अय्‍युब 5:4 - Sunuwar Bible

⁴ मेको आन आल कोव़ब मुर मबाक्‍नीम। मेकोपुकी ठेयब लाप्‍चोम साइक्‍चा पुंइसीनीम। मेको आन कली प्रोंइब सुइ मबाक्‍ब।

अय्‍युब 5:4 ပူးပေါင်းရင်းမြစ်များ

अय्‍युब 1:19

मेना गोरशो रागी रे फश गिवार जाक्‍शा, खिं आ एर ओंथ नेल्‍ल रे थोक्‍ताक्‍व। मिनु मेको खिं मेको आन तार ब्रेश्‍शा, मेको नेल्‍ल आन कली चिप्‍शा साइक्‍तु। इन कली एको लोव़ शोव़चा कली गो का ला ब्रोंइती” देंमाक्‍त।

अय्‍युब 10:7

गो दोस मताइब बाक्‍नुङ, दे गे तुइक्‍ताक्‍नी हना यो, इन गुइ रे आं कली सुइम प्रोंइने मचाप्‍ब, दे यो तुइक्‍नीनी।

अय्‍युब 20:10

मेको आन आलपुकीम प्रुङग आन शिशी माल्‍नीम। मिनु मेको आन तौपुकीमी प्रुङग आन शोंप लाइश्‍शा गेनीम।

अय्‍युब 27:14

मेको आन तौ शुश बाक्‍तेक्‍म हना यो, मेकोपुकी तरवारम क्‍योरशा साइक्‍चा पुंइसीनीम। मिनु मेको आन चच युइ रूथ्री जचा मताइनीम। अय्‍युब २१:१९

अय्‍युब 8:4

इन तमी तौपुकीम मेको आ पर्बम पाप पाम्‍तेक्‍म। मोपतीके मेकोम मेको आन कली आन हेंथे पशो मोइक्‍ताक्‍व। अय्‍युब १:४-५

भजन संग्रह 119:155

इन अरेशो लोव़ मटीब आन कली गे श्‍येत रे मप्रोंइनीनी। मारदे हना मेकोपुकीमी इन फुल्‍लुम मुशा ब्रेक्‍शो लोव़ पचा ममलेम।

भजन संग्रह 127:5

सु सु आन ब्रा कुरतीके मेकोमी ब्रीशो बाक्‍नीमी, मेको मुर ग्‍येरसीशो बाक्‍नीम। मिनु मेकोपुकी ठेयब लाप्‍चोमी आन जोरी सत्रुमी लोव़ पा जिचा पोक्‍गमेनु, मुने मदोक्‍नीम।

भजन संग्रह 7:2

गे आं कली मप्रोंइतीनी हना, मेकोपुकीमी आं कली गुप्‍सम खोदेंशो पा दिप्‍शा ब्‍वाइनीम। मिनु सुइमी आं कली मेको आन गुइ रे प्रोंइने मचाप्‍नीम।

प्रस्‍थान 20:5

मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५

हितोपदेस 24:7

मूर्खपुकीमी तुइक्‍तीके रुप्‍ने मचाप्‍नीम। मेकोपुकीमी ठेयब लाप्‍चो ङा ग्रुम्‍तीकेमी लोव़ पने मचाप्‍नीम।

आमोस 5:12

मारदे हना गो इन शुश मरिम्‍शो पशो तुइक्‍नुङ। गो इन पाप गिश ठेयब बाक्‍बा, मेको तुइक्‍नुङ। गे ठीक पाइब आन कली श्‍येत गेनीनी। घूस ताक्‍नीनी। निसाफ पतीकेमी मारेइ मथीब आन कली नेप्‍शा ग्रुंइनीनी।

यहोसु 20:4

मिनु मेको मोदेंशो सहरमी मुर साइक्‍ब मुर प्रोक्‍त हना, मेको सहर ङा ठेयब लाप्‍चोमी राप्‍शा बाक्‍चा माल्‍ब। मिनु सहर ङा ठेयब मुर आन ङोंइती आं लोव़ नेंपदल। मिनु नोले मेकोपुकीमी मेको मुर कली सहर ओव़चा नु बाक्‍तीक खिं गेचा माल्‍नीम। मिनु मेको मुर मेकोपुकी नु बाक्‍चा माल्‍ब।