10 मेको आन खिंम लेश्शा मजाक्नीम। मिनु मेको आन बाक्तीकेमी मेको आन कली मतुइक्नीम। अय्युब १०:२१; अय्युब १४:१२; भजन संग्रह १०३:१६
तन्न मुल मेको बेक्त। मारदे गो मारेइ मजथु बाक्नुङा? मार गो मेको कली लेश्शा चाक्ने चाप्नुङा ङा? गो मेको आ बाक्तीक लाइनुङ। तन्न मेको आं बाक्तीक लेश्शा मजाक्ब” देंमाक्त।
मेको ख्री खोदेंशो पा जाम्नीम। मिनु मेको आन कली ताइब नेल्लेम ‘मेको ते लाक्गमे, खोइ?’ देंनीम। मीका ७:१०
मेको आन कली तुइक्बपुकीम लेंशा गेनायो मताइनीम। मिनु आन बाक्तीके रे यो जाम्शा लाइनीम। भजन संग्रह ३७:१०
पूर्ब ङा फशेमी मेको आन कली बेर पा योल्ब। मिनु मेको आन बाक्तीके योल्चा पुंइसीनीम।
मेको फशेमी मेको आन कली तशा, आन गुइ फ्रेक्नीम। मेको आन बाक्तीकेम मेको आन कली शुक्शी पाइब” देंमाक्त।
मेको आन बाक्तीक रे खतम दुम्मानु, आन बाक्तीकेम मेको आन कली ‘गो इन कली गेनायो मतशो नङ’ देंब।
मिनु फश पवानु, मेको जाम्शा लाइब। मिनु आ बाक्तीक यो मतुइक्ब।
इच्का नाक्त नोले परमप्रभु आ अरेशो मटीब मलीनीम। गेपुकीमी मेको आन कली माल्तीनी हना यो, मथित्नीनी। मेको आन बाक्तीके श्येत्थ बाक्ब।