अय्‍युब 7:1 - Sunuwar Bible

¹ मिनु अय्‍युबमी “मुर रागीम बाक्‍मानु, शुश गेय पचा माल्‍नीम। मेको आन नाक्‍ती गेय पाइब आन नाक्‍त खोदेंशो बाक्‍नीम। अय्‍युब १४:६

अय्‍युब 7:1 ပူးပေါင်းရင်းမြစ်များ

अय्‍युब 10:17

गे आं मरिम्‍शो पशो आ पर्बम नक सांकछी चाक्‍नीनी। मिनु आं पर्बम इन गाइक्‍तीक तेम्‍नीनी। आं पर्बम इन हुल हुल लडाइ पाइबपुकी चाक्‍नीनी।

अय्‍युब 14:1

मिनु लेंशा अय्‍युबमी “मीश मुर रे जरमेशो बेक्‍शा लाइब मुर इच्‍का नाक्‍त ब्रोंइशा, श्‍येत ला जाइब।

अय्‍युब 5:7

मुरपुकी श्‍येत जचा कली जरमेसीनीम। मेकोपुकी मी आ फिलीङगो खोदेंशो पा जाम्‍नीम।

अय्‍युब 7:2

मेको नाक्‍दो ङा वांकु रिम्‍शो वाइलीम वाइल खोदेंशो पा बाक्‍नीम। आ गेय पशो ङा गाल्‍च ताक्‍चा कली रिम्‍शा बाक्‍शो खोदेंशो बाक्‍नीम।

भजन संग्रह 39:4

“परमप्रभु यावे, आं बेक्‍तीक नाक्‍त कोंइदीनी। आं ब्रोंइचा गिश नाक्‍त लीमे तुइक्‍पाइय्‍यीनी। गो रीब पा जाम्‍शा लाइब मुर बाक्‍नुङ। भजन संग्रह ९०:१२; अय्‍युब १४:५

उपदेसक 8:8

फश कली तेक्‍शा वोइक्‍तीक सक्ति सुइ के मबाक्‍ब। मोपान आंम बेक्‍तीक नाक्‍त कली सुइमी तेक्‍ने मचाक्‍ब। दोपा लडाइ पची ना सुइ खिं लचा मताइनीमी, मोपान मरिम्‍शो पतीकेमी मरिम्‍शो पाइब कली गेनायो मप्रोंइब।

यसैया 16:14

मुल चहिं परमप्रभु यावेमी “गाल्‍च ताइबम आ बर्स हिक्‍शो खोदेंशो पा बर्स सांमी मोआब आ दारस जाम्‍शा लाइब। मिनु आ ठेयब हुल शुश मलीनीम। मेको आ लीशो मुर शुश मदुम्‍थु, सक्ति मपाइश्‍शो दुम्‍नीम” देंत। यसैया २१:१६

यसैया 21:16

मिनु परमप्रभुमी आं कली “गाल्‍च ताइबम आ बर्स हिक्‍शो खोदेंशो पा बर्स का नोले केदार आ दारस नेल्‍ल जाम्‍ब। यसैया १६:१४

यसैया 38:5

“हिज्‍कीयाह आ बाक्‍तीक लावो। मेको कली परमप्रभु यावे, इ किकी दाऊद आ परमप्रभुमी इ कली ‘गो इ पुंइशो लोव़ नेंता। इ प्रेक्‍कु ताता। नेनो, गो इ ब्रोंइतीक नाक्‍ती १५ बर्स तेम्‍नुङ।

यसैया 40:2

यरूसलेम कली आ थुं बारपाइक्‍तीके लोव़ पने। आ श्‍येत नुप्‍त। आ मरिम्‍शो पशो क्‍याम्‍शो बाक्‍ब। मारदे हना परमप्रभु यावे रे पा आ मरिम्‍शो पशो आ पर्बम निक्‍शी खेयप सजाइ ताप्‍तु” देंत। होसे २:१६; येरमीया १६:१८

लेवी 25:50

मेको मुरुमी आ अर्को रागी ङा ठेयब मुर कली लेयसीशो बर्स रे प्रोंइतीक बर्स सम्‍म हिक्‍शा, आ गेय पतीक लीशो बर्स कली जेला तशो खोदेंशो पा हिक्‍चा माल्‍ब। मिनु लीशो बर्सम ततीके जेला ङा क्‍येट हिक्‍शा थाप्‍चा माल्‍ब।

ब्‍यवस्‍था 15:18

गेपुकीमी मेको आन कली प्रोंइशा सोइक्‍चा श्‍येत मलाक्‍कीन। मारदे हना गाल्‍च ताक्‍शा गेय पाइब आन क्‍येङा निक्‍शी खेयप हिक्‍शो खोदेंशो पा मेकोमी ६ बर्सम गेय पने थुम्‍शो बाक्‍ब। गेपुकीमी इन प्रोंइशो वाइलीम वाइल कली रिम्‍शो पा गेतीनी हना, परमप्रभु यावे, इन परमप्रभुमी इन कली इन पशो नेल्‍लेमी आसीक गेब।