप्रभु यावेमी देंत।

मलाकी 3:11

मिनु “गो इन रू ङा बाली नाली खतम मसेल्‍चा ङा पा माले आन कली हुइक्‍नुङमी। इन रूम बाक्‍शो अङगुर सिश्‍शा ग्रेल्‍नीम” दे मुर नेल्‍ल आन परमप्रभु यावेमी देंत। योएल १:४

गन्‍ती 13:23

मिनु नोले एश्‍कोल ङा दिंममी जाक्‍दीत्‍तेक्‍म। मिनु मेकेर अङगुर सिश्‍शो राशी क्‍योरशा, मेको कोक्‍के कामी शुइश्‍शा मुर निक्‍शीमी कुरशा चाक्‍तेक्‍स। मेकोपुकीमी अनार नु फोव़शी गेडा यो चाक्‍तेक्‍म।