अय्‍युब 7:5 - Sunuwar Bible

⁵ आं रां लुस्पुम ब्रीशा, फुरक लुम्‍सीशो बाक्‍ब। मिनु आं कुशुल जेश्‍शा नेंने ग्रूशो बाक्‍ब।

अय्‍युब 7:5 ပူးပေါင်းရင်းမြစ်များ

अय्‍युब 13:28

मोपतीके मुर राक्‍शो थोव़क खोदेंशो पा जाम्‍नीमी। तुम्‍बुम ख्रोइश्‍शो वा खोदेंशो पा नुप्‍शो बाक्‍नीमी” दे अय्‍युबमी देंमाक्‍त।

अय्‍युब 17:14

गो तुरस कली ‘गे आं आफ बाक्‍नीनी’ मिनु लुस्‍पु कली ‘आं ममा आं समी बाक्‍नीमी’ दें‍ती हना,

अय्‍युब 17:7

आं मिक्‍च श्‍येत जतीके ब्रा ब्रा दुम्‍शो बाक्‍ब। आं गुइ खोइल सोव़शो बाक्‍नीम। गो वांकु खोदेंशो बाक्‍नुङ।

अय्‍युब 19:20

आं के रुश नु कुशुल ला लीशो बाक्‍ब। गो बेक्‍चा चिक्‍शो बाक्‍ती।

अय्‍युब 19:26

मिनु आं कुशुल राक्‍शा खतम दुम नोले, गो आं रांमी परमप्रभु कली ताइनुङ। भजन संग्रह १७:१५; भजन संग्रह ७३:२४

अय्‍युब 24:20

मेको आन कली जरमेब कोव़जीम मेको आन कली प्रेंब। मिनु लुस्‍पु‍मी ‘मेको ब्रोव़शो बाक्‍नीम’ दे मिम्‍नीम। मुरुम मेको आन कली प्रें‍नीमी। मोपा परमप्रभु यावे आ अरेशो मटीबपुकी दिम्‍शो रवा खोदेंशो दुम्‍‍नीम।

अय्‍युब 9:31

गे आं कली हिलोमीन ब्‍वारनीनी। मिनु आं वाम यो आं कली ग्रांग्रा दिप्‍ब।

यसैया 1:6

पिया रे खोइल सम्‍म तेइ सेस मबाक्‍ब। राक्‍शो गार नु तुप्‍शा हुश यिशो गार ला बाक्‍नीम। मेको नेंने मपुक्‍शो, मफ्रेंशो नु तेल मख्रेक्‍शो बाक्‍नीम। ब्‍यवस्‍था २८:३५

यसैया 14:11

इ दारस नु इ ठेयब ताप्‍तीके नेल्‍ले यो बेक्‍शो मुर आन बाक्‍तीके जाक्‍तेक्‍म। लुस्‍पु इ ब्राख्‍ये दुम्‍नीम। बुस्‍स इ फेक्‍तीक दुम्‍ब’। इजीकीएल ३२:१८-१९

यसैया 66:24

मिनु मेकोपुकी ग्रूशा आं कली काइ मटीब आन बेक्‍शो रां कोव़थ लाइनीम। मेको आन लुस्‍पु मबेक्‍नीम, आन मी यो मकाप्‍ब। मेको मुर नेल्‍ल आन कली ग्रांग्रा दितीके दुम्‍नीम” दे परमप्रभु यावेमी देंत। मर्कूस ९:४८

इजीकीएल 20:43

मेकेर गे इन कली ग्रांग्रा दिशो सेल्ब थोव़क नु मरिम्‍शो गेय नेल्‍ल मिम्‍नीनी। मिनु इन पशो मरिम्‍शो गेय नेल्‍ल आन पर्बम मिम्‍शा आंम इन कली ग्रांग्रा दीनीनी। इजीकीएल ३६:३१-३२

प्रेरित 12:23

पिप हेरोदमी परमप्रभु यावे कली मान मपथु, आंमान ठेयब सेल्‍सीतीके परमप्रभु यावे आ स्‍वर्ग ङा गेय पाइबमी मेको कली रोइ पपदा बाक्‍त। मिनु मेको हेरोद लुस्‍पु जोल्‍शा बेक्‍माक्‍त। दानीएल ५:२०