अय्‍युब 7:6 - Sunuwar Bible

⁶ आं नाक्‍त वा प्रोव़ब आन थूरी क्‍येङा यो रीब पा लाइ‍नीम। मेको नेल्‍ल आस मपाइश्‍शो दुम्‍‍नीम। यसैया ३८:१२

अय्‍युब 7:6 ပူးပေါင်းရင်းမြစ်များ

अय्‍युब 13:15

मेकोम आं कली साइक्‍ब। गो आस मपाइनुङ। तन्‍न मुल गो आं लोव़ मेको आ ङोंइती वोइक्‍नुङ।

अय्‍युब 14:19

ब्‍वाक्‍कुम फुल्‍लु आन कली योल्‍ब। बारशो ब्‍वाक्‍कुम रागी ङा खप योल्‍ब। मोपा गे मुर आन आस थुम्‍पाइक्‍नीनी। रोमी ५:५

अय्‍युब 16:22

इच्‍का बर्स नोले गो गेनायो मलेत्‍चा ङा पा लाइनुङ” देंमाक्‍त। अय्‍युब १०:२१

अय्‍युब 17:1

मिनु अय्‍युबमी “आं थुं जिक्‍शो बाक्‍ब। आं नाक्‍त नुप्‍शा लशो बाक्‍नीम। आं कली तुरस ठीक दुम्‍शो बाक्‍ब।

अय्‍युब 17:11

आं नाक्‍त नुप्‍तेक्‍म। आं मिम्‍शो नेल्‍ल मोशा दुम्‍त। मिनु आं थुं ङा मिम्‍शो जाम्‍शा लत।

अय्‍युब 17:15

आं आस पशो ते लाक्‍गा? मिनु सुम आं पर्बम आस पाइबा?

अय्‍युब 17:16

मार एको बेक्‍शो मुर आन बाक्‍तीक आ नेक्‍था लाइबा? मार, गो नेल्‍ल उइ फुरकुम काथा लाइनया?” दे अय्‍युबम देंमाक्‍त।

अय्‍युब 19:10

मेकोम आं कली लुक्‍च लाइब सेल्‍ती। गो खतम दुम्‍ती। रवा तुल्‍शो खोदेंशो पा आं आस नेल्‍ल नुप्‍पाइक्‍तु।

अय्‍युब 6:11

गो आं रिम्‍शा बाक्‍‍तीक सक्ति बाक्‍बा ङा? गो दोपा बेक्‍नुङा। गो रिम्‍शा बाक्‍ने चाप्‍नुङा ङा?

अय्‍युब 9:25

आं ब्रोंइतीक नाक्‍त दोरब आन क्‍येङा यो शुश दोरशो बाक्‍ब। मारेइ ग्‍येरतीक मत‍थु, मेको नुम्‍ना नुम्‍न लाइनीम।

भजन संग्रह 102:11

आं ब्रोंइतीक नाक्‍त पेरचा चिक्‍शो नां खोदेंशो बाक्‍ब। मिनु गो घांस खोदेंशो पा बेक्‍शो बाक्‍नुङ। भजन संग्रह ९०:५-६

भजन संग्रह 144:4

मुर कीशो सोक्‍त खोदेंशो बाक्‍नीम। मेको आन ब्रोंइतीक नाक्‍ती जाम्‍शा लाइब वांकु खोदेंशो बाक्‍नीम। अय्‍युब १४:२

हितोपदेस 14:32

परमप्रभु यावे आ अरेशो मटीबपुकी मरिम्‍शो पतीकेमी जाम्‍शा लाइनीम। तन्‍न ठीक पाइब मुर आंम आन गेना हना यो रिम्‍शो पतीकेमी ब्रोंइशा बाक्‍चा ताइनीम।

येरमीया 2:25

इ खोइल शिश्रा मगाक्‍को। गे तूतू दाक्‍शा खिं रे मलावो। तन्‍न गे ‘एको मोशा बाक्‍ब। मारदे हना गो अर्को रागी ङा देवता आन कली दाक्‍ताक्‍ङ। मिनु मेको आन नोले खोइक्‍नुङ’ देंते।

एफिसी 2:12

मेना गेपुकी ख्रीस्‍त रे ङोन बाक्‍तीनी। इस्राएल ङा मुरपुकी रे यो ङोन बाक्‍तीनी। मोपा परमप्रभु यावेमी पशो कबल मतुइक्‍थु, आस मपाइश्‍शो नु परमप्रभु यावे कली मतुइक्‍ब मुर बाक्‍तीनी। रोमी ९:४; १थिस्‍सलोनिकी ४:१३

याकूब 1:11

नां दाप्‍शा ङा मिन शुश हुप्‍तानु, घांस नेल्‍ल सोल सुल बेक्‍नीम। मिनु आन फू सफा नेल्‍ल हेम्‍नीम। मोपा आ दार‍स जाम्‍ब। मेको खोदेंशो पा क्‍येट थीब मुर यो आ गेय पस ङा पस बेक्‍नीम। यसैया ४०:६-७

याकूब 4:14

दीसा नित्‍थी मार दुम्‍बा, ब्रोंइनीनी कों, बेक्‍नीनी कों मारेइ मतुइक्‍नीनी। इन गिंम मार में? मेको गोस्‍स खोदेंशो बाक्‍ब, इच्‍का का ला लीशा, जाम्‍ब। लूका १२:२०

१ पत्रुस 1:13

मोपतीके इन थुं फ्रेंदीन। गेय पचा ङोंइती मिम्‍तीन। येसु ख्रीस्‍त जाक्‍मेनु, इन कली शिशी पाइब, दे आस पा बाक्‍कीन। लूका १२:३५-३६

१ पत्रुस 1:24

परमप्रभु यावे आ देंशो लोव़ मार बाक्‍त देंशा हना, रागी ङा मुर नेल्‍ल घांस खोदेंशो बाक्‍नीम। मेको आन दार‍स बोइश्‍शो फू खोदेंशो बाक्‍ब। आ घांस सोव़ब, मिनु फू यो हेम्‍ब। याकूब १:१०-११