अय्‍युब 6:4 - Sunuwar Bible

⁴ नेल्‍ल क्‍येङा ठेयब सक्ति पाइश्‍शो आ ब्राम आं कली ग्रुक्‍शो बाक्‍नीम। आं सोक्‍तीम मेको आन बीख तूचा माल्‍ब। परमप्रभुमी आं कली हिंपाइश्‍शो बाक्‍ब। भजन संग्रह ३८:३

अय्‍युब 6:4 ပူးပေါင်းရင်းမြစ်များ

अय्‍युब 16:9

परमप्रभुमी आ गाइश्‍शोमी आं कली एर ओंथ फ्रशो बाक्‍ब। मिनु आं कली काइ मदाक्‍ब। मेकोम आं पर्बम आ ख्रुइ शेप्‍शो बाक्‍ब। आं जोरी सत्रुमी आं कली सिम्‍ले पा कोव़शो बाक्‍नीम।

अय्‍युब 19:12

मेको आ लडाइ पाइबपुकी बुक्‍शा आं कली पुम्‍नीम। मेकोपुकीम आं ताम्‍बु आ एर ओंथ नेल्‍ल आन बाक्‍‍तीक सेल्‍नीम।

अय्‍युब 20:16

मेकोपुकीम बुस्‍स आ बीस युप्‍नीम। मिनु बीस पाइश्‍शो बुस्‍सुमी मेको आन कली कोक्‍शा साइक्‍ब।

अय्‍युब 21:20

मेकोपुकीम आंमा आन कली खतम दुम्‍तीक तामेक्‍ल। मेकोपुकीम नेल्‍ल क्‍येङा ठेयब सक्ति पाइश्‍शो आ गाइश्‍शो तुइक्‍तमेक्‍ल।

अय्‍युब 30:15

मिनु गो शुश हिंना हिंन बाक्‍नुङ। मेकोम आं मान ततीक फशेम खोदेंशो पा हुरुर पा योल्‍पाइक्‍तु। आं शोंप बाक्‍शा रिम्‍शो दुम्‍तीके गोस्‍स खोदेंशो पा जाम्‍शा लत।

अय्‍युब 31:23

तन्‍न गो परमप्रभु आ गेशो हिंचा ङा श्‍येत तशा हिंनुङ। मिनु गो मेको आ ठेयब मान ततीके फाल्‍ने मचबु।

अय्‍युब 34:6

गो ठीक पाइब बाक्‍ती हना यो, आं कली जोल पाइब सुइक्‍‍ती। गो हेंथे मपाता हना यो, आं गार मसा’ दें‍त। अय्‍युब ९:१५,२०; अय्‍युब ६:४

अय्‍युब 7:20

गो पाप पाता हना यो, इन कली मार दुम्‍बा ङा, गे मुर आ थुं नाक्‍शा कोव़नीनी? गे मारदे आं कली खेदा पस ङा पस बाक्‍नीनी। गे मारदे आं कली तशा ब्रीनीनी?

अय्‍युब 9:17

मारदे हना मेकोमी आं कली फश गिवारम खतम सेल्‍ब। मोशान आं गार शुश सेल्‍ब।

भजन संग्रह 143:7

परमप्रभु यावे, गे आं कली रीब पा लोव़ लेत्‍तीनी। आं थुं लुक्‍च लशो बाक्‍ब। इन कुल आं क्‍येङा मख्रुइक्‍तीन। मो दुम्‍त हना, गो बेक्‍शो मुर आन बाक्‍तीक लाइब मुर खोदेंशो दुम्‍नुङ।

भजन संग्रह 18:14

मिनु मेकोमी आ ब्रा आबानु, आं जोरी सत्रु ब्रपाइक्‍तीमी। ठेयब चिला पपाइश्‍शा, प्रोक्‍पाइक्‍तीमी।

भजन संग्रह 21:12

गे मेको आन कली प्रोक्‍पाइश्‍शा, आन कुलम ख्रपाइक्‍चा कली लिब्रा कीनीनी।

भजन संग्रह 38:2

मारदे हना इन ब्राम आं कली देश्‍शो बाक्‍नीम। मिनु इन गुइमी आं कली चिप्‍शो बाक्‍ब। अय्‍युब ६:४

भजन संग्रह 38:3

इन गाइक्‍तीकेमी आं रां नेल्‍ल खाइश्‍शो बाक्‍ब। आं मरिम्‍शो पतीकेम आं रुश नेल्‍ल मुक्‍शो खोदेंशो बाक्‍नीम।

भजन संग्रह 45:5

गे इन हेश्‍शो ब्रामी इन जोरी सत्रु आन लुङगीरमी देत्‍नीम। जात जात ङा मुर इन ङोंइती साइक्‍चा पुंइसीनीम।

भजन संग्रह 7:13

मिनु आन साइक्‍तीक या आंम कली ठीक पशो बाक्‍नीम। आन ब्राम मी ब्रपाइश्‍शो बाक्‍नीम।

हितोपदेस 14:10

थुं ङा श्‍येत थुंम ला तुइक्‍ब। मिनु थुं आ ग्‍येरसीशो थुंमी ला तुइक्‍ब। रोमी १२:१५

हितोपदेस 18:14

मुर आ थुंमी रां ङा रोइ फाल्‍ने चाप्‍ब। तन्‍न आ थुं लुक्‍च लत हना, सुम फाल्‍ने चाप्‍‍बा ङा?

यसैया 28:19

मेको गिश खेयप जाक्‍त हना यो, इन कली सुम्‍ब। मारदे हना मेको सुनी कुस कुस जाक्‍ब। नाक्‍दो नाक्‍ती यो जाक्‍ब। मेको लोव़ रुप्‍चा चहिं शुश हिंचा ङा बाक्‍ब।

बिलाप 2:4

परमप्रभुमी सियोन आ जोरी सत्रु खोदेंशो दुम्‍शा, आ लिब्रा की‍तु। आ जोरी सत्रु खोदेंशो दुम्‍त। आंइ दाक्‍शो नेल्‍ल आन कली साइक्‍तु। परमप्रभुमी आ चुरशो मी खोदेंशो पा सियोन आ तमी आ ताम्‍बु तारी मोइक्‍तु।

बिलाप 3:3

मेकोमी नाक्‍त किंत किंत आं कली श्‍येत गेना गेन बाक्‍ब।

मर्कूस 15:34

मिनु ३ बजे गे येसुमी “एली, एली, लामा असाब्‍थानी” दे वाइ ब्रेम्‍माक्‍त। आ देंशो मार रुम्‍सीब देंशा हना “आं परमप्रभु, आं परमप्रभु, मारदे प्रोंइ‍यीनी?” देंशो रुम्‍सीब। भजन संग्रह २२:२

२ कोरिन्‍थी 5:11

गोपुकी प्रभु कली मान पा हिंशा तुइक्‍तीके गो मुर आन कली शेंनीकी। परमप्रभु यावेमी आंइ पशो नेल्‍ल तुइक्‍ब। मिनु गे यो तुइक्‍नीनी, दे आस पाइनीकी।

ब्‍यवस्‍था 32:42

आं ब्रा आन कली ग्‍याइश्‍शा साइश्‍शो मुर आन हुशेमी गिल्‍नुङ। आं या लाइश्‍शो चां पाइश्‍शो आं जोरी सत्रु आन श्‍ये ब्‍वाइब खोदेंशो सेल्‍नुङ’ दे परमप्रभुमी देंत।

रूथ 1:20

मिनु नाओमीमी “आं कली नाओमी मदेनीन। मारा देनीन। मारदे हना नेल्‍ल क्‍येङा सक्ति पाइश्‍शो परमप्रभु यावेमी आं कली मरिम्‍शो पाइश्‍शा, श्‍येत जपाइक्‍ती। नाओमी देंशो दारशो रुम्‍सीब, मारा चहिं कशो रुम्‍सीब।