अय्‍युब 7:7 - Sunuwar Bible

⁷ आं ब्रोंइतीक नाक्‍ती का ले कीशो सोक्‍त खोदेंशो बाक्‍नीम, दे मिम्‍तीन। गो लेंशा रिम्‍शो नाक्‍त तचा मताइनुङ।

अय्‍युब 7:7 ပူးပေါင်းရင်းမြစ်များ

उत्पत्ती 42:36

मिनु आन आफ याकूबमी “गे आं आल कली रोइक्‍ब बाक्‍नीनी। योसेफ लत। सिमियोन लत। मुल बेन्‍यामीन लाइक्‍चा माल्‍नीनी। एको नेल्‍ल आं कली श्‍येत गेचा कली बाक्‍ब” दे आ तौ आन कली देंमाक्‍त।

नेहेम्‍याह 1:8

मिनु गे इन वाइल मोसा कली ‘गे आं देंशो मटीतीनी हना, गो इन कली रागी रागी ङा मुर आन दातेमी फ्राइनन्‍नी’ देंतीनी। ब्‍यवस्‍था ४:२७

अय्‍युब 10:20

आं ब्रोंइतीक नाक्‍ती शुश मबाक्‍नीम। आं कली आं कान प्रोंइ‍‍यीनी। मिनु आं थुं इच्‍का नांइ‍सीबा कों?

अय्‍युब 10:9

गे आं कली खप के सेल्‍तीनी। मेको मिम्‍तीन। मिनु मुल फुरक सेल्‍नीनी? अय्‍युब ३३:६; उत्‍पत्ती २:७; उत्‍पत्ती ३:१९

अय्‍युब 7:16

गो ब्रोंइशा बाक्‍चा मदाक्‍नुङ। गो गेना हना यो ब्रोंइशा बाक्‍चा मदाक्‍नुङ। गे आं कली प्रोंइ‍‍यीनी। मारदे हना आं ब्रोंइशो का ले कीशो सोक्‍त खोदेंशो बाक्‍ब। १राजा १९:४

अय्‍युब 9:25

आं ब्रोंइतीक नाक्‍त दोरब आन क्‍येङा यो शुश दोरशो बाक्‍ब। मारेइ ग्‍येरतीक मत‍थु, मेको नुम्‍ना नुम्‍न लाइनीम।

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

भजन संग्रह 4:6

शुश मुरुमी “सुमी आंइ कली रिम्‍शो बाक्‍चा गेबा” दे हिल्‍लो पाइनीम। परमप्रभु यावे, इन कुल ङा छेङछेङ आंइ तार ब्रपतीन। गन्‍ती ६:२५

भजन संग्रह 74:18

परमप्रभु यावे इन जोरी सत्रुमी इन कली दोपा शाक्‍ग्‍मे। मिनु इन कली मटीबपुकीमी दोपा इन नें आ पर्बम शुक्‍‍शी पामे? मेको मिम्‍तीन।

भजन संग्रह 74:22

परमप्रभु, बोक्‍कीन। मिनु इन पर्बम लडाइ पने। मटीबपुकीमी नाक्‍त रे इन कली शाक्‍शो, मिम्‍तीन। भजन संग्रह १४:१-३

भजन संग्रह 78:39

परमप्रभुमी “मेको मुर ला बाक्‍नीम। फश खोदेंशो पा लाक्‍नीम। मिनु लेश्‍शा मजाक्‍नीम” दे मिम्‍ताक्‍व। भजन संग्रह १०३:१४-१६

भजन संग्रह 89:47

परमप्रभु, आं ब्रोंइशा बाक्‍तीक नाक्‍त इच्‍का ला बाक्‍ब। गे मुर नेल्‍ल आन कली जाम्‍शा लाइब सेल्‍शो बाक्‍नीनी।

भजन संग्रह 89:50

परमप्रभु यावे, दोपा इन गेय पाइब, गो शुक्‍शी पा रिश्‍शा कोव़चा पुंइसीङा, मेको मिम्‍तीन। गो मारदे जात जात ङा मुरपुकीमी शुक्‍शी पाइश्‍शो फाल्‍चा माल्‍ङा? मेको यो मिम्‍तीन। भजन संग्रह ४४:१-२५

येरमीया 15:15

मिनु गो “परमप्रभु यावे, गे नेल्‍ल तुइश्‍शो बाक्‍नीनी। आं कली मिम्‍तीन। मिनु आं कली कोव़ङीन। आं कली श्‍येत गेब आन कली क्‍येक्‍क लेत्‍तीन। गे मेको आन पर्बम शुश फाल्‍शा बाक्‍नीनी। आं कली मसाइय्‍‍यीनी। गो इन पर्बम शुक्‍शी पाइक्‍चा पुंइसाक्‍यी, गे मेको तुइक्‍नीनी।

याकूब 4:14

दीसा नित्‍थी मार दुम्‍बा, ब्रोंइनीनी कों, बेक्‍नीनी कों मारेइ मतुइक्‍नीनी। इन गिंम मार में? मेको गोस्‍स खोदेंशो बाक्‍ब, इच्‍का का ला लीशा, जाम्‍ब। लूका १२:२०