अय्‍युब 7:16 - Sunuwar Bible

¹⁶ गो ब्रोंइशा बाक्‍चा मदाक्‍नुङ। गो गेना हना यो ब्रोंइशा बाक्‍चा मदाक्‍नुङ। गे आं कली प्रोंइ‍‍यीनी। मारदे हना आं ब्रोंइशो का ले कीशो सोक्‍त खोदेंशो बाक्‍ब। १राजा १९:४

अय्‍युब 7:16 ပူးပေါင်းရင်းမြစ်များ

उत्पत्ती 27:46

मिनु रेबेकामी इसहाक कली “गो हित्ती आ तमी आस पर्बम बेक्‍चा ङा दुम्‍ती। याकूबमी यो एको खोदेंशो पा एको रागी ङा हित्ती आ तमी का चाक्‍तु हना, गो ब्रोंइचा मदाक्‍नुङ” दे मदा बाक्‍त। उत्‍पत्ती २६:३४-३५

१ राजा 19:4

मिनु आं चहिं काबु ङा लां ङोन गोरशो रागीम ओव़माक्‍त। मिनु मेको बुटा आगाम निश्‍शा, परमप्रभु यावे कली “मुल नुप्‍त। आ सोक्‍त ब्रने। मारदे हना गो आं किकी पिपी आन क्‍येङा रिम्‍शो मनङ” देंमाक्‍त। अय्‍युब ७:१५; योना ४:३

अय्‍युब 10:1

मिनु अय्‍युबम “गो ब्रोंइचा मदाक्‍नुङ। गो आं श्‍येत आ पर्बम लोव़ पस ङा पस बाक्‍नुङ। गो आं कशो थुंमी लोव़ पाइनुङ।

अय्‍युब 10:20

आं ब्रोंइतीक नाक्‍ती शुश मबाक्‍नीम। आं कली आं कान प्रोंइ‍‍यीनी। मिनु आं थुं इच्‍का नांइ‍सीबा कों?

अय्‍युब 14:6

गे मुर आन कली मकोव़ङीन। मिनु नाक्‍त किंत किंत गेय पाइब मुर खोदेंशो ग्‍येरशा बाक्‍चा गेन। अय्‍युब ७१-२

अय्‍युब 6:9

आं कली खतम सेल वा। परमप्रभुमी आं कली साइय्‍यी वा।

अय्‍युब 7:15

मोपतीके गो मेको रांम ब्रोंइचा क्‍येङा सोक्‍त मकीथु बेक्‍चा दाक्‍नुङ।

अय्‍युब 7:7

आं ब्रोंइतीक नाक्‍ती का ले कीशो सोक्‍त खोदेंशो बाक्‍नीम, दे मिम्‍तीन। गो लेंशा रिम्‍शो नाक्‍त तचा मताइनुङ।

अय्‍युब 9:21

गो दोस मताइब बाक्‍नुङ। मो हना यो गो आं पर्बम मारेइ मतुइक्‍नुङ। गो ब्रोंइचा मदाक्‍नुङ।

भजन संग्रह 144:4

मुर कीशो सोक्‍त खोदेंशो बाक्‍नीम। मेको आन ब्रोंइतीक नाक्‍ती जाम्‍शा लाइब वांकु खोदेंशो बाक्‍नीम। अय्‍युब १४:२

भजन संग्रह 39:10

इन याम पाइश्‍शो लेत्‍तीन। गो इन तुप्‍शोमी जाम्‍शा लाइब दुम्‍ती।

भजन संग्रह 39:13

आं बेक्‍चा ङोंइती आं पर्बम गाइक्‍चा प्रोनीन। मिनु गो लेंशा ग्‍येरशा बाक्‍चा तङल” दे पुंइता।

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

भजन संग्रह 62:9

महिक्‍सीशो मुरपुकी फश ला बाक्‍नीम। हिक्‍सीशो मुर आन ठेयब दुम्‍तीके जोल ला बाक्‍ब। मेकोपुकी नाक्‍सीमानु, मारेइ मबाक्‍नीम। हिक्‍सीशो नु महिक्‍सीशो मुर नेल्‍ल मुठी का सोक्‍त ङा ला बाक्‍नीम।

भजन संग्रह 78:33

मोपतीके परमप्रभुमी मेको आन नाक्‍त मोशा नु मेको आन बर्सपुकी श्‍येत जपाइश्‍शा साम्‍तु। गन्‍ती १४:२२-२३; १कोरिन्‍थी १०:५

भजन संग्रह 78:39

परमप्रभुमी “मेको मुर ला बाक्‍नीम। फश खोदेंशो पा लाक्‍नीम। मिनु लेश्‍शा मजाक्‍नीम” दे मिम्‍ताक्‍व। भजन संग्रह १०३:१४-१६

उपदेसक 2:17

मोपतीके गो ब्रोंइचा मदाक्‍तु। मारदे हना रागीमी पशो गेय नेल्‍ल श्‍येत ला बाक्‍त। मेको नेल्‍ल जाम्‍शा लाइब बाक्‍तेक्‍म। मेको फश कली खेदा पशो खोदेंशो ला बाक्‍त।

येरमीया 8:3

एको मरिम्‍शो खिं ङा लीशो मुर नेल्‍लेमी, ते प्रोक्‍पाइक्‍तामी हना यो, मार देंनीम देंशा हना ‘गो ब्रोंइचा क्‍येङा यो बेक्‍चा दाक्‍नीकी’ देंनीम” दे मुर नेल्‍ल आन परमप्रभु यावेमी देंत।

योना 4:3

मुल परमप्रभु यावे, आं कली साइय्‍यीनी। मारदे हना गो ब्रोंइचा क्‍येङा बेक्‍चा दाक्‍नुङ” दे परमप्रभु यावे नु लोव़ पवा बाक्‍त। १राजा १९:४

योना 4:8

मिनु नां दाम्‍मेनु, परमप्रभुमी योना आ बाक्‍तीकेम पूर्ब रे होश फश सोइक्‍ता बाक्‍त। मिनु नांमी योना आ पिया नाप्‍शा, योना ओले पेते दुम्‍शा, गोल्‍माक्‍त। मिनु योनामी “ब्रोंइचा क्‍येङा बेक्‍चा दाक्‍नुङ” देंमाक्‍त।